Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Ҫӑла ан сур, шывне хӑвах ӗҫӗн.
[ваттисен сӑмахӗ]
 

Тӗнчере: Михлеева «Беларусьфильма» чӗнтернӗ

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Aleksin 03.04.2017 08:38 | 1780 хут пӑхнӑ
Тӗнчере
Д. Михлеев хӑйӗн «Ось земли» кӗнекин хӑтлавӗнче (Палестина). Россотрудничество сайтӗнчен илнӗ.
Д. Михлеев хӑйӗн «Ось земли» кӗнекин хӑтлавӗнче (Палестина). Россотрудничество сайтӗнчен илнӗ.

Белоруссире пурӑнакан чӑваш ҫыравҫи тата кинорежиссерӗ Дмитрий Михлеев хӑйӗн 75 ҫулхи юбилейне Палестинӑри вырӑс культурин Центрӗнче ирттерни, унта Чӑваш кӗнеке издательствинче тухнӑ «Ось земли» кӗнекине хӑтлани пирки республикӑри хаҫатсенче нумаях пулмасть ҫырчӗҫ ӗнтӗ. Минска таврӑнсан ӑна «Беларусьфильм» наци киностудин илемлӗх ертӳҫи Вячеслав Никифоров хӑй патне чӗнтернӗ.

— Вячеслав — манӑн тахҫанхи сябра (пӗлӗш), — пӗлтерет Дмитрий Никонорович хӑйӗн ҫырӑвӗнче. — Пӗлтӗр вӑл Мускаври кинофестивальте «Золотой Орел» тӗп приза илме тивӗҫ пулчӗ. Кӗҫех ӑна Минска чӗнсе илчӗҫ те киностудие ертсе пыма ыйтрӗҫ. Калас пулать, Беларусьри киноӗҫченсем юлашки вӑхӑтра чылай йывӑрлӑх тӳсрӗҫ, халӗ лару-тӑру улшӑннӑ, кино ӳнерне кунта ҫӗнӗ вӑйпа малалла ярасшӑн. Вячеслав мана сценари ҫырса пама ыйтрӗ. Сюжетне хӑй шутласа тупнӑ. Ун тӗп сӑнарӗ — ача ҫуртӗнче ӳсекен чарусӑр шӑпӑрлан, вӑл таҫта та ҫитсе темтепӗр кӑтартать, ӑна пӗчӗк Остап Бендер теме те пулӗччӗ. Сценарин малтанхи вариантне ака уйӑхӗ вӗҫнелле ӗлкӗртсе парасшӑн, фильм Ҫӗнӗ ҫул тӗлне экран ҫинее тухмалла. Халӗ пуҫ ҫӗклемесӗр тӑрмашатӑп. Ӗҫ пурри, хӑвна шанни Кама хавхалантармӗ!.. Сӑмах май, эпӗ ҫырнӑ «Задание Президента» (чӑв. Президент хушӑвӗ) кинокомеди сценарине те (вӑл Шупашкарта пичетленнӗ) «Беларусьфильмӗн» илемлӗх ертӳҫи питӗ юратса вуласа тухрӗ, ӑна лартас шухӑш пурри пирки мана пӗлтерчӗ. Калас пулать, В. Никифоров халиччен кинокомеди ӳкерменччӗ.

Дмитрий Михлеевӑн ҫыру сӗтелӗ ҫинче ҫавӑн пекех «Ветка Палестины» (чӑв. Палестина туратти) ятлӑ эссе пуххи, ӑна вӑл Шупашкарта кӑларасшӑн. Издательство портфелӗнче пӗлтӗр ярса панӑ сӑвӑсен пуххи те пур.

Паллӑ режиссер иртнӗ ҫул Шупашкарти театрсене тата культура министерствине «Банкет» комедине тата «Трубы третьего ангела» трагифарсне ярса панӑччӗ, анчах пирӗн режиссёрсем ӑна тытса пӑхни пирки хыпар тухмарӗ.

#Палестина, #Белорусси, #чӑвашсем, #кино, #Минск

 

Ҫавӑн пекех пӑхӑр

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем