Чăваш халăх сайчĕ

Чăваш халăх сайчĕ Чăваш халăх сайчĕ — Чăвашсен историĕ, аваллăхĕ, тĕнĕ, халапĕсем, юмахĕсем, йăли-йĕркисем, юррисем, литератури, чĕлхи, тавралăхĕ, паллă çыннисем тата ытти. Çавăн пекех чăваш чĕлхине вĕренме пулать. http://www.chuvash.org cv p-code@mail.ru (Nickolay Plotnickov) p-code@mail.ru (Nickolay Plotnickov) Tue, 24 Feb 2004 16:49:44 GMT Tue, 24 Feb 2004 16:49:44 GMT Nation http://backend.userland.com/rss Çĕнĕ кĕнеке http://www.chuvash.org/news/874.html Тин кăна <a href='/e/d187c483d0b2d0b0d18820d0bac495d0bdd0b5d0bad0b520d0b8d0b7d0b4d0b0d182d0b5d0bbd18cd181d182d0b2d0b8d0bdd187d0b5'>чăваш кĕнеке издательствинче</a> çĕнĕ кĕнеке пичетленсе тухрĕ — <a href='/e/d0932ed0902e20d094d0b5d0b3d182d18fd180d191d0b2'>Г.А. Дегтярёв</a> хатĕрленĕ «Изучаем чувашский язык» пособи. Малтантарах ку кĕнеке 1995 çулта пичетленсе тухнăччĕ — халĕ вара, иккĕмĕш кăларăмпа тухнă май, автор ăна самай çĕнетнĕ. Çĕнетӳсем чылай — кĕнекене кĕртнĕ сăвă тĕслĕхĕсен пурин те тенĕ пекех чăвашларан вырăсла куçарнă варианчĕсем вырнаçнă; умсăмахĕ çĕнелнĕ. Кĕнеке хальхилле пичетленĕ — ăна алла тытма та питĕ кăмăллă. Тата саспаллийĕсем те малтанхи пек вĕтĕ-вĕтĕ мар — шултра.

Кĕнеке рецензенчĕ — <a href='/e/d090d182d0bdd0b5d18020d09fd0b5d182d180d0bed0b2d0b8d18720d0a5d183d181d0b0d0bdd0bad0b0d0b9'>Атнер Петрович Хусанкай</a>. «Хальхи нумай-нумай культурăллă аслă тĕнчере çĕтсе каяс мар тесен пире мĕнле те пулин хатĕр кирлĕ. Чĕлхе вара — шăп та лăп çавнашкал хатĕр, тĕнчене туйма пулăшакан çăраççи», — тет вăл хăйĕн умсăмахĕнче.

Мĕнех, чăваш чĕлхине вĕренме кăмăллакансем валли çĕнĕ кĕнеке тухни питĕ лайăх! Чăвашла пĕлмен тусăрсене ăна парнелеме ан манăр — тепрехинче вĕсем патне хăнана кайсан чăвашла пуплешме те пултаратăр. 14.03.2010 08:16 http://www.chuvash.org/news/874.html «Янташ» чĕнет концерта! http://www.chuvash.org/news/873.html «Ах, çуркунне, çуркунне...»

Пуш уйăхĕн 25-мĕшĕнче

Хĕвел пăхĕ ăшăтса,

«Салют» культура керменне

«Янташ» чĕнет концерта.

Билетсене çак телефонпа туянма пулать: 8-919-650-42-93 (Леня). Хакĕ: 300-200 тенкĕ

Васкăр!

13.03.2010 23:54 http://www.chuvash.org/news/873.html Çатра-Лапсар шкул ачисене «Янташсем» концертпа савăнтарчĕç http://www.chuvash.org/news/872.html Паян, пушăн 13-мĕшĕнче, «Янташсем» <a href='/e/d0a8d183d0bfd0b0d188d0bad0b0d18020d180d0b0d0b9d0bed0bdc495d0bdd187d0b8'>Шупашкар районĕнчи</a> Çатра-Лапсар шкулне çитрĕç — кунта вĕренекен шкул ачисене хăйсен юррисене юрласа савăнăç кӳчĕç. Концертра нумай çĕнĕ юрă пулчĕ — вĕсен концерчĕсене тăтăшах çӳрекенсем уйăрса та илчĕç пулĕ.

«Янташ» ушкăн килнине пĕлсе шкулта ашшĕ-амăшĕсемпе тĕлпулу йĕркеленĕ — çавна май итлекенсен йышĕ самай пысăкччĕ.

