Паттăрсем таврăнаççĕ
Паттăрсем савăнмалăх
Хумханать тулăх хир.
Талккишпех çутçанталăк
Сарнă ешĕл кавир.
Çав паха кавир тăрăх
Эшелон ăмăртать.
Епле ăшă та ырă
Паян кун кăкăрта!
Йывăçсем пуç таяççĕ
Чаплă эшелона.
Кайăксем мухтавлаççĕ
Çакă ырă куна.
Эшелон, ăмăрт, ăмăрт,
Малаллах вĕçтерсем!
Çитчĕр кăмăллăн, хăвăрт
Килсене паттăрсем.
Кĕтет амăшĕ чун пек
Пĕртен-пĕр ывăлне.
Тватă çул вутсăр çуннă —
Кĕтнĕ хĕр савнине.
Паттăрсем, килĕрсем тет,
Йыхăрать пурсăра
Саркавай пичкере те
Пыл пек тутлă сăра.
Такасем эпир пуснă,
Эпир тунă шăрттан.
Хапхасем эпир уçнă —
Хапăл пĕтĕм чунтан.
Сирĕн пек паттăрсемшĕн —
Тулăх çăкăр-тăвар.
Хамăр аслă çĕрсемшĕн
Эсир тăтăр хастар.
Йышлăлантăр, кĕрлетĕр
Паттăрсен кĕреки.
Çĕнтерӳшĕн çĕклентĕр
Пирĕн савăш курки!
Шухăшсем
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...