Сайта кӗр | Регистраци | Сайта кӗрсен унпа туллин усӑ курма пулӗ
 +3.3 °C
Пулӑ пуҫӗнчен ҫӗрет.
[ваттисен сӑмахӗ]
 

Хыпарсем: шкулсем

Вӗренӳ
lala.lanbook.com сайтри сӑн
lala.lanbook.com сайтри сӑн

Чӑваш Ен Элтеперӗ Олег Николаев республикӑри 8 шкула грант парасси пирки хушӑва алӑ пуснӑ. Хахалантарӑва чи лайӑххисен йышне кӗнӗ, ӑнӑҫусем ҫӗнсе илнӗ шкулсем тивӗҫеҫҫӗ.

Шупашкарти 3-мӗш лицея тата 59-мӗш шкула, Улатӑрти 6-мӗш гимназие, Трак шкулне, Елчӗкри шкула 500 пин тенкӗ грант панӑ.

Ҫавӑн пекех чӑваш чӗлхине вӗрентессипе чи лайӑх практикӑна пурнӑҫлакан шкулсене 500 пин тенкӗ панӑ. Вӗсен йышӗнче - Шупашкарти 40-мӗш шкул, Елчӗк округӗнчи Аслӑ Елчӗк шкулӗ, Тӑвай округӗнчи Тӑрмӑш шкулӗ.

 

Сывлӑх
21.rospotrebnadzor.ru сайтри сӑн
21.rospotrebnadzor.ru сайтри сӑн

Республикӑра ОРВИпе чирлекен нумайланнӑ. Ытларахӑшӗ – ачасем. Кун пирки Роспотребнадзор пӗлтерет.

Иртнӗ эрнере республикӑра 151 ҫын гриппа чирленине палӑртнӑ. Вӗсенчен 51-шӗ- аслӑ ӳсӗмри ҫынсем, 100-шӗ – 17 ҫул тултарманнисем. Ведомство палӑртна тӑрӑх, ӳпке шыҫҫипе те чирлекен нумай. Ҫавна май Шупашкарти пӗр шкул дистанци мелӗпе вӗренет. Республикӑри тӗрлӗ округри 37 шкулти 1-5 класс дистанци мелӗ ҫине куҫнӑ.

 

Культура
chnmuseum.ru сӑнӳкерчӗкӗ
chnmuseum.ru сӑнӳкерчӗкӗ

Раштав уйӑхӗн 22-мӗшӗнче Чӑваш тӗррин музейӗнче «Ҫынсене илем кӳрӗр» курав уҫӑлӗ.

Унта хӑйӗн касса хатӗрленӗ хитре япалисемпе – шкатулкисемпе, вазисемпе, ламписемпе, арламалли ураписемпе тата ыттипе – Раҫҫейӗн тава тивӗҫлӗ учителӗ Валерий Кудряшов тата унӑн вӗрентекенӗсем паллаштарӗҫ.

Валерий Кудряшов Шупашкарти 49-мӗш шкулта технологи учителӗнче тӑрӑшать. 2000 ҫулта шкулта «Наследие» (чӑв. Эткерлӗх) ача-пӑча производство пӗрлешӗвне уҫнӑ. Унӑн хӑйӗн уставӗ, бизнес-планӗ, тавар бренчӗ пур. 2003 ҫултанпа компани Чӑваш Енри Ремеслениксен гильдийӗн пайташӗ.

Хыпар ҫӑлкуҫӗ: https://chnmuseum.ru/news/3256/
 

Вӗренӳ
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Сӗнтӗрвӑрри хулинчи Коновалово микрорайонӗнче кӑҫалхи авӑн уйӑхӗн 1-мӗшӗнче ҫӗнӗ шкула савӑнӑҫлӑ лару-тӑрура уҫнӑ. Анчах ӑна раштав уйӑхӗн 2-мӗшӗнче хупса хунӑ. Мӗншӗн тесен шкулта пушар хӑрушсӑрлӑхӗпе ҫыхӑннӑ чылай кӑлтӑк тупӑннӑ.

Тунтикунтан шкул каллех уҫӑлӗ. Кӑлтӑкӑн чылай пайне пӗтернӗ. Ҫавна ятарлӑ комисси тӗрӗсленӗ хыҫҫӑн палӑртнӑ.

 

Вӗренӳ
«Чеб.ру» сайтри сӑн
«Чеб.ру» сайтри сӑн

Шупашкарти «Садовый» микрорайонти шкула темиҫе ҫул ӗнтӗ хӑпартаҫҫӗ. Вӑл хӑҫан уҫӑлӗ? Срока темиҫе хутчен те куҫарнӑ. Юлашкинчен ЧР Элтеперӗ Олег Николаев шкула раштавӑн 5-мӗшӗнче уҫма шантарнӑ. Паян шӑпах ҫак кун.

Аса илтерер: икӗ эрне каялла микрорайонти шкулӑн 83 проценчӗ хатӗр пулнине пӗлтернӗ. Ҫав вӑхӑтрах РФ строительство министрӗ Михаил Коледа 95 проценчӗ хатӗррине каланӑ.

Шкула 2020 ҫулхи ҫурла уйӑхӗнче тума пуҫланӑ. Унта 1650 ача валли вырӑн пулмалла. Вӑл 9-мӗш шкулӑн иккӗмӗш корпусӗ пулӗ.

 

Вӗренӳ
cap.ru сӑнӳкерчӗкӗ
cap.ru сӑнӳкерчӗкӗ

Сӗнтӗрвӑрринчи «Коновалово» микрорайонти К.Д.Ушинский ячӗллӗ шкула ҫӳрекенсем ҫитес эрнере килтен вӗренӗҫ. Ку карантинпа ҫыхӑнман. Виҫӗ уйӑх каялла уҫӑлнӑ ҫӗнӗ шкулта Инкеклӗ лару-тӑру министерствин Чӑваш Енри тӗп управленийӗ тата прокуратура тӗрӗслев ирттерсен пушар хӑрушсӑрлӑхӗ енӗпе ҫитменлӗхсем тупса палӑртнӑ.

