Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Уйӑх ҫути — ҫул ҫути, хӗвел ҫути — кун ҫути.
[ваттисен сӑмахӗ]
 

Хыпарсем: Шупашкар

Ял хуҫалӑхӗ
cap.ru сӑнӳкерчӗкӗ
cap.ru сӑнӳкерчӗкӗ

Пӗлтӗр республикӑра ҫырла фестивалӗ пӗрремӗш хут иртнӗ. Ӑна кӑҫал та йӗркелӗҫ. Хальхинче фестивале икӗ лапамра ирттерӗҫ.

Пӗлтӗр ҫырла фестивалӗ Хыркассинче «Ивушка» питомникре пулнӑ. Кӑҫал та унтах иртӗ. Кунсӑр пуҫне Шупашкарти Машиностроительсен проспектӗнче «ЦветыТорг» базинче (1-мӗш ҫуртӑн 6-мӗш корпусӗ) тепӗр лапам пулӗ.

Фестиваль икӗ кун иртӗ. Пӗрремӗш кунхине, утӑн 20-мӗшӗнче, Шупашкарта ҫырла кӑна мар, ытти тӗмӗ хунавӗсене те сутӗҫ. Чӑваш фермерӗсем те хӑйсен продукцийӗсемпе паллаштарӗҫ. Утӑн 21-мӗшӗнче профессионалсем питомнике кайӗҫ.

 

Хулара
krasniykut.ru сайтри сӑн
krasniykut.ru сайтри сӑн

Шупашкарта 36 тӑлӑх хваттерлӗ пулнӑ. Вӗсене «Соляное» микрорайонта пурӑнмалли кӗтес панӑ.

Тӑлӑхсем ҫак саманта тахҫантанпах кӗтнӗ. Хваттерсенче хӑтлӑ: юсав ҫӗнӗ, электорплита пур, ҫӳлти хутсенчи чӳречерен вара Атӑл курӑнать.

ЧР Элтеперӗ Олег Николаев тӑлӑхсене ҫурт-йӗр парас ыйтӑва пысӑк тимлӗх уйӑрнине палӑртнӑ. Кӑҫал 414 тӑлӑха хваттер памалла. Вӑл каланӑ тӑрӑх, пӗлтӗрхи ҫул пуҫламӑшӗ тӗлне черетре тӑнӑ мӗнпур тӑлӑха ҫитес 5 ҫулта ҫурт-йӗрпе тивӗҫтерӗҫ.

 

Хулара
ҪҪХПИ тунӑ сӑн
ҪҪХПИ тунӑ сӑн

Шупашкарти «Университет» микрорайонта 21 ҫулти хӗр машина кустӑрми айне ӑнсӑртран лекнӗ. 20 сехет те 50 минутра вӑл Университет урамӗнчи 38-мӗш ҫуртӑн 4-мӗш корпусӗ еннелле утнӑ.

Водитель ӑнлантарнӑ тӑрӑх, хӗрӗн ури шуса кайнӑ. Ҫапла вӑл машина кустӑрми айне лекнӗ.

«Благовещенский» микрорайонта вара Волков бульварӗнчи 6-мӗш ҫурт патӗнче «Киа Рио» водителӗ каялла чакнӑ чухне 49-ти хӗрарӑм ҫине пырса кӗнӗ.

Хыпар ҫӑлкуҫӗ: https://t.me/gibdd121/4253
 

Персона
cheb-centr.soc.cap.ru сӑнӳкерчӗкӗ
cheb-centr.soc.cap.ru сӑнӳкерчӗкӗ

Шупашкарта пурӑнакан, Канашра ҫуралнӑ Анатолий Смирнов ватӑ пулин те хӑйӗн пурнӑҫне кӑсӑклӑрах пурӑнса ирттерме тӑрӑшать.

