Тавах, анне


Тавах, анне, çуратнăшăн,

Юрла-юрла сиктернĕшĕн.

Лăпканăшăн, юратнăшăн,

Чĕкеç чĕлхи пилленĕшĕн.

 

Тавах, анне, çуратнăшăн,

Ятла-ятла вĕрентнĕшĕн.

Ятланăшăн, юратнăшăн,

Шăпчăк юрри пилленĕшĕн.

 

Тавах, анне, çуратнăшăн,

Салху чухне хĕрхеннĕшĕн.

Хĕрхеннĕшĕн, юратнăшăн,

Чечек сăнне пилленĕшĕн.

 

Тавах, анне, çуратнăшăн,

Мăшăр çунат ӳстернĕшĕн.

Ӳстернĕшĕн, юратнăшăн,

Сӳнми телей пилленĕшĕн.

Вулавçăсен шухăшĕ Вулавçăсен шухăшĕ


Admin (2009-11-19 15:55:09):

Юрри питĕ илемлĕ, мана питĕ килĕшет.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: