krarm.cap.ru сӑнӳкерчӗкӗ

Утӑ уйӑхӗн 1-мӗшӗнче Красноармейски районӗнчи Чатукасси ялӗнче «Хоровая наставническая столица Чувашии» фестиваль-конкурс иртнӗ. Ӑна Филипп Лукин паллӑ чӑваш композиторӗ ҫуралнӑранпа 110 ҫул ҫитнине халалланӑ.

Унта Элӗк, Ҫӗрпӳ, Канаш, Елчӗк, Ҫӗмӗрле, Комсомольски, Шупашкар, Сӗнтӗрвӑрри тата Красноармейски тӑрӑхӗсенчи, Ҫӗмӗрле, Ҫӗнӗ Шупашкар, Шупашкар хулисенчи халӑх хорӗсемпе вокал ансамблӗсем, Раисӑпа Николай Андреевсем, Тутарстанпа Мари Элти пултарулӑх коллективӗсем хутшӑннӑ.

Пухӑннисем умӗнче паллӑ чӑваш композиторӗн мӑнукӗсем Марианна Левитова тата Филипп Патеев, «Трак ен» ентешлӗх ертӳҫи Иван Архипов тата ыттисем тухса калаҫнӑ.

#конкурссем, #фестивальсем, #Сӗнтӗрвӑрри, #Шупашкар, #Ҫӗрпӳ, #Канаш, #Елчӗк, #Ҫӗмӗрле, #Комсомольски, #композиторсем, #Элӗк, #астӑвӑм, #Красноармейски районӗ, #ят-сум, #юбилейсем, #Красноармейски, #Ҫӗмӗрле, #Ҫӗнӗ Шупашкар