Канашра ҫуралнӑскерӗн ашшӗ-амӑшӗ ывӑлӗ иккӗре чухне Шупашкара куҫса килнӗ. Хӗсметре Куйбышев хулинче (халӗ Самара) тӑнӑ чухне вӑл сывлӑш оборонин пайне лекнӗ. Шӑпах ҫавӑ унӑн малашлӑхне витӗм кӳнӗ те. Ҫавӑнта вӑл радиотехникӑпа кӑсӑкланма пуҫланӑ. 1962 ҫулта каччӑ Хусанти авиаци институтне вӗренме кӗнӗ, электроника тата радиотехника енӗпе специалист пулма вӗренсе тухнӑ. Унтан вӑл Шупашкарти тӗрлӗ заводра ӗҫленӗ, профтехучилищӗре ҫамрӑксене вӗрентнӗ.

Пуш уйӑхӗн 8-мӗшӗнче Анатолий Смирнов 85 ҫул тултарнӑ. Ҫав ятпа ӑна Шупашкар хулинчи халӑха социаллӑ пулӑшу кӳрекен комплекслӑ центрӗн соцаллӑ ӗҫченӗ Анжелика Веселова саламланӑ.

 

Вӗренӳ
cheb.ws сайтри сӑн
cheb.ws сайтри сӑн

Паян Шупашкарти «Садовый» микрорайонти ҫӗнӗ шкула ачасем вӗренме кайнӑ. Ку – пӗрремӗш кун!

Ҫынсем ачасем шкула утнине видео ӳкерсе халӑх тетелне вырнаҫтарнӑ. Хальлӗхе унта миҫемӗш классем вӗреннине каламан. Аса илтерер: микрорайонти 1650 вырӑнлӑх шкул 64-мӗш шкулӑн корпусӗ пулса тӑнӑ. Хальлӗхе шкула уҫни пирки официаллӑ информаци пулман.

Палӑртмалла: ку шкула 2020 ҫулта тума пуҫланӑ. Унтанпа темиҫе подрядчик те улшӑннӑ.

Хыпар ҫӑлкуҫӗ: https://cheb.ws/news.htm?shownews=292430
 

Республикӑра
"Лиза Алерт" сайтри сӑн
"Лиза Алерт" сайтри сӑн

Шупашкарта 36 ҫулти арҫынна пӗр уйӑха яхӑн шыраҫҫӗ. Евгений Соколов килтен нарӑс уйӑхӗн 11-мӗшӗнче тухса кайнӑ. Унтанпа унран хыпар ҫук. Вӑл мӗнле майпа ҫухални те паллӑ мар.

Евгений - ҫӳллӗ, хыткан арҫын. Ҫӳҫӗ хура, куҫӗ симӗс. Ун пирки мӗн те пулин пӗлекенсене 8-800-700-54-52 е 112 номерпе шӑнкӑравлама ыйтаҫҫӗ.

Сӑмах май, пушӑн 15-мӗшӗнче «Лиза Алерт» Наци вулавӑшӗнче ҫынсене шырама пулӑшас текенсемпе тӗл пулаҫҫӗ. Мероприяти 18 сехет ҫурӑра пуҫланать.

 

Хулара
all-migration.com сайтри сӑн
all-migration.com сайтри сӑн

Шупашкарти хӗрарӑм ӗҫ шыранӑ вӑхӑтра тупӑш тумалли мел шыранӑ та самаях пысӑк парӑма кӗрсе кайнӑ.

29 ҫулти хӗрарӑма палламан ҫынсем видеохостингра роликсем пӑхса укҫа ӗҫлесе илме сӗннӗ. Малтанах вӑл куншӑн укҫа илсе тӑнӑ-ха. Кайран ӑна укҫана криптовалютӑна хума ыйтнӑ. Лешӗ килӗшнӗ, пысӑкрах тупӑш илес тесе вӑл тӗрлӗ банкран кредитсем илнӗ. Укҫана йӑлтах палламан счет ҫине куҫарнӑ. Тупӑшне илме тӑна та паман. Хӗрарам тинех хӑйне улталанине ӑнланнӑ.

