Ăшă çумăр, çу,
Пуян пулĕ çу.
Çулла харсăр пул,
Çитĕнĕ тырпул
Пахчана шăвар,
Тулăх çимĕç пар.
Тăрăшсам вăр-вар,
Выçă пулмĕ вар.
Вăрмана та çит,
Кăмпа кирлĕ пит.
Çырла халь паха,
Кирлĕ халăха.
Улăха та ут,
Шывна сап çĕр хут.
Утă кирлĕ шут,
Ăна çиет ут.
Çусам çумăр, çу,
Тумламна ан су.
Шывна эс юхтар,
Пире савăнтар.
Эс ӳркенмесен,
Хам шав ĕçлесен.
Пурте пулĕ ман,
Çакна эс ан ман.
Çусам, çумăр, çу,
Ман пите те çу.
Хуришĕн ан кул,
Ман пек ĕçчен пул.