Утă уйăхĕн 4-мĕшĕнче Чăваш филологийĕпе культура факультетĕнче 434-мĕш аудиторире пултарулăх конкурсĕ пулать.

Ăмăртăва театр ĕçĕпе специализациленес текенсем, эстрада юррине, хореографине алла илес текенсем хутшăнĕç. Абитуриентсен пултарулăх конкурсĕнче сăвă е юптару каламалла пулĕ, юрă юрласа памалла пулĕ. Хăшĕ-пĕри тен, ташласа та кăтратĕ, е пĕр-пĕр ситуацине выляса кăтартĕ.

Пултарулăх конкурсĕнче пысăк балл пуçтарнă абитуриентсен вĕренме кĕнĕ чухне çăмăллăхсем пулĕç, çаванпа та вĕсем савăнсах хутшăнĕç пулĕ.

Абитуриентсене сумлă жюри членĕсем хаклĕç: Чăваш академии драма театрĕн режиссĕрĕ — И.И. Иванов, культурăн тава тивĕçлĕ ĕçченĕ — З.К. Яковлева, культурăн тава тивĕçлĕ ĕçченĕ — В.А. Милютин.

Хыпар çăлкуçĕ