Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Мӗн акнӑ, ҫав шӑтать.
[ваттисен сӑмахӗ]
 

Хыпарсем: аэропорт

Ҫул-йӗр

Шупашкартан кӑҫал ҫӗнӗ авиарейссем уҫасшӑннине эпир унччен пӗлтернӗччӗ. Аса илтерер: Росавиаци патшалӑх субсидилекен авиамаршрутсен списокне пичетленӗччӗ. 266 маршрут шутӗнче Шупашкартан ытти хулана каякан 4 авиарейс та пурччӗ. Вӑл хуласем ҫаксем: Краснодар, Екатеринбург, Минеральные Воды тата Ҫӗнӗ Уренгой.

Шупашкарти аэропортра пӗлтернӗ тӑрӑх, «ИрАэро» авиакомпани йӗркелекен ҫӗнӗ рейссем валли вӑхӑт малтанласа палӑртнӑ ӗнтӗ.

Патшалӑх субсидилекен программӑна Краснодар, Минеральные Воды тата Ҫӗнӗ Уренгой хулисем кӗнӗ.

Самолетсем пуш уйӑхн 3-мӗшӗнче вӗҫме тытӑнмалла. Ҫӗнӗ Уренгойран Шупашкара юнкунсерен 11 сехет те 20 минутра ҫитмелле, Минеральные Воды хулана 12 сехет те 20 минтура кунтан вӗҫсе кайса унта 17 сехет те 20 минутра ҫитмелле, Краснодара 18 сехет те 20 минутра вӗҫсе каймалла.

Кӗҫнерникунсерен Краснодартан 8 сехет те 40 минутра Шупашкара вӗҫсе каймалла, Ҫӗнӗ Уренгоя пирӗн патран кӗҫнерникунсерен 9 сехет те 40 имнутра хускалмалла.

Пассадирсене 103 пассажир вырӑнӗлӗх «Сухой Суперджет 100» самолет турттарӗ. Билетсене ҫывӑх вӑхӑтра сутма пуҫлӗҫ.

Малалла...

Хыпар ҫӑлкуҫӗ: https://www.instagram.com/p/CKRF0Ufg9gs/
 

Ҫул-йӗр

Пассажирсене Чӑваш Ен тӗп хулинчен Мускава тата Мускавран Шупашкара турттаракан «Победа» авиакомпани хушма рейссем кӗртме палӑртнине эпир унччен пӗлтернӗччӗ-ха.

Темиҫе кун каялла Шупашкарти аэропортра расписани ҫывӑх вӑхӑтра уҫӑмланассине хыпарланӑччӗ. Халӗ, чӑн та, паллӑ.

Шупашкартан Мускава хушма авиарейссене ҫакӑн пек йӗркеленӗ:

— нарӑс уйӑхӗн 20-мӗшӗнче 19 сехет те 35 минутра;

— нарӑс уйӑхӗн 23-мӗшӗнче 16 сехет те 25 минутра;

— нарӑс уйӑхӗн 26-мӗшӗнче 15 сехет те 20 минутра;

— нарӑс уйӑхӗн 28-мӗшӗнче 17 сехет те 50 минутра;

— пуш уйӑхӗн 5-мӗшӗнче 15 сехет те 20 минутра;

— пуш уйӑхӗн 8-мӗшӗнче 17 сехет те 50 минутра;

— пуш уйӑхӗн 12-мӗшӗнче 15 сехет те 20 минутра;

— пуш уйӑхӗн 14-мӗшӗнче 17 сехет те 50 минутра;

— пуш уйӑхӗн 19-мӗшӗнче 15 сехет те 20 минутра;

— пуш уйӑхӗн 21-мӗшӗнче 17 сехет те 50 минутра;

— пуш уйӑхӗн 26-мӗшӗнче 15 сехет те 20 минутра.

 

Республикӑра

Чӑваш Енри икӗ хулапа виҫӗ район Шупашкарти аэродром ҫумӗнчи территорие кӗрӗ. Ку проекта хатӗрлесе пӗтернӗ ӗнтӗ. Аэродром ҫумӗнчи территорире 7 ҫум зона пулӗ. Вӗсенче капиталлӑ строительство объекчӗсене хӑпартассипе хӑш-пӗр чару хуҫаланӗ.

Раҫҫейӗн Сывлӑш кодексне улшӑну кӗртнӗ хыҫҫӑн аэропорт зонинче строительство ӗҫӗсене пуҫӑниччен строительсен хӑш-пӗр йывӑрлӑхпа тӗл пулма тивет. Чӑваш Ен строительство, архитектура тата ҫурт-йӗрпе коммуналлӑ хуҫалӑх министрӗ Александр Героев пӗлтернӗ тӑрӑх, аэродром ҫумӗнчи территорие палӑртсан документсене хатӗрлесси тата строительство ӗҫӗсем хӑвӑртланӗҫ.