Концерт итлекенсен кăмăлне тивĕçтерни кашни юрăна тăвăллăн алă çупса кĕтсе илнинчех тата юрă вĕçленсен çавăн пекех алă çупса пахаланинчен сисĕнчĕ. «Янташсем» те ăна сиссе юрă хыççăн юрă шăрантарчĕç — пĕри тепринчен илемлĕрех те ăшăрах. Çавна май ирхи çанталăк та ăшăнчĕ пулас — сивĕ çил таçта кайса кĕчĕ, çурт тăррисенчи юр ирĕлсе пат та пат тумлама пуçларĕ. Уйрăмах «Çуркунне» юрă хыççăн епле ан ăшăттăр тата?

Концерта вĕçленĕ май «Янташ» ушкăн ачасене <a href='/e/d187c483d0b2d0b0d18820d187c495d0bbd185d0b8d0bdd0b5'>чăваш чĕлхине</a> упрама, ăна чун-чĕререн вĕренме каларĕç. Ашшĕ-амăшĕсене те аякка тăма сĕнмерĕç — тăван чĕлхене вĕрентесси, ăна мĕн ачаран юратма хăнăхтарасси вĕсенчен ытларах килет терĕç.

Йăлана кĕнĕ йĕркепе концерт хыççăн ушкăна шкул музейне курма чĕнчĕç — кунта вĕсене палланă çынсен сăнĕсене курни тĕлĕнтерчĕ пулас, хăш-пĕр экспонатсемпе те кăсăкланнипех кăсăкланчĕç. Сывпулашас умĕн пурне те пуш уйăхĕн 25-мĕшĕнче ирттерме палăртнă концерта чĕнчĕç.

Сăнӳкерчĕксем каярах пулĕç 13.03.2010 23:27 http://www.chuvash.org/news/872.html Чăваш пики-2010 — Алиса Королева http://www.chuvash.org/news/871.html Пуш уйăхĕн 12-мĕшĕнче çанталăк хăйĕн ăшшине ытлашшиех палăртмарĕ — юрĕ те çăватчĕ, сивĕ çилĕ те пите чĕпĕте-чĕпĕте илетчĕ. <a href='/e/d0a8d183d0bfd0b0d188d0bad0b0d180d182d0b8'>Шупашкарти</a> «<a href='/e/4d6567612047616c617879'>Mega Galaxy</a>» культурăпа кану центрĕнче вара питĕ ăшăччĕ — кунта 15 сехетре «Чăваш пики-2010» ăмăрту пуçланчĕ.

«Чăваш пики-2010» ята илес тесе 12 хĕр тупăшрĕç — хăйсен пултарулăхĕпе, сăпайлăхĕпе, илемлĕхĕпе тата маттурлăхĕпе мала тухма тăрăшрĕç. Пикесем çак районсемпе хуласенчен пулчĕç — Ананьева Ольга (<a href='/e/d095d182c495d180d0bdd0b5'>Етĕрне</a>), Иванова Наталия (<a href='/e/d09ad0b0d0bdd0b0d18820d180d0b0d0b9d0bed0bdc495'>Канаш районĕ</a>), Кириллова Аня (<a href='/e/d09ad0bed0bcd181d0bed0bcd0bed0bbd18cd181d0bad0b820d180d0b0d0b9d0bed0bdc495'>Комсомольски районĕ</a>), Томасова Татьяна (<a href='/e/d09ad180d0b0d181d0bad0bed0b0d180d0bcd0b5d0b9d181d0bad0b820d180d0b0d0b9d0bed0bdc495'>Краскоармейски районĕ</a>), Андреева Татьяна (<a href='/e/d09cd183d180d0bad0b0d18820d180d0b0d0b9d0bed0bdc495'>Муркаш районĕ</a>), Кудрявцева Алина (<a href='/e/d09fd0b0d182c483d180d18cd0b5d0bb20d180d0b0d0b9d0bed0bdc495'>Патăрьел районĕ</a>), Александрова Наталия (<a href='/e/d0a1c495d0bdd182c495d180d0b2c483d180d180d0b820d180d0b0d0b9d0bed0bdc495'>Сĕнтĕрвăрри районĕ</a>), Краснова Марина (<a href='/e/c387c495d0bcd0b5d180d0bbd0b520d180d0b0d0b9d0bed0bdc49520d180d0b0d0b9d0bed0bdc495'>Çĕмерле районĕ районĕ</a>), Королева Алиса (<a href='/e/d0a2c483d0b2d0b0d0b920d180d0b0d0b9d0bed0bdc495'>Тăвай районĕ</a>), Арсентьева Ольга (<a href='/e/d0a8d183d0bfd0b0d188d0bad0b0d180'>Шупашкар</a>), Иванщикова Екатерина (<a href='/e/d0a8d183d0bfd0b0d188d0bad0b0d18020d180d0b0d0b9d0bed0bdc495'>Шупашкар районĕ</a>), Михайлова Надежда (<a href='/e/d0add0bbc495d0ba20d180d0b0d0b9d0bed0bdc495'>Элĕк районĕ</a>).

