Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Кӗрхи кун кӗлтеллӗ, ҫурхи кун ҫеҫкеллӗ.
[ваттисен сӑмахӗ]
 

Хыпарсен ҫыххи: Кӳршӗре

Кӳршӗре
Айӑпланакан хӗр. «Кстати…» телеканал тунӑ сюжетри сӑн
Айӑпланакан хӗр. «Кстати…» телеканал тунӑ сюжетри сӑн

Чулхула облаҫӗнче 2020 ҫулхи раштав уйӑхӗнче ҫул ҫинче инкек пулса иртнӗ. Балахна хулинче пӗр хӗр светофорӑн хӗрлӗ ҫути ҫине пӑхмасӑр ҫул тӑваткалне вӗҫтерсе тухнӑ. Кунта вӑл симӗс ҫутӑ ҫине тухнӑ тепӗр машшинпа ҫапӑннӑ.

Инкекре симӗс ҫутӑ ҫине тухнӑ машшин водителӗн пурнӑҫӗ татӑлнӑ. Унӑн икӗ ача тӑрса юлнӑ. Хӗрлӗ ҫутӑ ҫине ҫӗр километра яхӑн хӑвӑртлӑхпа (курнӑ ҫынсем каланӑ тӑрӑх) вӗҫтерсе тухнӑ хӗре айӑплас тӗлӗшпе суда тӑсаҫҫӗ. Сӑлтавне вара хӗрӗн амӑшӗ судьяра ӗҫленинче кураҫҫӗ. Хӗрӗ хӑй те Балахнари судра ӗҫленӗ.

«Кстати…» телекӑларӑм каласа панӑ тӑрӑх, суда тӗрлӗ майпа тӑсма хӑтланаҫҫӗ. Сӑмахран хӗр сыв маррипе сӑлтавласа. Ҫавӑн пекех хӗр айӑпне сирес, е ӑна пӗчӗклетме тӑрӑшни сисӗнет. Шар курнӑ ен каласа панӑ тӑрӑх чи малтан хӗре хӳтӗлесе инкекре Максим Рыбакова хӑйне айӑпласшӑн пулнӑ — вӑл имӗш инкек ан тухтӑр тесе нимӗн те туман. Хальхи вӑхӑтра айӑпланакан ен Максим Рыбаков вилнине лешӗ пиҫиххипе ҫыхӑнманнипе сӑлтавласшӑн. Имӗш Кристина Короткова ҫӗр ҫухрӑмпа хӑваласа светофор ҫинче хӗрлӗ ҫутӑна пӑхмасӑр ҫул тӑваткалне вӗҫсе тухни мар ҫынна вӗлернӗ — ҫакӑ имӗш Максим пуҫӗпе асфальт ҫине пырса тӑрӑннӑран пулса иртнӗ.

Малалла...

 

Кӳршӗре
«Кстати…» репортажри сӑн
«Кстати…» репортажри сӑн

Чулхула облаҫӗнчи Сосновское поселокра хӗрӗ амӑшне сарая пурӑнма хӑваласа янӑ. Кун пирки кӳршӗ тӑрӑхра тухакан «Кстати…» телепрограмма каласа панӑ.

Татьяна Кузьминична чи малтанах аслӑ хӗрӗпе тата кӗрӳшӗпе пӗрле Макасово ялта пурӑннӑ. Анчах та хӗрӗн ҫемьипе хирӗҫсе кайнӑ хыҫҫӑн унӑн Сосновски поселока куҫма тивнӗ. Кунта унӑн хваттер пулнӑ, хваттерте кӗҫӗн хӗрӗ пурӑннӑ. Поселока куҫса килнӗ хыҫҫӑн кӗҫӗн хӗрӗ аппӑшӗ хваттер пайне ан кӗрейтӗр тесе амӑшне пурлӑха хӑйӗн ҫине ҫырма ыйтнӑ. Амӑшӗ хваттере кӗҫӗн хӗрне парнеленӗ хыҫҫӑн хӗрӗ ӑна хваттере кӗртми пулнӑ. 69 ҫула ҫитнӗ хӗрарӑм суд урлӑ ӑна хваттере яма ирӗк ыйтнӑ, анчах ӗҫ ӑнман. Суд шучӗпе Татьяна Кузминичнӑн Макасово ялӗнче пурлӑх пур, прописка тӑрӑх вӑл унта тӑрать.

Хальхи вӑхӑтра карчӑк Сосновски поселокра вырнаҫнӑ сарайра пурӑнать. Кӗҫӗн хӗрӗ ултавпа туртса илнӗ хваттерӗн чӳречисем шӑп та лӑп сарай енне тухаҫҫӗ. Татьяна Кузминична урай ҫинчех ҫывӑрать, йӗри-тавра йӗкехӳресем чупаҫҫӗ. Унӑн малтан апат-ҫимӗҫ упрамашкӑн холодильник те пулнӑ, анчах хӗрӗ электричество пралукне татнӑ хыҫҫӑн вӑл ӗҫлемест.