Аэродром ҫумӗнчи территорие Шупашкарпа Ҫӗнӗ Шупашкар хулисем, Сӗнтрвӑрри, Муркаш тата Шупашкар районӗсем кӗрӗҫ.

 

Хулара

Шупашкарти аэропрт пушар сӳнтермелли ҫӗнӗ автомобиль туянать. Кун пирки вӑл пӗлтерӳ вырнаҫтарнӑ. Машина хакӗ — 3 миллион тенкӗ.

Машинӑна Сарту хулинчи «Россети Волга» предприяти сутнӑ. Аэропортпа предприяти килӗшӗве раштав уйӑхӗн 29-мӗшӗнче алӑ пуснӑ.

Сӑмах май аса илтерер: Шупашкарти аэровокзала юсаса ҫӗнетме палӑртаҫҫӗ. Аэропорт пӗлтӗрхи ҫурла уйӑхӗнче Инстаграмра хыпарланӑ тӑрӑх, проектпа смета документацине патшалӑх экспертизи витӗр тухма панӑ. Пулас терминалӑн проектне экспертсем виҫӗ уйӑх хушшинче хакласа пӗтермеллине пӗлтернӗччӗ ун чухне.

 

Культура

Хӗллехи сивӗ хӗл кунӗсенче самантлӑха та пулин ӑшӑ ҫӗре лекме пирӗнтен чылайӑшӗ ӗмӗтленет пулӗ. Ытти ҫул ют ҫӗршывсене кайма май килнӗ пулсан, кӑҫал ун пек май ҫукпа пӗрех. Чикӗ леш енне пули-пулми тухса каяймӑн. Хамӑр патра ҫу кунӗсем ҫитессе ҫеҫ кӗтме тивет.

«Smartavia» авиакомпани халех ҫуллахи кану пирки шухӑшлама сӗнет. Вӑл хӑш-пӗр рейспа билетсене сутма тытӑннӑ та ӗнтӗ. Ҫав шутра Шупашкартан Симферополе вӗҫекен самолет та пур.

Авиакомпани Чӑваш Ене Крымпа 2021 ҫулхи ҫӗртме уйӑхӗн 4-мӗшӗнчен ҫыхӑнтарасшӑн.

Рейссен расписанийӗпе тата тарифсемпе авикомпанин сайтӗнче паллашма пулать.

Хыпар ҫӑлкуҫӗ: https://www.instagram.com/p/CJJV5rSgKKe/
 

Ҫул-йӗр

Шупашкартан ҫитес ҫул ҫӗнӗ авиарейссем уҫӑлас шанчӑк питех те пысӑк. А.Г. Николаев ячӗллӗ аэропортра пӗлтернӗ тӑрӑх, Росавиаци патшалӑх субсидилекен авиамаршрутсен списокне пичетленӗ. 266 маршрут шутӗнче Шупашкартан ытти хулана каякан 4 авиарейс та пур. Вӑл хуласем ҫаксем: Краснодар, Екатеринбург, Минеральные Воды тата Ҫӗнӗ Уренгой.

Ҫӗнӗ маршрутсене уҫас тӗллевпе аэопорт самай ӗҫ калаҫу ирттернине ӗнентерет. Ҫав шутпа авиакомпанисемпе, республикӑн Транспорт тата ҫул-йӗр хуҫалӑхӗн министерствипе, республикӑн Элтеперӗпе темиҫе те калаҫнӑ.

«ИрАэро» авиакомпани Краснодар, Минеральные Воды тата Ҫӗнӗ Уренгой хулисене Шупашкар ҫыннисене ҫулталӑкӗпех турттарма хатӗр. «Руслайн» авиакомпани Екатеринбурга ҫулла вӗҫме килӗшнӗ.

Хыпар ҫӑлкуҫӗ: http://aerocheb.ru/about/novosti/
 

Ҫул-йӗр

Шупашкарти аэропорт хӗллехи ӗҫ вӑхӑчӗ ҫине куҫнӑ. Кун пек вӑл юпа уйӑхӗн 25-мӗшӗнченпе ӗҫлет. Хӗллехи режим пуш уйӑхӗн вӗҫӗччен пырӗ.

Шупашкарти аэропортӑн расписанийӗнче «Победа» авиакомпанин рейсӗсем йышланнӑ. Юпа уйӑхӗн 27-мӗшӗнченпе лоукостер Питӗр хулине эрнере тӑватӑ хутчен вӗҫет. Ҫапла вара пирӗн республика ҫыннисем архитектура тата культура енчен пуян ҫав хулана

ытларикунсерен, кӗҫнерникунсерен, эрнекунсерен тата шӑматкунсерен кайма пултараҫҫӗ. Самолет Питӗрти Пулково аэропортне илсе ҫитерет. Кунне кура расписани тӗрлӗрен. Ытларикунпа шӑматкун самолет Шупашкартан 12 сехет те 50 минутра хускалать, Питӗре вӑл 14 сехет те 55 минута ҫитерет; кӗҫнерникун 12 сехет те 40 минутра вӗҫсе кайӗ, Пулково аэропортӗнче 14 сехет те 45 минутра пулӗ; эрнекун 19 сехет те 25 минутра хускалӗ, 21 сехет те 30 минута ҫитерӗ.