Хăйсен тĕрлĕ енлĕ ăсталăхне вĕсен 5 конкурсра кăтартмалла пулчĕ. Чи малтан хĕрсем хăйсемпе паллаштарчĕç, унтан вара хăйсен ăсĕпе пĕлĕвне кăтартрĕç. Виççĕмĕш конкурсра хăйсен пултарулăхне кăтармалла пулчĕ — ташларĕç те, юрларĕç те, сăвă та каларĕç. Тăваттăмăш пайра хăйсем пĕçернĕ апат-çимĕçпе жюрие сăйларĕç — кунта чылайăшĕ хуплу пĕçерсе килни асра юлчĕ. Пиллĕкмĕш пайра вара хăйсен тумĕсене кăтартрĕç.

Çапла май вара тăватă сехет хушшинче иртнĕ конкурсра мала тухнисем çаксем пулчĕç:

◊ Яштака пике — Алина Кудрявцева (<a href='/e/d09fd0b0d182c483d180d18cd0b5d0bb20d180d0b0d0b9d0bed0bdc495'>Патăрьел районĕ</a>)

◊ Ăслă пике — Надежда Михайлова (<a href='/e/d0add0bbc495d0ba20d180d0b0d0b9d0bed0bdc495'>Элĕк районĕ</a>)

◊ Йăваш пике — Татьяна Андреева (<a href='/e/d09cd183d180d0bad0b0d18820d180d0b0d0b9d0bed0bdc495'>Муркаш районĕ</a>)

◊ Куракансен кăмăлланă пике — Анна Кириллова (<a href='/e/d09ad0bed0bcd181d0bed0bcd0bed0bbd18cd181d0bad0b820d180d0b0d0b9d0bed0bdc495'>Комсомольски районĕ</a>)

◊ Вице-чăваш пики — Наталья Иванова (<a href='/e/d09ad0b0d0bdd0b0d18820d180d0b0d0b9d0bed0bdc495'>Канаш районĕ</a>)

◊ Чăваш-пики 2010 — Алиса Королева (<a href='/e/d0a2c483d0b2d0b0d0b920d180d0b0d0b9d0bed0bdc495'>Тăвай районĕ</a>)

Ăмăрту пайĕсем хушшинче курма килнĕ халăха хăйсен пултарулăхĕпе чăваш эстрада çăлтăрĕсем тата <a href='/e/d0a8d183d0bfd0b0d188d0bad0b0d180d182d0b8'>Шупашкарти</a> ташă ушкăнĕсем савăнтарчĕç.

Уйрăмах пĕлӳ конкурсĕнче хĕрсем тăван халăх историне тата культурине пĕлменни мана пăшăрхантарчĕ. Пĕрине тĕрĕк халăхĕсем шутне камсем кĕнине калама ыйтрĕç — тутарсене, пушкăртсене каларĕ, тата темшĕн çармăссем те тĕрĕксем йышне кĕртрĕ вара. Ытти тĕрĕк халăхĕсене пĕлмест иккен. Тепри «Тилли юррисене» кам çырнине пĕлмест. Виççĕмĕшĕ <a href='/e/d09ad0bed0bdd181d182d0b0d0bdd182d0b8d0bd20d098d0b2d0b0d0bdd0bed0b2'>Константин Иванов</a> ăста ӳкернине ниепле те асаилеймерĕ. Залра лараканнисем пулăшрĕç-пулăшрĕç — музыка кĕрленине пула хĕр хăлхине кĕреймерĕ пулас. Тăваттăмăшĕнчен чăваш киноне кам пуçарни пирки ыйтрĕç — хальхи режиссерсем пирки каласа пачĕ, ни <a href='/e/d0a2d0b0d0bdd0b820d0aed0bdd0b0'>Тани Юна</a>, ни <a href='/e/d098d0bed0b0d0bad0b8d0bc20d09cd0b0d0bad181d0b8d0bcd0bed0b22dd09ad0bed188d0bad0b8d0bdd181d0bad0b8d0b5'>Иоаким Максимов-Кошкинские</a> палламасть пулас. <a href='/e/d0a7c483d0b2d0b0d18820d0bdd0b0d186d0b820d0bad0bed0bdd0b3d180d0b5d181c495d0bfd0b5'>Чăваш наци конгресĕпе</a> «Хастар» пĕрлешĕве хăçан йĕркеленине пĕлменни нимех те мар пулĕ, анчах та чăваш историне, унăн культурине пĕлмеллех. 13.03.2010 10:17 http://www.chuvash.org/news/871.html Чĕмпĕрти «Канаш» хаçат уявĕ http://www.chuvash.org/news/870.html Чĕмпĕрти чăвашла тухса тăракан «Канаш» хаçатăн 20 çулхи уявне хăнасем <a href='/e/d0a8d183d0bfd0b0d188d0bad0b0d180d182d0b0d0bd'>Шупашкартан</a>, <a href='/e/d0a5d183d181d0b0d0bdd182d0b0d0bd'>Хусантан</a>, Димитровградран тата ытти хуласенчен килсе çитрĕç: Чăваш Республикин культура министерствин пай пуçлăхĕ А.Н.Магарин, «<a href='/e/d0a5d18bd0bfd0b0d180'>Хыпар</a>» хаçатăн тĕп редакторĕн çумĕ Г.А.Максимов, «СВ-Пресс» издательство центрĕн директорĕ-тĕп редакторĕ А.Н.Вражкин, Тутар Республикинчи чăвашсен «Сувар» хаçачĕн тĕп редакторĕ К.А.Малышев.