Репортаж тухнӑ вӑхӑтра аслӑ хӗрӗ кӑнтӑрта каннӑ, кӗҫӗн хӗрӗ упӑшкипе пӗрле журналистсемпе калаҫасшӑн пулман.

Малалла...

 

Кӳршӗре
suvargazeta.ru сайтри сӑн
suvargazeta.ru сайтри сӑн

Тутарстанри Элкел районӗнчи Сиктӗрме-Хусанкай ялӗнче Пыл сӑпасӗн фестивальне ирттерӗҫ. Унта хӑнасене ҫӗршыври регионсенчен кӑна мар, СССР йышӗнче пулнӑ республикӑсенчен те кӗтеҫҫӗ.

Уяв ҫурла уйӑхӗн 14-мӗшӗнче иртӗ. Пӗтӗм расхута «Звениговский» аш-какай комбиначӗн хуҫи Иван Казанков хӑйӗн ҫине илӗ. Уявра дегустацисем, куравсем, концертсем, конкурссем, ӑсталӑх класӗсем пулӗҫ.

Аса илтерер: Сиктӗрме-Хусанкайра нумаях пулмасть чӑвашсем «Уява» пухӑннӑччӗ.

Хыпар ҫӑлкуҫӗ: https://pg21.ru/news/80756
 

Кӳршӗре
Фёдор Трофимовпа Вячеслав Ерохин таврапӗлӳҫӗсем. В. Ерохин тунӑ сӑн
Фёдор Трофимовпа Вячеслав Ерохин таврапӗлӳҫӗсем. В. Ерохин тунӑ сӑн

Тутарстанӑн Ҫарӑмсан районӗнчи Акрел чӑваш ялӗнче 1921–1922 ҫулта выҫлӑх ҫулӗсене пула вилнисене асӑнса палӑк лартнӑ.

Чӑваш халӑх сайчӗн корреспондентне Пушкӑртстанри Вячеслав Ерохин (Ярухха Витти) таврапӗлӳҫӗ вырӑна ҫитсе курса пӗлтернӗ тӑрӑх, асӑну паллине вырӑнти халӑх пуҫарӑвӗпе лартнӑ, вӗсен шутӗнче Федор Трофимов (Хаяр Хӗветӗрӗ) йӗркелӳҫӗ те пур.

2021 ҫулта Чӑваш наци ӑслӑлӑхпа ӳнер академийӗ (ЧНӐӲА) Шупашкарта «1921 ҫулхи хресчен пӑлхавӗ «Ҫар коммунизмӗн» Чӑваш Ен территорийӗнчи политика кризисӗ» ятпа ҫавра сӗтел ирттернӗччӗ. Пухура историк-ӑсчахсем Атӑлҫи тӑрӑхӗнче выҫлӑх ҫулӗсен сӑлтавне тишкернӗ – типӗ ҫанталӑк тӑнӑ вӑхӑтра продотрядсем хресченсенчен чылай тырра пуҫтарса кайнине.

 

Кӳршӗре
Википедия архивӗнчи сӑн
Википедия архивӗнчи сӑн

Тутарстанри Элкел районӗнчи Сиктӗрме-Хусанкай ялӗн ятне улӑштарасшӑн. Ятран поэтӑн хушаматне кӑларасшӑн. «Миллиард.Татар» пӗлтернӗ тӑрӑх, сасӑлава хутшӑннӑ 196 ҫынран ҫурри ытларах ята улӑштарассишӗн сасӑланӑ.

«Сувар» хаҫат редакторӗн Ирина Трифоновӑн шухӑшӗпе, чылайӑшӗ ҫак йышӑнӑва инвестора тата «Хусангаевское» тулли мар яваплӑ обществӑн учредительне Иван Казанкова хисепленипе тунӑ. Сӑмах май, вӑл Сиктӗрмере ҫуралса ӳснӗ, «Звениговский» аш-какай комбиначӗн хуҫи.

Хӑй Иван Казанков мӗн шухӑшлать-ха кун пирки? «Эпӗ сасӑлавра пулман, никама та ӳкӗте кӗртмен. Анчах ҫынсем манӑн шухӑша пӗлеҫҫӗ», - тенӗ вӑл. Иван Казанков - Петӗр Хусанкайӑн аякри тӑванӗ. Поэтӑн чӑн хушамачӗ те - Казанков.

