Сайта кӗр | Регистраци | Сайта кӗрсен унпа туллин усӑ курма пулӗ
 +1.3 °C
Вутӑн алли те, ури те вӑрӑм.
[ваттисен сӑмахӗ]
 

Хыпарсем: парӑмсем

Республикӑра
Суд приставӗсен управлени ҫурчӗ. Google.Map-ран тунӑ скриншот
Суд приставӗсен управлени ҫурчӗ. Google.Map-ран тунӑ скриншот

Федерацин суд приставӗсен службин Чӑваш Енри Управленийӗ пӗлтернӗ тӑрӑх, вӗсен сотрудникӗсем васкавлӑ та майлашуллӑ ӗҫленине пула республикӑри 36 ҫын умӗнчи ӗҫ укҫи парӑмне татса пама май килнӗ. Ҫакна тумашкӑн ӗҫпе тивӗҫтерекенӗн хваттерне сутма тивнӗ.

Ӗҫпе тивӗҫтерекен ӗҫ укҫи тӗлӗшӗпе хӑйӗн ӗҫченӗсем умӗнче 1 млн та 800 пин тенкӗлӗх парӑма кӗнӗ. Ҫак парӑма пӗтерес тӗлӗшпе суд приставӗсем пӗр пӳлӗмлӗ хваттере арестленӗ, каярахпа ӑна сутса янӑ. Сӑмах республикӑри пӗр агропредприяти пирки пыни паллӑ. Конкретлӑ хӑшӗ пирки сӑмах пынине вара пӗлтермен.

Суд приставӗсен служби ҫирӗплетнӗ тӑрӑх ыйтӑва ҫакӑн пек татса пама предприяти ертӳҫи ку ыйтӑва татса парас тӗлӗшпе нимӗн те туманни, тата вӑл хӑй ҫине илнӗ тивӗҫе пурнӑҫламанни хистенӗ.

 

Хулара
zen.yandex сайтри сӑн
zen.yandex сайтри сӑн

Шупашкарта пурӑнакан арҫын укҫа хывса пуяс тенӗ те темӗн чухлех парӑма кӗрсе кайнӑ. Халӗ унӑн банка, пӗлӗшӗсене укҫа парса татмалла.

Йӑлтах халӑх тетелӗнче укҫа хӑвӑрт ӗҫлесе илмелли пирки хыпарланӑ пӗлтерӗве курнинчен пуҫланнӑ. Вӑл унта хӑйӗн номерне хӑварнӑ. Часах унпа суя брокерсем ҫыхӑннӑ.

Арҫын вӗсем каланипе биржа патне кӗме май пултӑр тесе телефонӗ ҫине сарӑм вырнаҫтарнӑ, счечӗ ҫине 15 пин тенкӗ хунӑ. Кун хыҫҫӑн ӑна пысӑкрах укҫапа выляма сӗннӗ. Арҫын банкран кредит илнӗ, пӗлӗшӗсенчен укҫа ыйтнӑ. Ҫапла вӑл ултавҫӑсене 2 миллион та 960 пин тенкӗ куҫарса панӑ.

Анчах арҫын укҫа-тенке каялла тавӑрайман. Ултавҫӑсен аллине лекнине ӑнлансан вӑл полицие кайса пулӑшу ыйтнӑ. Кун тӗлӗшпе йӗрке хуралҫисем пуҫиле ӗҫ пуҫарнӑ.

Хыпар ҫӑлкуҫӗ: https://m.pg21.ru/news/77287
 

Хулара
r56.fssp.gov.ru сайтри сӑн
r56.fssp.gov.ru сайтри сӑн

Шупашкарта пурӑнакан арҫын хӑйӗн тӗлӗшпе пуҫиле ӗҫ ан пуҫарччӑр тесе алимент парӑмне татнӑ.

Ҫак арҫыннӑн алимент парӑмӗ 650 пин тенкӗ ытла пухӑннӑ. Унӑн банк счечӗсене арестленӗ, харпӑрлӑхри хваттерне регистрацилеме чарнӑ. Пуҫиле ӗҫ пуҫарасси те ӑна хӑратнӑ, ҫавӑнпа вӑл парӑма татнӑ.