Хăнасене область филармонин фойинче Чĕмпĕрти «Палнай» ушкăн хĕрĕсем çăкăр-тăварпа, кăпăклă хăмла сăрипе, юрă-ташăпа кĕтсе илчĕç.

Пухăннисене хаçатăн пĕрремĕш редакторĕ В.Ф.Ромашкин, УОЧНКА председателĕ В.И.Сваев тата ыттисем саламларĕç.

Чăваш чĕлхине аталантарас ĕçре пысăк çитĕнӳсем тунăшăн редакцие Чĕмпĕр облаçĕн кĕпĕрнаттăрĕн ятĕнчен Тав çырăвĕ пачĕç. Шупашкар делегацин ертӳçи А.Н.Магарин «Канашăн» тĕп редакторне Н.Н.Ларионова Чăваш Республикин Патшалăх Канашĕн Хисеп хучĕпе наградăларĕ. Редакци коллективĕ ЧР Журналистсен союзĕн (председателĕ В.П.Комиссаров) Хисеп хутне илме тивĕçлĕ пулчĕ.

Уява пухăннă çынсене пурне те «Канаш» символикипе календарь, пакет, ручка, тĕслĕ хаçат тата Н.Ларионовăн çак юбилей тĕлне халалласа кăларнă «Чун хушнипе пурăнсан» кĕнекине парне пачĕç. 11.03.2010 12:19 http://www.chuvash.org/news/870.html Çĕрпӳре ейӳпе кĕрешекен комисси пухăнчĕ http://www.chuvash.org/news/869.html Пушăн 4-мĕшĕнче <a href='/e/c387c495d180d0bfd3b3'>Çĕрпӳ</a> хулинче ейӳпе кĕрешекен комиссин ларăвĕ иртрĕ. Канашлăва Чăваш Республикин çутçанталăк пурлăхĕпе экологи министрĕн çумĕ Е.В. Юшин ертсе пычĕ. Ларăвă <a href='/e/c387c495d180d0bfd3b320d180d0b0d0b9d0bed0bdc495d0bd'>Çĕрпӳ районĕн</a> администраци пуçлăхĕ Ю.М. Николаев, хула тата ял тăрăхĕсен пуçĕсем, Çĕрпӳ районĕнчи ейӳпе кĕрешекен комисси членĕсем хутшăнчĕç.

Кăçалхи лару-тăру лайăхах марри палăрнă: юр нумай, çĕр тарăна шăннă, пăр хулăм. Ейӳ тухма пултарни куç кĕретех. Çавна май Çĕрпӳ районĕнче ейӳ сиенне чакарма пулăшакан мероприятисене ирттерме те пуçланă ĕнтĕ: шыв айне пулма пултаракан ялсенчи халăхпа калаçусем ирттернĕ, ейӳ вăхăтĕнче халăх пухăнмалли вырăнсене палăртнă. Çавăн пекех автомашин çулĕсем çинче шыв юхтарса ямалли çулсене тасатма пуçланă.

Канашлура Çĕрпӳ хулине ейӳрен хӳтĕлесси пирки те нумай калаçрĕç — уйрăмах хĕрарăмсен Тихвин мăнастирĕ тата Хĕвелтухăç урамĕ шыв айне пулма пултарассине шута илсе комисси пайташĕсем шывран хӳтĕлекен дамбăна, насус станцине кайса тĕрĕслерĕç.