 

Кӳршӗре

Паян кӑнтӑрла Хусан ҫывӑхӗнче, Аракчино пристанӗ патӗнче, пассажир теплохочӗ путнӑ. Телее, ҫыннисене ҫӑлма ӗлкӗрнӗ.

Ҫакна курнӑ ҫынсем каланӑ тӑрӑх, теплоход майӗпен путнӑ. Ҫавӑнпа инҫех мар иртсе пыракан катерсемпк кимӗсем, "Верный" карап пассажирсене эвакуацилеме ӗлкӗрнӗ. Теплоход ҫинче 34 ҫын пулнӑ. Кун тӗлӗшпе пуҫиле ӗҫ пуҫарнӑ.

Тӗлӗнмелле те, шӑп ҫак кун 11 ҫул каялла "Булгария" теплоход путнӑ. Инкекре 122 ҫыннӑн пурнӑҫӗ татӑлнӑ, ҫав шутра 28-шӗ - ачасем.

 

Кӳршӗре

Паян Чемпӗр облаҫӗнчи Кузоватово поселокӗнче "Гастон" заправкӑра пушар пулнӑ.

Инкеке курнӑ ҫынсем каласа кӑтартнӑ тӑрӑх, газ илсе килнӗ фура ҫунма пуҫланӑ. Вӑл кӗске вӑхӑтранах сирпӗннӗ.

Малтанлӑха пӗлтернӗ тӑрӑх, инкекре 2 ҫын шар курнӑ. Вӗсене пульницӑна илсе кайнӑ.

Пушара сӳнтернӗ ҫӗре 27 ҫын, 10 техника хутшӑннӑ.

Хыпар ҫӑлкуҫӗ: https://readovka.news/news/103747
 

Кӳршӗре

Кӑҫал иртнӗ «Иннопром» куравра «Трактор савучӗсем» концерн Чӗмпӗр облаҫӗнчи предприятипе ҫыхӑну йӗркелеме калаҫса татӑлнӑ. Кун пирки ЧР Промышленноҫ министерстви пӗлтерет.

Тракторсемпе бульдозерсем туса кӑларма Раҫҫейри пайсем кирлӗ. Кӳршӗ облаҫри теттесем туса кӑларакан «Полесье» вара Чӑваш Енри тракторсене тата бульдозерсене сӑнарлӗ. Ҫапла ачасем пирӗн регионти пек техникӑпа та выляма пуҫлӗҫ.

 

Кӳршӗре

Паян "Чӗмпӗрти чӑваш вӗрентекенӗсен шкулӗ. Иван Яковлев хваттерӗ" музейре чӑваш алфавитӗнчи Ӑ саспаллине халалланӑ палӑка уҫнӑ. Ку чӑваш ҫырулӑхӗ пуҫланса кайнӑранпа 150 ҫул ҫитнипе ҫыхӑннӑ.

Палӑка хута ямашкӑн 1,8 миллион тенкӗ кирлӗ пулнӑ. Ӑна халӑх пуҫтарнӑ.

Палӑка уҫнӑ ҫӗре Чӑваш Ен Элтеперӗ Олег Николаев та хутшӑннӑ.

 

Кӳршӗре
metr12.ru сайтри сӑн
metr12.ru сайтри сӑн

Чӑваш Енрен паян самаях сивӗтрӗ. Кӳршӗ Мари Элте вара юр ҫуса лартнӑ. Паян ирхине унта симӗс курӑк юрпа витӗннӗ. Ҫакна ӳкернӗ видеосене тӗнче тетелне вырнаҫтарнӑ.

Метеостанци пӗлтернӗ тӑрӑх, кӳршӗ республикӑра юлашки талӑкра 17 миллиметр юр, ҫумӑр ҫунӑ. Ку – ҫур уйӑхри норма.

Мари Элте ҫурҫӗр-хӗвелтухӑҫ пайӗнче пушшех те вӑйлӑ юр ҫунӑ. Унта кӗртсем те пулнӑ. Уйрӑмах – Параньга тата Сернур тӑрӑхӗсенче.

Синоптиксем лайӑх хыпар пӗлтереҫҫӗ: кун пек урӑх сивӗтмӗ, ҫанталӑк ӑшӑтма пуҫлӗ. Ҫу уйӑхӗн 8-9-мӗшӗсенче 15-20 градус таранах ӑшӑтмалла. Ҫу уйӑхӗн 10-мӗшӗнче кӑштах сивӗрех, 12-14 градус, пулӗ, ҫумӑр ҫӑвӗ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...28
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
хуть те кам тухсан та
кил-йышри арҫын
хӑнана ӑсатма никам та тухмасть
ӑсатма тухни — ҫылӑх, юрамасть
хуҫа тарҫи
хуҫа хӑй
пӗтӗм кил-йышпа тухаҫҫӗ