Ҫавна май ачасене килтен вӗрентме йышӑннӑ. Хальлӗхе - раштав уйӑхӗн 8-мӗшӗччен. Шкул ертӳлӗхне, подрядчике тата проектировщике ҫитменлӗхсене кӗске вӑхӑтра пӗтерме хушнӑ.

Аса илтерер: ҫӗнӗ шкула кӑҫал авӑн уйӑхӗн 1-мӗшӗнче уҫнӑ. Унта 375 ача валли вырӑн пур.

Хыпар ҫӑлкуҫӗ: https://t.me/mariinsko_posadskij_rajon
 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Шупашкарти В.П. Воробьев ячӗллӗ 2-мӗш ача-пӑча музыка шкулӗнче «Акцент на детство» скрипка фестивалӗ иртнӗ.

Унта Шупашкарти ҫамрӑк скрипачсемпе флейтистсем, художниксемпе скульпторсем хутшӑннӑ. Ача-пӑча модин «Прайм» театрӗпе «Fantasta» фокус театрӗнчен те пырса ҫитнӗ. Унта Чӑваш патшалӑх оперӑпа балет театрӗн солистки, Чӑваш Енӗн тава тивӗҫлӗ артистки Елена Соколова, наци инструменчӗсен ӑсти Даниил Данилов та пулнӑ.

Чӑваш Енӗн Культура министерствинче пӗлтернӗ тӑрӑх, фестивале скрипачсен «Калейдоскоп» ансамблӗ илем кӳнӗ. Ушкӑна Раҫҫейӗн культура тава тивӗҫлӗ ӗҫченӗ Наталья Серегина ертсе пырать. Коллектив классика тата хальхи вӑхӑтри хальхи вӑхӑтри хайлавсемпе паллаштарнӑ. Фестиваль программи ача-пӑчан скрипка репертуарӗнчен тӑнӑ, ҫав шутра —соло тата ансамбль номерӗсенчен, джаз композицийӗсенчен, эстрада пьесисемпе мультфильмсемпе киносенчи юрӑсенчен.

 

Вӗренӳ
t.me/gazetatavanen каналтан илнӗ сӑнӳкерчӗк
t.me/gazetatavanen каналтан илнӗ сӑнӳкерчӗк

Шупашкар муниципалллӑ округӗнчи Кӳкеҫре ҫак кунсенче шкул ҫуртне ҫине тӑрса хӑпартаҫҫӗ. Ӑна кирпӗчрен купаласа. Кирпӗч хуракансем сивӗре те, ҫил-тӑманта та ӗҫлеҫҫӗ. Ирех ӗҫе кӳлӗнсе каҫченех тӑрмашаҫҫӗ вӗсем. Электричество ҫутипе те вӑй хураҫҫӗ.

Район центрӗнчи виҫҫӗмӗш шкул пулмалли ҫурта епле хӑпартнипе ҫак эрнере вырӑнти тӳре-шара паллашнӑ.

Шкул 825 ача вӗренмелӗх пулӗ. Ӑна «Регионжилстрой» компани хӑпартать. Строительствӑра 120 ытла ҫын тӑрӑшать. Шкула 2024 ҫулта туса пӗтермелле.

Хыпар ҫӑлкуҫӗ: https://t.me/gazetatavanen/11300?single
 

Республикӑра
Прокуратура архивӗнчи сӑн
Прокуратура архивӗнчи сӑн

Кӑҫал пуш уйӑхӗн 30-мӗшӗнче Муркаш муниципаллӑ округӗнчи Кашмаш шкулӗн территоринче ҫӗр ишӗлсе аннӑ. Ӑна халӗ те юсаман-ха. Ун чухне асфальт тата тимӗр карта сиенленнӗ.

Шкул территорине йӗркене кӗртекен подрядчике тупас тӗллевпе аукцион ирттерессине икӗ хутчен пӗлтернӗ. Пӗрремӗшне юпа уйӑхӗнче тин ирттерме палӑртнӑ. Анчах иккӗшне те никам та хутшӑнман. Малтанхи хак 9,8 млн тенкӗ пулнӑ.

Халӗ каллех аукцион ирттереҫҫӗ. Хакӗ унчченхи пекех.

 

Культура

Чӳк уйӑхӗн 13-мӗшӗнче Чӑваш пукане театрӗнче шкул театрӗсен «Асам» республикӑри конкурсӗн республика шайӗнчи тапхӑрӗ иртнӗ.

Фестивале ирттерме РФ Патшалӑх Думин депутачӗ Алла Салаева сӗннӗ.

Ӗнер хӑйсен ӗҫӗсемпе Вӑрмар муниципаллӑ округӗнчи Чулкассинчи тата Шупашкарти 53-мӗш вӑтам шкулсем паллаштарнӑ.

Унта тӗрлӗ шайри тӳре-шара хутшӑннӑ. Чӑваш Енӗн культура министрӗн ҫумӗ Георгий Богуславский шкул театрӗсен «Асам» фестивалӗн пӗлтерӗшне пысӑка хурса хакланӑ.

Финалистсен ячӗсене кӑҫалхи раштав уйӑхӗнче пӗлтерӗҫ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 165
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫа хӑй
хуть те кам тухсан та
хуҫин ҫитӗннӗ ачисем
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хӑнана ӑсатма никам та тухмасть
кил-йышри арҫын
хуҫа тарҫи
хуҫа арӑмӗ