Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Тимӗре хӗрнӗ чух туптаҫҫӗ.
[ваттисен сӑмахӗ]
 

Аскольд Де Герсо: Чӑваш чӗлхи: паянхи кун

Аскольд Де Герсо14.12.2018 20:2510910 хут пӑхнӑ

Сайт ҫинче чылайранпа регистрациленни, анчах та пӗр пулӑма тавҫӑрса ҫитерейместӗп. Кунта чӑнласа чӑваш чӗлхи никама та кӑсӑклантармасть пулмалла. Пурте хӑйсем тенӗ пек чӑваш чӗлхи ӑҫтан пулса кайнине шутласа кӑларас тесе мӗкӗрленеҫҫӗ. Авалхи вӑхӑтра каланӑ: иртнине пӑхатӑн - карттусна сыр, малалла пӑхатӑн - ҫанусене тавӑр.

Анчах та ҫанӑ тавӑрма темӗн никамӑн та кӑмӑл палӑрмасть, иртнине пӑхнӑ чухне вара ҫанӑсене ҫеҫ мар, шӑлавар пӗҫҫисене те те тавӑрса хурса чаваланаҫҫӗ. Хӑҫан та пулсан эпир иртнине хисеплеме вӗренсе ҫитейӗпӗр-ши е ҫав-ҫавах сысна евӗр чаваланӑпӑр-ши? Хуть мӗнле чавалансан та иртнинчи паянхи пурнӑҫа лайӑхлатса яраймасть, енчен те эсир ун йышши шутлатӑр. Пурӑнатпӑр паян, виҫмине иртнӗ, ыранхи ҫитмен. Кунта ниепле те улшӑну кӗртме ҫук.

Тата вулакансем те йышлах мар, сайт ҫине вара чылай ҫын ҫырӑннӑ пек курӑнать, е тата шучӗшӗн ҫеҫ ҫырӑннӑ-ши, "мёртвые души" евӗр?

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментари:

2019.01.20 22:01
Тимрук, ĕç-пуç çинче е тата мĕнле çырнинче мар, хăв мĕншĕн с саспалли витĕр çыратăн, тĕрĕслĕх кутамкки? Чăвашла раскладка тĕрлĕрен интернет уçлăхĕнче, уçлама çеç ан ÿркенсе тăр. Е хăвна аслăрах тетĕн? Кунта эсир чылай темĕн те çыракансем, урамра вара вырасла пуплесе çÿретĕр
Атнер // 1726.84.3785
2019.01.23 12:59
Аскольд.ан тупӑш микулапа садиксем пирки.каламасӑрах паллӑ хӑйсен ачисене тӑван чӗлхене вӗрентме пултарайман айвансене пулӑшмалла.садик кирлӗ тете ӗҫ пулчӗ вара.а садикӗ пулмасси каламасӑрах паллӑ.
2019.01.30 18:06
Килĕшетĕп, Атнер хăта. Кунта пиртен сахал килет, чăваш е тутар чĕлхи урокĕсен сехетне чакарас терĕç, чакарчĕç. Анчах та кил таврашĕнче чăвашла калаçма никам та чаракан çук. Ача-пăча халĕ хăй ытларах кÿштесе, хăйне вырăс тесе палăртма васкать. Пурпĕрех мĕнле тăрмашсан та, вырăс пулаймаççĕ, пĕлÿ çитмест. Вырăссем те социальлĕ сетьсенче йăнăшпа çыраççĕ, тĕрĕс çыракан питĕ сахал. ХIХ ĕмĕрте вара вырăссем, дворянсем француз чĕлхипе шакăлтаттарса калаçнă, тупаса тухса пырать халăх
Agabazar // 3534.70.7057
2019.01.31 05:05
Agabazar
Эй, кукшасем темерĕн!

Сирĕн "проект" юрăхсăр, господасем! Кунашкал сÿпĕлтетсе никама та шăнман пăр çине лартса яраймастăр!
Атнер // 1726.84.3785
2019.01.31 10:03
Хамӑр кун пекех айван пулсан кӗҫех хулара пӗр-пӗр кантурта чӑвашла сӑмах хушсан националист тесе хӑвалама пуҫлӗҫ.Ахаль те тӑван чӗлхепе калаҫма хӑякансем курӑнма пӑрахрӗҫ тӗрлӗ пухусенче.Чӑваш чӗлхине аталантаракан комисси комитетсем ӗҫ пӑланӗсене вырӑсла кӑна палӑртма вӑтанмаҫҫӗ.Каллех Трамп тата Чубайс айӑплӑ!
Agabazar // 3534.70.7057
2019.01.31 12:04
Agabazar
Трамп, паллах, йĕксĕк. Йĕксĕкрен те йĕксĕк. Анчах та Чубайса ан тив. Вăл пирĕн патра "Хĕвел" савут лартса панă.
2019.01.31 20:30
Тĕрĕс Акапасар. Совет Союзĕ вăхăтĕнче тĕнчипе пурнăçланă савутсем паянхи кун хăйĕн хуçисене тупрĕç. Çамка çине çеç çав-çав баринăн крепостнойĕ тесе кăна пичет çапмаççĕ. Трамп хăш енчен йĕсĕк? Тата пире хăш енчен килсе тивет вăл?
Можно в отдельной, а можно и в общей
Мёртвых квартирный вопрос не берёт,
Вот молодец, этот самый усопший,
Не пожалеет и не соврёт
Çакнашкал мар-и, Акапасар?
2019.05.01 15:17
Ау, чăвашсем! Е сайт çинче чăвашла çырма икĕ-виçĕ çынсăр пуçне урăх никам та çук та-и? Кун пек пулсан мĕскер вара чăвашлăхăн пуласлăхĕ çинчен калаçмалли пур? Эпир вăрă хурахсен чĕлхи евĕр юлма та пултаратпăр. Чăвашсем иртнинче чăвашла çырма та вулама та ÿркенсе тăман
атика // 2618.49.8517
2019.05.03 06:29
чăваш текен çынна ,ачисене пăх та тÿрех паллă вăл кам,манкурт,е чăваш .кунта çырса ларни вăхăта харама яни кăна ,ачасемпе ĕçлес пулать.нумайĕшĕн çак тĕтеле кĕрекенсен ачисем тăван челхемĕре пĕлмеççĕ мĕн çырайрĕç вĕсем прĕн çинчен,нумайĕшне ачисем чăвашла калаçса кайасран хăраса йем тĕпне тултарса хума хатĕр.вырăс челхине турă вырне хунă-çавна ĕненеççĕ,чура-менталитетчĕ,мĕн калайăн хăшĕсем вилнĕ аслашĕсене те вырăс тесе çыртараççĕ ,чăваш тĕнепе пурăннă çынсен виль тăпри çине васкаса хĕрессем лартаççĕ ,ăçта васкаççĕ кая юласроан хăраççи?,хушăран соревновани пырать тейĕн кам маларах хăйне вырăс тесе çырать.çавăнпа вĕçлĕп кама кÿрентертĕм каçарăр,кам каçараймаç вăрçăр.
2019.05.04 20:52
Атика, пĕтĕмпех килĕшетĕп сирĕнпе.

Страницӑсем: 1, 2

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем