Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Ҫӑхан куҫне ҫӑхан сӑхмасть.
[ваттисен сӑмахӗ: 2523]
 

Виталий Станьял: Ҫур ӗмӗрте сӳнмен юрату

Виталий Станьял09.10.2020 22:284632 хут пӑхнӑ

И.Я.Яковлев ячӗллӗ Чӑваш патшалӑх педагогика университечӗн кӑларӑшӗнче Галина Брусова доцентӑн «Мӗтри Кипек хайлавӗсенчи вӑрҫӑ теми» ятлӑ монографийӗ (2020,182 хутъен) пичетленсе тухнӑ. Ӑна мана Галина Федоровна тата вӑл вӗрентекен студенткӑсен пӗр ушкӑнӗ, киле килсех, Учитель кунӗпе саламласа парнелерӗҫ. Ватӑ пулсан та, кӗнекешӗн шкул ача пекех хӗпӗртерӗм. Мӗншӗн? Сӑлтавӗ ансат. Тӗпчев никӗсӗнче - ҫур ӗмӗр каялла Галина Логунова (Брусова) студентка ман патра литературӑпа тӗплӗ диплом ӗҫӗ ҫырнӑччӗ. Вӑл Кипекпе тӗл пулса калаҫрӗ, кайран ҫыру ҫӳретрӗ. Ӗҫе ун чухнех пичете сӗнчӗҫ. Анчах вӑхӑчӗсем урӑхлаччӗ те, пичете лекесси мана хама та ҫӗр пӑтӑрмах урлӑ выртатчӗ.

Унтанпа Галина Федоровна вӑтам шкулта тӑрӑшрӗ, ӑна аслӑ шкула ӗҫе илчӗҫ, хӳтӗленсе педагогика ӑслӑлӑхӗсен кандидачӗ пулса тӑчӗ. Чӑваш литературине вӑл ӗмӗр тӑршшӗпех юратма пӑрахман иккен. Ҫавӑнпах Мӗтри Кипек пултарулӑхнее тишкерме чарӑнман, унӑн хайлавӗсене вӗрентмелли меслетсене пуянлатса пынӑ. Тӗпчев кӗнекин иккӗмӗш пайӗ – хушса пани: «М. Кипек пурнӑҫӗпе ӗҫӗ-хӗлӗ тӑрӑх класра тата класс тулашӗнче ирттермелли хушма ӗҫсем». Пуян вӑл, ҫӗнӗлле тата вырӑнлӑ. Кӗнекене Аслӑ Ҫӗнтерӳ 75 ҫулне халалланӑ, унта Патӑрьел районӗнчи Тури Туҫа вӑтам шкулӗнчи ентешӗскемпе Мария Табакова, Валентина Яковлевӑпа пӗрле хатӗрленӗ «Вӑрҫӑ суранӗ паян та тӳрленмест» музыкӑпа литература композицийӗ, тӗрлӗ ыйтусемпе хуравсем, танлаштаруллӑ таблица, критиксемпе тӗпчевҫӗсем Мӗтри Кипек ҫыравҫӑ пултарулӑхне хакланисем студентсене те, вӗрентекенсене те яланах усӑллӑ пулӗҫ.

...Кӗнекене виҫӗ кун алӑран ямасӑр вуласа ҫӳрерӗм. Писатель пултарулӑхне туллин те ӑнланса тишкернӗ. Сӑнӳкерчӗксем самаях лартнӑ. Дмитрий Афанасьевич Кипекпе (1913-1991) Шупашкарта, Мускавра пӗччен те, студентсемпе те тӗл пулса калаҫнисем аса килчӗҫ.

Пытармалли ҫук – хам паллакан маттур студентсемпе ӑшра та пулсан мухтанатӑп. «Ҫилҫунат» пӗрлешӳре кӗрлесе ҫаврӑннӑ яш-кӗрӗм пурте пекех аслӑ ҫул ҫине тухрӗ, хӑйсен расна сукмакӗсене ҫирӗппӗнех такӑрлатрӗ. Вӗсенчен 50, 20, 10 ҫултан ырӑ хыпарсем илсессӗн е тӗл пулса калаҫсассӑн ӗмӗр сая кайман пекех туйӑнать.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментари:

Вурнартан // 2355.85.7661
2020.10.10 12:34
Çынна савăнтарма нумай кирлĕ мар .Старик хытах хавхалланнă. Кипек те кăмăллă пулĕччĕ çав.
Agabazar // 1387.43.6504
2020.10.11 16:48
Agabazar
Кам — «старик»?

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем