Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Суя чупать ҫӗр ҫулпа, чӑнни утать пӗр ҫулпа.
[ваттисен сӑмахӗ]
 

Хыпарсен ҫыххи: Ҫурт-йӗр

Ҫурт-йӗр
sledcom.ru сӑнӳкерчӗкӗ
sledcom.ru сӑнӳкерчӗкӗ

Красноармейскинчи ишӗлекен общежитисенче пурӑнакансем ҫӑхавпа Мускава ҫитнӗ. Вӗсене инҫет ҫыхӑну мелӗпе РФ Следстви комитечӗн ертӳҫи Александр Бастрыкин йышӑннӑ.

Видео-конференц-ҫыхӑну мелӗпе ирттернӗ йышӑну вӑхӑтӗнче Красноармейскинчи хастар хӗрарӑмсем хӑйсем пурӑнакан общежитисене никам та тытса тӑмасть, ҫуртсем вара ишӗлсе пыраҫҫӗ тесе евитленӗ.

Александр Бастыркин РФ Следстви комитечӗн Чӑваш Енри управленийӗн ертӳҫине Александр Политинина лару-тӑрӑва тӗрӗслеме хушнӑ. Тӗп аппарат вара ку ыйтӑва куҫран вӗҫертмессине шантарнӑ.

 

Ҫурт-йӗр
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкар районӗнчи Ленин район судне нумай хваттерлӗ ҫуртсенчен пӗринче подъезда тимӗрпе пӳлсе хуни пирки тавӑҫ ҫитерекен пулнӑ. Хваттерпе юнашар лапама икӗ ҫын пӳлсе лартнӑ, ҫав вӑхӑтрах асӑннӑ лапам ҫуртра пурӑнакансен пӗрлехи харпӑрлӑхӗ шутланать.

Те суда тавӑҫ ҫитсе выртнине пӗлнӗрен, хваттерсен хуҫисем подъездри лаптӑка тимӗрпе пӳлсе хунине хӑйсен кӑмӑлӗпех сӳтнӗ, ҫапла вара судра ку ыйтӑва пӑхса тухма тивмен.

 

Ҫурт-йӗр
kozlov.cap.ru сӑнӳкерчӗкӗ
kozlov.cap.ru сӑнӳкерчӗкӗ

Нумай хваттерлӗ ҫуртсене тӗплӗн юсама хваттер хуҫисенчен пухакан хак килес ҫул хӑпарӗ.

Ҫавна республикӑра паян алӑ пуснӑ йышӑнура пӑхса хӑварнӑ.

Лифтсӑр хваттерсенче пурӑнакансен 2023 ҫулта пӗр тӑваткал метршӑн 7 тенкӗ те 38 пус тенкӗ тӳлеме тивӗ, лифтлӑ ҫуртсенче пурӑнакансен – 8 тенкӗ.

Лифтсӑр ҫуртсенче пурӑнакансем кӑҫал пӗр тӑваткал метршӑн 6 тенкӗ те 92 пус тӳлеҫҫӗ, лифтлисенче пурӑнакансем – 7 тенкӗ те 51 пус.

 

Ҫурт-йӗр
"Грани" хаҫат сайтӗнчен илнӗ сӑнӳкерчӗк
"Грани" хаҫат сайтӗнчен илнӗ сӑнӳкерчӗк

Чӑваш Енри нумай хваттрелӗ ҫуртсенче ҫутӑ счётчикӗсене ылмаштарасси малалла пырать. Ҫавӑн пек тума 2018 ҫулхи раштав уйӑхӗнче йышӑннӑ 522-мӗш номерлӗ федераци саккунӗ хистет.

Нумай хваттерлӗ ҫуртсенчи электросчётчиксене кӑҫалхи ҫулталӑк вӗҫне ылмаштарса пӗтермелле.

Республикӑри мӗнпур районпа хулара уйрӑм ҫынсене 5 пин счётчик лартса памалла, кунсӑр пуҫне тата нумай хваттерлӗ ҫуртсенчи ҫутӑ тӑкакне шутлакан 850 ытла приборпа трансформатор токне виҫекен 600 комплект вырнаҫтарӗҫ.

