Турăран ан ирт эс, чар хăвна, хăра.
Çын чунне сиплет вăл тытăнса тăни.
Чи аван поэзи — шăплăх чунăмра...
Йăлăнни — чи лайăх шăплăх, йăлăнни...
Пирĕншĕн чи лайăх кĕлĕ — ӳкĕнни.
Ыйтмасассăн каçару вăл — кăлăхах.
Турă умĕнче чи лайăх курăнни
Вăл — эпир путни таса йăвашлăха.
Тĕлĕнтермĕш турăш — «Кăмăл çемçелни»,
Эп путатăп шăплăхăн вăрттăнлăхне.
Чи çӳлти шайри поэзи — йăлăнни,
Ӳкĕнĕç куççулĕ çутăр ун çулне.