Чечек татса, пуçкашăлĕ туса,
Эп килтĕм çакă çутă тĕнчене.
Анчах çынсем, курми-илтми пулса,
Мана кĕртмерĕçĕ хăйсем патне.
Ан шантăрччĕ тесе чечексене
Куççульпеле шăвартăм кашни кун.
Вĕсем илемлине эп çынсене
Юрла-юрла кăтартрăм, мĕскен чун.
Пĕлместĕп, мĕншĕн пирĕн çынсене
Хитре чечек те пач та кирлĕ мар.
Пĕлместĕп, мĕншĕн ман юрăсене
Вĕсем пачах итлесшĕн мар.
Усратăп пурпĕрех чечексене,
Чунра хыватăп çĕнĕ юрăсем,
Парнелесе паратăп çынсене,
Шанса килĕшессе вĕсем.