Ӗҫшӗн хваттер хуҫисен укҫа тӳлемелле мар. Ҫӗнӗ йышши счётчиксем ҫутӑ мӗн чухлӗ ҫуннине хӑйсемех кирлӗ ҫӗре ҫитерӗҫ.

 

Ҫурт-йӗр
Cap.ru сайтран илнӗ сӑнӳкерчӗк
Cap.ru сайтран илнӗ сӑнӳкерчӗк

Чӑваш Енӗн тӗп хулинчен Ҫурҫӗре самолётсем вӗҫме тытӑнӗҫ.

«ЮВТ-Аэро» акционерсен обществи «Шупашкар-Сургут» авиамаршрута ҫирӗплетнӗ.

Асӑннӑ маршрутпа «CRJ-200» самолётсем ҫула тухӗҫ. Вӗсем кӑҫалхи ҫурла уйӑхӗн 1-мӗшӗнчен тытӑнса раштав уйӑхӗн 31-мӗшӗччен вӗҫӗҫ. Самолётсем эрнере икӗ хутчен ҫула тухӗҫ. Суперджета 50 пассажир вырнаҫӗ.

Ҫул укҫи тӑкакӗн 61 процентне хыснаран саплаштарӗҫ.

 

Ҫурт-йӗр
pravdapfo.ru сӑнӳкерчӗкӗ
pravdapfo.ru сӑнӳкерчӗкӗ

Шупашкар хулин Кӑнтӑр-хӗвеланӑҫ районӗнче пурӑнакансем хӑйсен тӑрӑхӗнче вӑрман вырӑнӗнче ҫурт-йӗр комплексӗ хӑпартса лартассине хирӗҫ иккен. Ҫав вӑхӑтрах республика Элтеперӗ Олег Николаев асӑннӑ комплекс валли 1 миллиарда яхӑн тенкӗ инфраструктура кредичӗ пама йышӑну кӑларнӑ.

«Дубрава-парк» ҫурт-йӗр комплексне вӑрман вырӑнӗнче хӑпартмалла-мӗн. Унта нумай хваттерлӗ 19 ҫурт пулмалла-мӗн. Вӗсенчен 15-шне 10 хутран пуҫласа 21 хутлӑ тӑвасшӑн иккен.

10 миллион ытла тенкӗ тӑракан проект хальлӗхе хатӗр мар-мӗн-ха. Эскиз вара пур. Унта палӑртнӑ тӑрӑх, ҫурт-йӗр комплексӗ Миттов бульварӗ, Фруктовӑй, Тополинӑй урамсем тата Сугутка юханшывӗ хушшинче пулӗ.

 

Ҫурт-йӗр
youtu.be/z8rrtFyCO30 видеоран илнӗ скриншот
youtu.be/z8rrtFyCO30 видеоран илнӗ скриншот

Красноармейски ялӗнчи Ленин урамӗнче пӗрер хутлӑ пилӗк ҫурт — общежити — ишӗлме пуҫланӑ. Анчах вырӑнти тӳре-шара вӗсене ишӗлеҫҫӗ тесе йышӑнма васкаман. Халӗ ку ыйтупа прокуратура кӑсӑкланма пуҫланӑ.

Тимӗр каркаслӑ ҫуртсене 1984-1985 ҫулсенче «Волготрансгаз» обществӑн Заволжски управленийӗн саккасӗпе туса лартнӑ. Вӑхӑт иртнӗҫемӗн ҫав ҫурт-йӗр япӑхма тытӑннӑ. 2006 ҫулсенче вӗсене муниципалитет балансӗ ҫине куҫарнӑ. 2016-2022 ҫулсенче ведомствӑсем хушшинчи комисси темиҫе хутчен те тӗрӗсленӗ, анчах ҫав ӗҫе ятарлӑ организацисен специалисчӗсене явӑҫтарман, ҫавна май общежиисене ишӗлекен ҫуртсен шутне кӗртмен.