Арҫын экс-арӑмне кӑштах алимент тӳлесе тӑнӑ-ха, ҫапах парӑм пухӑнсах пынӑ. Приставсем унпа калаҫу ирттернӗ, парӑма татмасан пуҫиле ӗҫ пуҫарасси пирки асӑрхаттарнӑ. Ку арҫынна витӗм кӳнӗ.

Хыпар ҫӑлкуҫӗ: https://pg21.ru/news/77048
 

Республикӑра

Арҫын ҫур ҫул ытла коммуналлӑ тӑкаксемшӗн тӳлемен. Ҫавна май ӑна хваттертен кӑларса яма тивнӗ. Кун пирки ҫурт-йӗр фончӗн управленийӗ пӗлтерет.

Ака уйӑхӗнче Шупашкарти Мускав районӗн администрацийӗ суда тавӑҫпа тухнӑ, Ҫурҫӗр поселокӗнчи 7-мӗш ҫуртра пурӑрнакансене, тара тытакансене, кӑларса яма ыйтнӑ. Лешсем коммуналлӑ тӑкаксемшӗн тӳлемен. Ҫак шутра 7 ҫын пулнӑ.

Суд тавӑҫа тивӗҫтернӗ. Раштав уйӑхӗн 15-мӗшӗнче ЧР Аслӑ сучӗн йышӑнӑвӗпе приговор саккунлӑ вӑя кӗнӗ.

 

Экономика

Чӑваш Енре ӗҫ укҫипе ҫав-ҫавах парӑм пур-ха. Ӗнер ку ыйтӑва Ӗҫ укҫине вӑхӑтра тӳлессипе ӗҫлекен ведомствӑсем хушшинчи комиссин Правительство ҫуртӗнче иртнӗ ларӑвӗнче сӳтсе явнӑ.

Чӑваш Енӗн патшалӑх ӗҫ инспекцийӗн цифрисене ӗненсен, 24 организаци 36,3 миллион тенкӗлӗх парӑм пухса тултарнӑ.

Ҫулталӑк пуҫламӑшӗнчипе танлаштарсан парӑм виҫи 29 процент, е 14,93 миллион тенкӗ, чакнӑ-ха. Раштав уйӑхӗн 13-мӗшӗ тӗлне илсен ҫапах та 856 ҫын умӗнче шалу парӑмӗ пур.

Шалу парӑмӗллӗ организацисен хушшинче — 13 предприяти-панкрут, ӗҫлеме пӑрахнисем — 10 компани. .

 

Республикӑра
 kremlinrus.ru сайтри сӑн
kremlinrus.ru сайтри сӑн

Вӑрмар районӗнче пурӑнакан хӗрарӑм алимент тӳлемест. Унӑн ӗҫе вырнаҫас шухӑш та ҫук.

Прокуратура пӗлтернӗ тӑрӑх, 37 ҫулти амӑшӗн 3 ачишӗн суд йышӑнӑвӗпе килӗшӳллӗн алимент тӳлемелле. Ӑна тӳлеменшӗн вӑл унччен административлӑ майпа явап тытнӑ-ха. Анчах ку та ӑна тӳрӗ ҫул ҫине тӑма пулӑшман.

Виҫӗ ача амӑшӗ ӗҫ шыраман, биржӑна шута тӑман. Ҫапла унӑн парӑмӗ 2,3 миллион ытла тенкӗ пухӑннӑ.

Хыпар ҫӑлкуҫӗ: https://pg21.ru/news/75497
 

Хулара
r21.fssp.gov.ru сайтри сӑн
r21.fssp.gov.ru сайтри сӑн

Шупашкарта пурӑнакан арҫыннӑн хваттер сутас тесен 700 пин тенкӗ алимент тӳлеме тивнӗ. 47-ри арҫыннӑн ачи 18 ҫултан иртнӗ ӗнтӗ. Анчах парӑмӗ – 700 пин тенкӗ – ҫавӑн пекех юлнӑ.

Унӑн пӗр пурлӑх ҫеҫ – хваттер – пур. Парӑм пулнӑран ӑна регистрацилеме чарнӑ. Ҫакӑ ҫеҫ арҫынна алимент парӑмне татма хистенӗ. Мӗншӗн тесен вӑл хваттерне сутма хатӗрленнӗ.

