Лена Прусакова спортсменка тата Михаил Игнатьев Элтепер

Чӑваш Ен Элтеперӗ Михаил Игнатьев паян 15 ҫулти пикепе тӗл пулнӑ. Республикӑна ертсе пыракан ҫын ҫап-ҫамрӑк хӗрпе курнӑҫнинче ним тӗлӗнмелли те ҫук. Унпа вӑл Правительство ҫуртӗнче хире-хирӗҫ ларса юмахланӑ. Хӗрӗ ахаль-махальскер мар. Ҫамрӑксен хӗллехи II Олимп вӑййисен слоуп-стайл енӗпе чемпион ятне тивӗҫнӗскер, Лана Прусакова ятлӑскер.

Ҫӗнӗ Шупашкар пикине Элтепер ҫамрӑксем Олимп вӑййинче хайсене епле кӑтартнине сӑнаса пынине пӗлтернӗ. «Пирӗн спортсмен чемпионка пулса туни мана питӗ килӗшет. Эпир сирӗншӗн савӑнатпӑр тата мӑнаҫланатпӑр», — тенӗ Михаил Игнатьев. Пике вара ӑмӑртура хӑй епле хумханни пирки Элтепере каласа кӑтартнӑ.

Лана Прусакована тата унӑн тренерне Никита Васильева Элтепер алла ҫыхмалли сехет парнеленӗ.

#спорт, #тӗлпулусем, #политика, #Элтепер, #Ҫӗнӗ Шупашкар