Халӗ прокуратура тӗрӗслев материалӗсене право органӗсене ярса панӑ.

 

Ҫурт-йӗр
cap.ru сӑнӳкерчӗкӗ
cap.ru сӑнӳкерчӗкӗ

Банкран илекен ҫӑмӑллӑхлӑ ипотекӑпа ҫынсем ҫурт хӑйсен вӑйӗпе туса лартайӗҫ. Раҫҫей Правительстви иртнӗ уйӑхӑн 31-мӗшӗнче ҫӑмӑллӑхлӑ ипотека программи ӗҫлеттерсе яма йышӑннӑ. Малашне ун пек кивҫенпе ҫынсем ҫурта хӑйсен вӑйӗпе хӑпартма пултарӗҫ. Унччен подрядчик тытма тивнӗ.

Ҫӑмӑллӑхлӑ ипотекӑн процент ставки 9 процентран ытла пулмӗ. Салука ҫӗр лаптӑкне е туса лартнӑ ҫурта пама пулать. Ипотека кредичӗ иличчен малтанхи взнос 20 процент пулмалла. Ҫурта 12 уйӑхра туса пӗтермелле.

Чӑваш Енре пурӑнакансем 6 млн тенкӗ таран илейӗҫ; Мускав, Питӗр хулисенче, Мускав тата Ленинград облаҫӗсенче пурӑнакансем — 12 млн тенкӗ.

 

Ҫурт-йӗр
чувашинформ.рф сӑнӳкерчӗкӗ
чувашинформ.рф сӑнӳкерчӗкӗ

Шупашкарти Энергетиксен урамӗнчи 17-мӗш ҫуртра стена кӑвакарса ларнӑ. Кун пирки асӑннӑ ҫуртра пурӑнакан пӗр хӗрарӑм евитленӗ.

Вӑл пӗлтернӗ тӑрӑх, ҫурт ҫӗнӗ. Пурте усӑ курмалли балкон ҫине тухмалли вырӑнта, 21-мӗшпе 23-мӗш хутсенче, алӑк патӗнче штукатурка йӑтӑнса тӑрать, стена кӑвакарса ларать, хӗлле унта пӑрлансах ларать.

Хӗрарӑм ҫавӑн сӑлтавне палӑртма ыйтнӑ.

Нумай хваттерлӗ ҫуртӑн застройщикӗн гаранти вӑхӑчӗ тухман иккен. Ҫурта тытса тӑракан «Управдом» управляющи компани строительство организацине кӑлтӑка пӗтерме ыйтнӑ. Ҫавӑн хыҫҫӑн стенана тасатнӑ, штукатурка туса шуратнӑ.

 

Ҫурт-йӗр
tv21.ru сӑнӳкерчӗкӗ
tv21.ru сӑнӳкерчӗкӗ

Шупашкарти нумай хваттерлӗ пӗр ҫуртра лифт ӗҫлеменнине тупса палӑртнӑ. Кун пирки телеканалсенчен пӗри хыпарланӑ. Ҫавӑн хыҫҫӑн прокуратура тӗрӗслев пуҫарнӑ.

Видеорепортажра сӑмах 9-мӗш пилӗкҫуллӑх урамӗнчи ҫуртсенчен пӗри пирки пынӑ. Унти 6-мӗш хутра 98 ҫулти ветеран пурӑннӑ.

Прокуратура тӗрӗслев ирттернӗ хыҫҫӑн управляющи компани лифта юсанӑ. Унтисем ӑнлантарнӑ тӑрӑх, электродвигатель юсавсӑр пулнӑ иккен. Надзор органӗ тӗрӗслевпе ҫитсен лифта темиҫе сехет хушшинче юсаса хута та яма май тупнӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...37
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хуҫа арӑмӗ
хӑни ҫулне ахаль те пӗлет, ӑсатмасӑр та
хуть те кам тухсан та
хӑнана ӑсатма никам та тухмасть
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
кил-йышри арҫын
хуҫа хӑй
хуҫа тарҫи