Канашлăва пĕтĕмлетсе Е.В. Юшин кăçалхи ейӳ пысăк пăтăрмахсемсĕр пулнине шанма сунчĕ, инкек-пăтăрмахсенчен сыхланма пур шайри влаç çыннисене пĕрле ĕçлеме сĕнчĕ. 11.03.2010 09:52 http://www.chuvash.org/news/869.html Мари патшалăх университетĕнче çармăс чĕлхипе литературин эрни иртет http://www.chuvash.org/news/868.html Мари патшалăх университечĕн <a target='blank' href='http://www.marsu.ru'>сайчĕ</a> пĕлтернĕ тăрăх финнпа угор тĕпчев институтĕнче çармăс чĕлхипе литературин эрни пуçланнă. Вăл пуш уйăхĕн 9-мĕшпе 12-мĕшсенче иртет.

Чĕлхе эрнине республикăна туса хунăранпа 90 çул çитнине, Валентин Колумб паллă çармăс сăвăçи çуралнăранпа 75 çул çитнине, вĕрентекен çулталăкне тата Тăван çĕршывăн Аслă вăрçинче çĕнтернĕренпе 65 çул çитнине халалланă.

Пушăн 9-мĕшĕнче стена хаçачĕ кăларассипе ăмăртнă; пушăн 10-мĕшĕнче паллă ăсчахсемпе тĕлпулу иртнĕ; пушăн 11-мĕшĕнче чи лайăх хайлава тата чаплă вулавçăна суйлĕç. Пуш уйăхĕн 12-мĕшĕнче «Вĕрентекен — сан ĕçӳ те сан яту та ĕмĕр-ĕмĕр хисепре» (Учитель, твое имя и твой труд – в веках) ятлă литературăпа музыка каçĕ иртĕ. 10.03.2010 23:20 http://www.chuvash.org/news/868.html «Чăваш пики-2010» — пуш уйăхĕн 12-мĕшĕнче! http://www.chuvash.org/news/867.html Пуш уйăхĕн 12-мĕшĕнче (вăл кун эрнекуна лекет) Шупашкарти «Mega Galaxy» ятлă культурăпа кану центрĕнче «Чăваш пики-2010» ăмăртăвĕ иртĕ. Кăçал вăл 4-мĕш хут пулĕ.

Ăмăртăва пурĕ 17-25 çулхи 13 хĕр хутшăнĕ. <a href='/e/d099c495d0bfd180d0b5c3a720d180d0b0d0b9d0bed0bdc495'>Йĕпреç</a>, <a href='/e/d09ad0b0d0bdd0b0d18820d180d0b0d0b9d0bed0bdc495'>Канаш</a>, <a href='/e/d09ad0bed0bcd181d0bed0bcd0bed0bbd18cd181d0bad0b820d180d0b0d0b9d0bed0bdc495'>Комсомольски</a>, <a href='/e/d09fd0b0d182c483d180d18cd0b5d0bb20d180d0b0d0b9d0bed0bdc495'>Патăрьел</a>, <a href='/e/d0a1c495d0bdd182c495d180d0b2c483d180d180d0b820d180d0b0d0b9d0bed0bdc495'>Сĕнтĕрвăрри</a>, <a href='/e/d0a2c483d0b2d0b0d0b920d180d0b0d0b9d0bed0bdc495'>Тăвай</a>, <a href='/e/d0a5c495d180d0bbc49520d0a7d183d182d0b0d0b920d180d0b0d0b9d0bed0bdc495'>Хĕрлĕ Чутай</a>, <a href='/e/d0a8d183d0bfd0b0d188d0bad0b0d18020d180d0b0d0b9d0bed0bdc495'>Шупашкар</a>, <a href='/e/d0add0bbc495d0ba20d180d0b0d0b9d0bed0bdc495'>Элĕк</a> районĕн пикисем пулĕç. <a href='/e/d0a8d183d0bfd0b0d188d0bad0b0d180'>Шупашкар</a> хулинчен те пĕр хĕр хутшăнĕ.

Ăмăртуçăсен чи хитре, чи маттур, чи сăпайлă, чи ĕçчен пике вырăнне йышăнма хăйсене тĕрлĕ енчен кăтартма тивĕ — чăваш халăх йăли-йĕркисемпе ун кун-çулне те пĕлмелле, чăваш тумне тăхăнса хăйсен илемне те кăтартмалла, пултарулăхпа та палăрмалла. Ăмăрту вĕçĕнче вĕсен тата жюрие чăвашсен апат-çимĕçĕпе хăналамалла. Паллах, хăйсем хатĕрленĕскерпе, лавккара туяннипе мар.

