Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Ырӑ тус укҫаран хаклӑрах.
[ваттисен сӑмахӗ]
 

Тӗнче тетелӗ: Халӑх тетелӗнче пуҫа минретекен ушкӑнсене пӗтерес енӗпе ҫине тӑрса ӗҫлемелле

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Софья Савнеш 19.04.2017 23:14 | 5388 хут пӑхнӑ
Харпӑр шухӑш Тӗнче тетелӗ

РФ Патшалӑх Думин депутачӗ Виталий Милонов хатӗрленӗ саккун проектне кӗҫех пӑхса тухӗҫ. Унпа килӗшӳллӗн, 14 ҫул тултарман ачасен халӑх тетелӗнче регистрациленме юрамасть, регистрациленекен ҫынран паспорт ыйтмалла. Питӗ лайӑх шухӑш ку. Атту халӗ ачасем шкула кайнӑ-кайман халӑх тетелӗнче ларма тытӑнаҫҫӗ. Ку кӑна мар, ашшӗ-амӑшӗ ача пахчине ҫӳрекен шӑпӑрланне те халӑх тетелӗнче регистрацилет, лешӗ лайӑх ҫырма-вулама хӑнӑхиччен унӑн ятӗнчен хӑйсемех лараҫҫӗ.

Саккун проектӗнче пӗр ҫын ятӗнчен темиҫе страница уҫма юраманнине те палӑртнӑ. Ҫакна та ырламалла. Халӗ ҫынсем урӑх ятпа регистрациленсе лараҫҫӗ. Тӗнче тетелӗнче вара халӗ темӗнле ушкӑн та, темӗнле ҫын та пур. Суя ятран ҫынсен пуҫне минретекенсем сахал-им вара? ИГИЛа та (ӑна Раҫҫейре йӗркелеме чарнӑ) ҫамрӑксене халӑх тетелӗ урлӑ илӗртнӗ тӗслӗх нумай пулнӑ. Унта ачасемпе ҫамрӑксен пуҫне минретекен ушкӑн та сахал мар. Нумаях пулмасть «Контактра» халӑх тетелӗнче «Синий кит» вӑйӑ анлӑ сарӑлнӑ. Унти ушкӑнра тӑракан ачасемпе ҫамрӑксем ку вӑййа выляса анраҫҫӗ. Вӗсен пурнӑҫӗ татӑлнӑ тӗслӗх пӗрре мар пулнӑ.

Юлашки вӑхӑтра унта «Розовый пони» вӑйӑ анлӑ сарӑлни пирки калаҫма тытӑнчӗҫ. Вӑл та «Синий кит» пекех, вӑйӑ йӗркелӳҫи заданисем парать. Юлашки задани – ҫӳллӗ хутран сикмелле (е пуйӑс айне выртмалла тата ытти те). «Мана хисеплетӗн пулсан», - теҫҫӗ лешсем. Ачасем, пуҫне минретнӗскерсем, темӗн тума та хатӗр. Паллах, Раҫҫейре кунашкал вӑйӑсене пӗтерес тесе ӗҫлеҫҫӗ. Анчах ку енӗпе ҫине тӑрса ӗҫлемелле. Саккунсем йышӑнмалла. Халӑх тетелӗсенче ачасене усал вӑййа явӑҫтаракан ҫынсене тивӗҫлипе явап тыттармалла. Ҫирӗплетсе калама пулать: ҫав ҫынсем психика тӗлӗшӗнчен сывӑ мар.

Виталий Милонов саккун проектӗнче палӑртна тӑрӑх, ӗҫ вӑхӑтӗнче халӑх тетелӗпе усӑ курма чарасшӑн. Анчах чылай тытӑмра вӑй хуракан ҫынсене ку усӑ памӗ. Халӑх тетелӗ урлӑ нумай ҫынна шыраса тупма, вӗсемпе хутшӑнма пулать-ҫке-ха. Ку вара хӑш-пӗр професси ҫыннисене питех те кирлӗ. Тӗслӗхрен, журналистсене. Манӑн шухӑшпа, халӑх тетелӗсенче ачасемпе ҫамрӑксен шухӑш-кӑмӑлне япӑх енне улӑштаракан ушкӑнсене пӗтерес тӗллевпе ытларах ӗҫлемелле. Вӗсен йӗркелӳҫисене тупса явап тыттармалла, унсӑрӑн мӗн пуласси пирки шухӑшлама та хӑрушӑ…

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

#тӗнче тетелӗ, #правасем, #саккунсем, #ачасем, #Раҫҫейре

 

Ҫавӑн пекех пӑхӑр

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем