Куян Якурккипе Шăрчăк Мĕкĕтине
Спиркка Муççи пĕрер курка тыттарнă...
Тĕнче симне те пурнăç сĕлтине
Вĕсем пире пиелесе хăварнă!
Паллах, вĕсем асилнĕ Кокеле,
Леш вĕсемпе калаçнă питĕ сапăр...
Кудрявцева та пуç таяс килет...
Тăпри çине, тăванăмсем, шыв сапăр!
Çитсе çӳрерĕм эп вĕсен çĕрне,
Тем, ытлашши хисеп тусах каймастпăр...
Юратмасассăн хамăр пĕр-пĕрне
Ытти этем те юратсах каймасть-тăр?