Усал сăмах пек,
Суя сăмах пек,
Хура çăхан явăнать,
Çӳл тӳпене варалать.
Ултав çăхав пек,
Суя çăхав пек,
Хура çĕлен шăвăнать,
Çавра çĕре варалать.
Хура çăхан, хура çăхан,
Çӳл тӳпере эс пăнчă пек.
Хура çĕлен, хура çĕлен,
Çак çĕр çинче эс хăмпă пек.
Хура çăхан, хура çăхан,
Хуракăшпа ан тавлаш.
Хура çĕлен, хура çĕлен,
Ыр пăланпа эс ан тавлаш.
Хуракăшсем вĕçнĕ чух
Кам-ха сана асăрхать.
Ыр пăлансем чупнă чух
Кам-ха сана пуç таять.