Ку тӗслӗх тӗлӗшпе пуҫиле ӗҫ пуҫарнӑ.

 

Хулара
t.me/oanikolaev каналтан илнӗ сӑнӳкерчӗк
t.me/oanikolaev каналтан илнӗ сӑнӳкерчӗк

Шупашкарти аэропортӑн ҫӗнетнӗ терминалне ҫӗртме уйӑхӗнче ҫӗнетесшӗн. Вӑл вӑхӑта аэровокзалӑн 85 процентне юсаса пӗтересшӗн.

Калӑпӑшлӑ юсав ӗҫӗ виҫӗ ҫула яхӑн пырать. Реконструкции вӗҫлеме палӑртнӑ вӑхӑта темиҫе хутчен те куҫарнӑ. Вӗҫсе каймалли зонӑна кӑҫалхи ҫулла уҫасшӑн. Пассажирсене регистрацилемелли, багажа автоматика мелӗпе йышӑнмалли, паспорт тӗрӗслевӗн, тӗрӗслев, стерильлӗ зонӑсене ӗҫлеттерсе ярасшӑн.

Хыпар ҫӑлкуҫӗ: https://t.me/oanikolaev/5170
 

Республикӑра
"Контактри" сӑн
"Контактри" сӑн

Виҫӗ ача ӳстерекен Эльвирӑпа Михаил Павловсем пӳрт маччи ҫинче чечексем ӳстереҫҫӗ. Хӑйне евӗр пахчана вӗсем хӑйсем хута янӑ. Унта чун ӑшшине кӑна мар, 300 пин тенкӗ те хывма тивнӗ.

Маччана вӗсем ӑшӑнмалла тунӑ, электричество кӗртнӗ. Унта ӳсен-тӑран хӑйне питӗ лайӑх туять.

Павловсем мачча тӑрринче тюльпансем, чечек калчисем ӳстереҫҫӗ, кайран вӗсене сутаҫҫӗ. «Малтан мачча пушӑччӗ, халӗ вара унта пирӗн пӗчӗк хуҫалӑх», - тет кил хуҫи.

Хыпар ҫӑлкуҫӗ: https://vk.com/wall-191629825_65802
 

Сывлӑх
"Контактри" сӑн
"Контактри" сӑн

Шупшкарти тухтӑрсем авари хыҫҫӑн йывӑр суранланнӑ ватӑ хӗрарӑмӑн пурнӑҫне ҫӑлса хӑварнӑ. Унӑн пуҫӗ суранланнӑ, аяк пӗрчисем хуҫӑлнӑ, кӑкӑрӗ тӗлӗнче аманнӑ. Васкавлӑ медпулӑшу пульницинче вӑл пӗр уйӑха яхӑн комӑра выртнӑ. Тухтӑрсем унӑн пурнӑҫӗшӗн кашни кун кӗрешнӗ.

Хӗрарӑм реанимацире икӗ уйӑх выртнӑ. Вӑл кӑрлач вӗҫӗнче тӑна кӗме пуҫланӑ. Тухтӑрсем пулӑшнипе вӑл пурнӑҫа таврӑннӑ.

Ҫак кунсенче хӗрарӑма санавиаципе кӳршӗ региона илсе ҫитернӗ. Унӑн ҫемйи унта пурӑнать.

Хыпар ҫӑлкуҫӗ: https://vk.com/wall-191629825_65815
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 955
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хӑни ҫулне ахаль те пӗлет, ӑсатмасӑр та
хуҫа тарҫи
кил-йышри арҫын
хӑнана ӑсатма никам та тухмасть
ӑсатма тухни — ҫылӑх, юрамасть
хуҫа хӑй
хуть те кам тухсан та
пӗтӗм кил-йышпа тухаҫҫӗ
хуҫин ҫитӗннӗ ачисем