 

Хулара

Шупашкарти аэропортра ҫывӑх вӑхӑтра пысӑк калӑпӑшлӑ юсав ӗҫӗсем пуҫланассине Чӑваш халӑх сайчӗ пӗлтерсех тӑчӗ-ха. Аса илтерер: хальхи вӑхӑтра унта авиапассажирсене ларса-тӑма та хӗсӗкрех. Юсав проектне Мускаври патшалӑх эксперчӗсем тӗрӗслеҫҫӗ. Вӗсем ӑна ырласан юсав ӗҫне раштав уйӑхӗнче е кӑшт каярах пуҫласса шанаҫҫӗ.

Ӗнер аэропортра журналистсем валли брифинг ирттернӗ. Аэровокзала ҫеҫ мар, аэродрома та юсама ӗмӗтленеҫҫӗ. Хальхи вӑхӑтра унта пӗр харӑсах икӗ самолетран ытла йышӑнаймаҫҫӗ. Пӗрремӗшӗнчен, ҫаврӑнма вырӑн сахал, иккӗмӗшнчен асфальт та чӑтаймӗ. Федераци программине кӗме пултарсан аэродрома юсаса ҫӗнетесшӗн. Ун чухне пӗр харӑс сакӑр самолета йышӑнма май килӗ. Ку ӗҫе 2024 ҫул тӗлне вӗҫлеме ӗмӗтленеҫҫӗ.

 

Ҫул-йӗр

Шупашкарти аэропорт самолетсене пирӗн патран халиччен вӗҫмен хуласене ҫӳретме тытӑнасшӑн. Кун пирки аэровокзалӑн пресс-служби пӗлтернӗ.

Шухӑшланӑ пек пулса пырсан Чӑваш Ен тӗп хулинчен самолетсем Екатеринбурга, Минеральные Воды и Ҫӗнӗ Уренгой хулисене 2021 кӑрлач уйӑхӗнче вӗҫме тытӑнӗҫ.

Аэропортӑн пресс-службинче хыпарланӑ тӑрӑх, ҫӗнӗ авиамаршрутсем уҫас ыйтӑва республика правительствипе, тата, паллах, авиакомпанисемпе сӳтсе явнӑ. Эпир пӗлнӗ тӑрӑх, «ИрАэро» тата «Руслайн» асӑннӑ хуласене самолетсене Шупашкартан ҫӳретме хирӗҫ мар. Анчах тӑкаксене хыснаран субсидилесен.

Кунта сӑмах регионсем хушшинчи авиарейссене субсидилессипе ҫыхӑннӑ федераци программи ҫинчен пырать. Унта лекме тӑрӑшмалла, лексен вара федераци бюджетӗнчен укҫа уйӑрасса ҫеҫ кӗтсе лармалла мар, регионтан та субсидилемелле.

 

Хулара

Шупашкарти аэровокзала юсаса ҫӗнетме хатӗрлесси вӗҫленсе пырать. Аэропорт Инстаграмра хыпарланӑ тӑрӑх, хатӗрленӳ ӗҫӗн чи вӑрӑм тапхӑрне пӗтернӗ. Проектпа смета документацине патшалӑх экспертизи витӗр тухма панӑ. Пулас терминалӑн проектне экспертсем виҫӗ уйӑх хушшинче хакласа пӗтермелле.

Аэропортра палӑртнӑ тӑрӑх,аэровокзал комплексне юсаса ҫӗнетес ыйтӑва 2016 ҫулта «Аэрофьюэлз» компани пуҫарнӑ. Ҫав тӗллевпе аэропорта «Международный аэропорт Чебоксары» (чӑв. Шупашкарти халӑхсем хушшинчи аэропорт) тулли мар яваплӑ обществӑна, уйрӑм ҫын аллине, панӑ. Хуҫа улшӑннӑ хыҫҫӑн пассажирсене турттарасси виҫӗ хут ӳснине ӗнентереҫҫӗ.

Аэровокзала «Аэрофьюэлз» компани хӑйӗн укҫипе юсаса ҫӗнетӗ. Ун валли федераци е республика хыснинчен кӗмӗл ыйтмӗҫ.

Хыпар ҫӑлкуҫӗ: https://www.instagram.com/p/CD-9foKqYHS/
 

Страницӑсем: 1, 2, 3, [4], 5, 6, 7, 8, 9, 10, 11
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хуҫин ҫитӗннӗ ачисем
кил-йышри арҫын
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
хуҫа тарҫи
пӗтӗм кил-йышпа тухаҫҫӗ
хуҫа хӑй
хуть те кам тухсан та