Мала тухнă хĕр пĕтĕм Раççей шайĕнчи «Чăваш пике» ăмăртăва хутшăнĕ — унта вара ытти регисонсенчи пикесемпе тупăшса маттурлăха кăтартма тивĕ. Ăмарту <a href='/e/d0a8d183d0bfd0b0d188d0bad0b0d180d182d0b0'>Шупашкарта</a> (иртĕ çулсенче Мускавра ытларах иртетчĕ) кăçалах иртĕ.

Ăмăрту йĕркелекенĕсем: Чăваш наци конгресĕ, çамрăксен «Хастар» перлешĕвĕ, ТМЯО «Сиес» (тĕп директор — Н.М. Герасимов).

<a target='blank' href='http://gov.cap.ru/hierarhy.asp?page=./299/2899/759080/791636/791641'>Ăмăрту йĕрки-шывĕ</a>

<a target='blank' href='http://gov.cap.ru/hierarhy.asp?page=./299/2899/759080/791636/791647'>Йĕркелекенсен списокĕ</a>

<a target='blank' href='http://gov.cap.ru/hierarhy.asp?page=./299/2899/759080/791636/791656'>Ăмăртăва хутшăнакан хĕрсем</a>

Ӳкерчĕкре — ăмăртăва хутшăнакан Арсентьева Ольга Веняминовна (Шупашкартан). 10.03.2010 11:58 http://www.chuvash.org/news/867.html Абитуриентсем валли — литература ăмăртăвĕ http://www.chuvash.org/news/863.html <a href='/e/d0982ed0af2e20d0afd0bad0bed0b2d0bbd0b5d0b220d18fd187c495d0bbd0bbc49520d0a7c483d0b2d0b0d18820d0bfd0b0d182d188d0b0d0bbc483d18520d0bfd0b5d0b4d0b0d0b3d0bed0b3d0b8d0bad0b020d183d0bdd0b8d0b2d0b5d180d181d0b8d182d0b5d187c495d0bd'>И.Я. Яковлев ячĕллĕ Чăваш патшалăх педагогика университечĕн</a> чăваш филологи факультечĕ, М.Я. Сироткин ячĕллĕ чăваш литература кафедри (студентсен «Хунав» литпĕрлешĕвĕ, «Çилçунат» ăслăлăхпа пултару пĕрлешĕвĕ, «Çамрăк журналист» кружок), Чăваш халăх академийĕ, чăваш ачисемпе çамрăкĕсен «<a href='/e/d0a2d0b0d0bdd182c483d188'>Тантăш</a>» хаçачĕ Вĕрентекен çулталăкне тата Аслă Çĕнтерӳ пулнăранпа 65 çул çитнине халалласа республикăра тата ун тулашĕнче 11-мĕш класра вĕренекенсене пултарулăх хайлавĕсен (сочиненисен) ăмăртăвне хутшăнма йыхравлаççĕ.

<h3>Конкурс тĕллевĕ:</h3>

Пулас абитуриентсене пурнăç çулне суйласа илме пулăшасси, тăван чĕлхене юратакан, сăмахлăха, культурăна лайăх пĕлекен çамрăксене тупса малалла аталанма çул уçса парасси.

Хайлавсене çак темăсемпе йышанаççĕ:

1. «Учитель — ĕнер, паян, ыран». Вĕрентекен çулталăкне халалланă е харкам (хăйне евĕр) учитель çинчен çырнă илемлĕ тĕрленчĕк (сочинени) пулмалла.

2. «Асаттесен паттăрлăхĕ — паянхи кун ырлăхĕ». Тăван çĕршывăн Аслă вăрçинче тăшмана çапса аркатнăранпа 65 çул çитнине халалланă илемлĕ хайлав.

Ĕçсен калăпăшĕ пысăк пулмалла мар — А4 форматпа 3-4 е тетрадь хучĕпе 6-7 страница таран (компьютерпа пичетлесен те, алăпа çырсан та юрать).

Конкурса хутшăнаканăн хушамачĕ, ячĕ, ашшĕ ячĕ, çуралнă çулĕ, районĕ, шкулĕ, çыхăнмалли карас телефон номерĕ пулмалла. Ертӳçĕн, консультантăн тулли ячĕ, ĕç вырăнĕ, должноçĕ, телефонĕ кирлĕ.

Ĕçсене 2010 çулхи пуш (март) уйăхĕн 25-мĕшĕччен çак адреспа ярса памалла: Шупашкар хули, Президент бульварĕ, 19а çурт, Чăваш филологи факультечĕ.

Тĕплĕнрех 8-902-287-96-50 телефонпа шăнкăравласа пĕлме пулать.