Алимент парӑмӗ татӑлсан, укҫа счет ҫине куҫсанах, хваттере те регистрацилеме ирӗк панӑ.

Хыпар ҫӑлкуҫӗ: https://pg21.ru/news/75173
 

Хулара
myslo.ru сайтри сӑн
myslo.ru сайтри сӑн

Шупашкарта пурӑнакан арҫын пиччӗшне алимент тӳлеме пулӑшнӑ. Тӑванӗ тӗлӗшпе суд пулнӑ. Вӑл ҫирӗп явап тытма пултарнӑ.

Ҫав арҫын арӑмӗнчен уйрӑлсан 18 ҫул тултарман хӗрне укҫан пулӑшман, воспитани парас ӗҫре тӑрӑшман. Малтанах вӑл алимент тӳленӗ-ха, анчах кайран укҫа куҫарма пӑрахнӑ. Ҫапла унӑн 500 пин тенкӗ ытла парӑм пухӑннӑ.

Судра вӑл ӳкӗннӗ. Ӑна 20 сехет ӗҫлеттерме йышӑннӑ. Ҫирӗпрех явап тытас мар тесе вӑл парӑма татма сӑмах панӑ. Анчах хӑйӗн укҫи пулман, пиччӗшӗнчен пулӑшу ыйтнӑ.

Хыпар ҫӑлкуҫӗ: https://pg21.ru/news/75019
 

Хулара
Шупашкарти ҫӗнӗ троллейбус
Шупашкарти ҫӗнӗ троллейбус

Чӑваш Ен ертӳҫисем троллейбуссене перекетлӗ те тухӑҫлӑ ӗҫлеттерме пуҫласшӑн. Ҫав тӗллевпе туртакан подстанцисене модернизацилӗҫ. Асӑннӑ хатӗрсем троллейбуссене ҫутӑпа тивӗҫтереҫҫӗ.

Подстанцисене ҫӗнетни электроэнерги тӑкакне 40-50 процент таран пӗчӗклетме май парӗ. Модернизаци валли кирлӗ укҫа-тенке инфраструктура кредичӗн пӗр пайӗнчен илесшӗн. Ҫак хыпара республика Элтеперӗ Олег Николаев «Регнум» информаци агентствине пӗлтернӗ.

Троллейбус управленийӗсем (Шупашкарти те, Ҫӗнӗ Шупашкарти те) тӑкаклӑ ӗҫлеҫҫӗ. Шупашкарти управлени ҫутӑ парӑмне юлашки 5 ҫулта ниепле те тӳлесе татаймасть. 2017 ҫул вӗҫӗнче энергетиксен умӗнчи парӑм 149 миллион тенке ҫывхарнӑччӗ. Ҫавӑн чухне муниципалитет предприятийӗ панкрута тухасси патнех ҫитнӗччӗ. Ун чухне парӑма реструктуризацилени йывӑрлӑхран тухма пулӑшрӗ.

 

Республикӑра

Вӑрмар районӗнчи фермер кредит организацийӗсенчен тата харпӑр усламҫӑран 2 миллион ытла тенкӗ кивҫен илнӗ. Анчах вӑл парӑма тавӑрса пама васкаман. Ҫавна май приставсем ун тӗлӗшпе ӗҫ производстви пуҫарнӑ.

Фермер 1966 ҫулта ҫуралнӑскер. Ҫак кунсенче приставсем унӑн тыр-пулне – 10 тонна викӑна – арестленӗ. Вӑл 70 пин тенкӗлӗх. Арестленӗ тыр-пул фермер патӗнчех упранать. Унӑн ӑна хӑйӗнех сутмалла. Ҫак ӗҫе 10 кунра пурнӑҫласа парӑмсене татма тытӑнмалла.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 27
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
хуҫа хӑй
кил-йышри арҫын
ӑсатма тухни — ҫылӑх, юрамасть
хуҫа тарҫи
пӗтӗм кил-йышпа тухаҫҫӗ
хӑнана ӑсатма никам та тухмасть
хуҫа арӑмӗ
хуть те кам тухсан та