cap.ru сӑнӳкерчӗкӗ

Уҫӑ тӳпе айӗнче тӳлевсӗр кино курас килсен Шупашкарти «Амазони» парка каймалла. Паян унта тӳлевсӗр сеанссем пуҫланаҫҫӗ.

Фильмсене ҫанталӑк лайӑх чухне каҫхи 8 сехетре кӑтартма тытӑнаҫҫӗ. Вӗсем пурте патриотлӑх воспитанийӗпе ҫыхӑннӑ.

Паян «Подольские карсанты» ятлине кӑтартӗҫ. Ыран «Несокрушимый» фильм экран ҫине тухӗ. Кайран «Девятаев», «Сирийская соната», «28 панфиловцев», «Битва за Севастополь», «Калашников», «Ржев» фильмсене катартӗҫ. Вӗсем ҫак черетпе экран ҫине тухса пырӗҫ.

Кино курмалли лапам пӑр катокӗ пулнӑ ҫӗрте вырнаҫӗ. Киносене ҫурла уйӑхӗн 12-мӗшӗччен кӑтартӗҫ.

#парксем, #фильмсем, #Шупашкар, #культура