Пире пĕрлештернĕ пĕр ĕмĕт
Тăван çĕршыва суйламаççĕ —
Такамшăн та вăл пĕрре.
Тăван çĕршыва пайламаççĕ —
Вăл ĕмĕрлĕх чĕрере.
Лăскать-и ăна çил-тăвăл,
Сар кун-и ăна савать, —
Мала туртакан ăстăн вăл,
Çунат хушакан хăват.
Яш çын-и эсĕ е ватă, —
Элчеллĕ хура самантра
Эс уншăн шывра путатăн,
Эс уншăн çунатăн вутра.
Халь юмăç яма кирлĕ мар-тăр:
«Мĕнлеччĕ-ши пирĕн шăпа?..»
Тĕл пулнă тахçан вырăс-паттăр
Ĕçчен атăлçи-чăвашпа.
Тĕл пулнă, çапла тупа тунă:
Эп — саншăн, эс маншăн пичче...
Пĕрле тăкнă тарăн та юнăн
Палли пилĕк ĕмĕр çинче.
Ак халĕ, уяв-мĕн çитсессĕн, —
Сăваплă, мăнаç сехет! —
Çĕршывăн мĕнпур кĕтесĕ
Пĕр харăс курка çĕклет.
Малтан — асăну куркийĕ,
Ун хыççăн — пуласлăх курки...
Юратнă çĕршыв кĕрекийĕ —
Пĕр аслă çемье кĕреки.
Эпир — çитмĕл çич тĕрлĕ халăх,
Кашнин хăйĕн сăнĕ, йăли.
Пĕртанлăх та туслăх, тăванлăх —
Ак пирĕншĕн халь чи хакли.
Пире пĕрлештернĕ пĕр ĕмĕт —
Телейле, хаваслă инçет.
Çак ĕмĕтĕн вилĕмсĕр хĕмĕ
Тăван ялавра та çиçет.
Ялавăмăр, вĕлкĕш, ан усăн!
Çĕршывăмăр, ут малалла!
Мухтавлă та чаплă çулу сан
Тата чаплăрах пулмалла.
Шухăшсем
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...