<h3>Конкурс пĕтĕмлетĕвĕ:</h3>

Конкурса хутшăннисене Чăваш филологи факультечĕн «Уçă алăксен кунĕнче» чыслама палăртнă. Çĕнтерӳçĕсене хаклă парнесем кĕтеççĕ. Ӑнăçлă хайлавсене «Тантăш» хаçатра, «Хунав» литпĕрлешӳ альманахĕнче тата чăваш филологи факультечĕн «Чăвашлăх вучахĕ» хаçатĕнче пичетлĕç. Пултаруллă çамрăксене чăваш филологи факультетне вĕренме кĕнĕ чух çăмăллăх кĕтет. 06.03.2010 15:33 http://www.chuvash.org/news/863.html Нестер Янкас ячĕллĕ пĕрлĕхĕн уяв каçĕнче http://www.chuvash.org/news/861.html Нарăсăн 25-мĕшĕнче <a href='/e/d09ad180d0b0d181d0bdd0bed0b0d180d0bcd0b5d0b9d181d0bad0b8d0bdd187d0b5'>Красноармейскинче</a> (Тракра) Халăх пултарулăх çурчĕн ларусен залĕнче Нестер Янкас ячĕллĕ пĕрлĕх 20 çул тултарнине халалласа уяв каçĕ иртрĕ. Уяв кĕрекинче — район администрацийĕн пуçлăхĕн пĕрремĕш çумĕ Н.И.Антонов, район администрацийĕн культура, спорт тата çамрăксемпе ĕçлекен пай пуçлăхĕ А.Лебедев, Шупашкарти «Трак ен» ентешлĕх ертӳçи А.Н.Львов, Нестер Янкас ячĕллĕ Преми лауреачĕ <a href='/e/c482d181d0b0d0bd20d0a3c3a7c483d0bfc495'>Ăсан Уçăпĕ</a> çыравçă, Нестер Янкас шăллĕн ывăлĕ Валерий Кириллов, пĕрлĕх ертӳçи <a href='/e/d093d0b5d0bed180d0b3d0b8d0b920d0a2d183d181d0bbd0b8'>Георгий Тусли</a>, тĕрлĕ çулсенче пĕрлĕхе ертсе пынă А.А.Раськин, В.М.Михайлов, В.З.Константинов, Н.Г.Ершов-Янкер юлташсем тата 2008 тата 2009 çулсемшĕн пĕрлĕх Премине илме тивĕçлĕ пулнă А.Яковлев журналист, Ю.Степанов-Листопад журналист тата П.Федоров юрăçă. Уява ертсе пыраканĕ — районти тĕп вулавăш ĕçченĕ С.А.Гурьева.

Уяв асаилӳсенчен пуçланчĕ. Чи малтанах пĕрлĕх епле йĕркеленни çинчен Нестер Янкас ячĕллĕ Преми лауреачĕ В.М.Михайлов тухса калаçрĕ. Вăл пĕрлĕх йĕркеленнин кун-çулне тĕпĕ-йĕрĕпе çутатса пачĕ. Ун хыççăн Нестер Янкас ячĕллĕ Преми лауреачĕ, пĕрлĕхĕн хисеплĕ ертӳçи Н.Г.Ершов поэт хăй аса илĕвĕпе паллаштарчĕ. Сăмах май, вăл çак пĕрлĕх тилхепине 11 çула яхăн тытса пынă. Вĕсем хыççăн хăйсен салам сăмахне район администрацийĕн пуçлăхĕн пĕрремĕш çумĕ Н.И.Антонов, Шупашкарти «Трак ен» ентешлĕх ертӳçи А.Н.Львов, Нестер Янкас тăванĕсен ячĕпе Нестерăн шăллĕн ывăлĕ Валерий Кириллов каларĕç. Пĕрлĕхĕн пĕрремĕш ертӳçи пулнă А.А.Раськин тата район администрацийĕн культура пайĕн пуçлăхĕ пулнă В.С.Серафимов янкасçăсем те хăйсен сăмахĕнче пĕрлĕх тунă чылай ырă ĕçе аса илчĕç. Хăйсен сăмахĕсенче вĕсем Нестер Янкас пĕрлĕхĕ Н.К.Ефимов-Янкас вилĕмсĕр поэтăн ятне çĕклес, унăн пултарулăхне халăх хушшинче сарас тĕлĕшпе нумай ĕç тунине палăртрĕç. Пĕрлĕх, Раççейри демократи юхăмĕпе тата 20 ĕмĕрти 90-мĕш çулсенче чăваш наци аталанăвĕпе чĕрĕлĕвĕн кăмăл-туртăмĕпе тĕрекленсе вăй илнĕскер, ытти пĕрлĕхсемпе танлаштарсан, чылай сумлăрах ĕçсем тунине палăртрĕç. Пĕрлĕх ку таранчченех тĕрĕс-тĕкел упранса юлни, Нестер Янкас ырă сăнарне халалласа 50 уйрăм çынна тата 16 пултарулăх коллективне Нестер Янкас ячĕллĕ Преми лауреачĕн ятне пани — историлле пулăм терĕç вĕсем. Малашне те çак пархатарлă ĕçе ăнăçлă туса пыма пĕрлĕх ертӳçисене тата вĕсене пулăшакансене ăнăçу тата пултарулăх сунчĕç, пĕрлĕх ĕçĕ-хĕлне çĕнĕ вăй кĕртмешкĕн влаç тытăмĕсемпе таччăнрах çыхăнса ĕçлеме ыйтрĕç.

