::И мӗн пуян... (Митта Ваҫлейӗ)

Хитре чăваш ятсем:

Эх, хитре-çке чăваш ячĕсем: САВАНТЕЙ, САВАÇ, САВНЕПИ, САЙРУНА, САРИНЕ, САРХАН, САХВУН, СĂРПИК, СВЕРККЕ, СЕНЕСЛУ, СЕНТИЛЕТ, СЕНТИМĔР, СЕНТТИ, СЕРКУÇ, СЕРПИНЕ, СЕРТЕПИ, СЕТНЕР, СИЛЕРПИ, СИЛПИ, СИЛПИК, СИЛТЕЛЕТ, СИНЕРПИ, СИТЕХМЕТ, СИТТИ, СӲНЕРПИ.

И мӗн пуян, тӑванӑм?
Сывлӑх пуян.
Сывлӑх ҫул памасӑр ҫта каян?

И мӗн пуян, тӑванӑм?
Туслӑх пуян.
Пин ылтӑн мар, пин тус эс туян.

И мӗн пуян, тӑванӑм?
Халӑх пуян.
Унсӑр пуҫне кама пуҫ таян?

Эс те пуян, тӑванӑм,
Эп те пуян:
Пуҫӑмӑрта сывлӑх пур паян.

Сывӑ пулар, тӑванӑм,
Туслӑ пулар,
Халӑх ирӗкӗнчен ан тухар.

Митта Ваҫлейӗ