Уява пухăннисем Нестер Янкас ячĕллĕ пĕрлĕх ĕçĕ-хĕлĕнче тăрăшса ĕçленĕшĕн пĕрлĕх правленийĕн Хисеп хучĕпе А.А.Раськин рентгенолога, В.З.Константинов таврапĕлӳçĕне, В.С.Серафимова тата А.Алексеев концертмейстера чысларĕç. Район администрацийĕ хăй енчен çак ĕçре палăрнисене çитес Акатуйра чыслама палăртнă.

Уяв каçĕнче 2009 çулшăн панă Нестер Янкас ячĕллĕ Преми лауреачĕсене чысларĕç. Çак хисеплĕ ята «Хыпар» хаçат журналисчĕ, пирĕн ентеш, Çирĕклĕ ял çынни <a href='/e/d0aed180d0b8d0b920d09fd0b5d182d180d0bed0b2d0b8d18720d0a1d182d0b5d0bfd0b0d0bdd0bed0b2'>Юрий Петрович Степанов</a> (Листопад) тата районти Халăх пултарулăх çурчĕ çумĕнчи ветерансен хорĕн солисчĕ Пимен Никифорович Федоров тивĕçрĕç. Вĕсене Нестер Янкас ячĕллĕ Преми лауреачĕн кăкăр çине çакмалли паллипе тата çакна ĕнентерекен Дипломпа хисеп турĕç.

Кун хыççăн Нестер Янкас ячĕллĕ пĕрлĕх сайчĕн администраторĕ В.М.Михайлов сайт урлă пĕрлĕх 20 çул тултарнине тата Трак районне туса хунăранпа 75 çул çитнине халалласа ирттернĕ «Ачасен пултарулăхĕ» инçет литература конкурсĕн пĕтĕмлетĕвĕпе паллаштарчĕ. Конкурса электронлă çыхăну мелĕпе районти шкулсенче вĕренекенсем хăйсен проза, поэзи тата тата драма жанрĕсемпе çырнă 50 яхăн ĕçне ярса панă. Шкул ачисемпе вĕрентекенсем ытларах <a href='/e/d09ad180d0b0d181d0bdd0bed0b0d180d0bcd0b5d0b9d181d0bad0b820d0b8d0bad0bac495d0bcc495d18820d188d0bad183d0bbc495d0bdd187d0b5d0bd'>Красноармейски иккĕмĕш шкулĕнчен</a> (30 ĕç, вĕрентекенĕсем З.П.Михайловăпа В.М.Михайлов), <a href='/e/d09fd0b8d0bad188d0b8d0ba'>Пикшик</a> шкулĕнчен (14 ĕç, вĕрентекенĕ – Л.А.Тихонова), <a href='/e/d0a3d0bfd0b8'>Упи</a> шкулĕнчен (4 ĕç, вĕрентекенĕ – В.В.Васильева) тата <a href='/e/d09ad0b0d180d0b0d0b9'>Карай</a> шкулĕнчен (3 ĕç, вĕрентекенĕ – А.Ю.Никандрова) хастар пулнă. Çĕнтерӳçĕсемпе малти вырăна йышăннисене тата вĕсен ертӳçисене Нестер Янкас ячĕллĕ пĕрлĕхĕн 20 çулхи юбилей каçне уявламашкăн пыма йыхравланă. Вĕсене уяв сцени çине хăпартса пĕрлĕхĕн Дипломĕсемпе тата Хисеп хучĕсемпе чысларĕç.

Уяв тĕрлĕ çулсенче Нестер Янкас ячĕллĕ Премие тивĕçнĕ лауреатсен пултарулăх концерчĕпе вĕçленчĕ.

Сăнӳкерчĕксем: <a target='blank' href='http://nesterjankas.ucoz.ru/photo/nester%5fjankas%5fjachelle%5fperlekh%5f20%5fcul%5ftultarche/8'>кунта</a> тата <a target='blank' href='http://gov.cap.ru/HOME/67/news/2010/02/obshyangas/index.htm'>кунта</a>. 02.03.2010 22:22 http://www.chuvash.org/news/861.html