Кӑнтӑр Корейӑн премьер-министрӗ Чон Хон Вон ӗнер отставкӑна кайма заявлени ҫырса панӑ. Ҫакна вӑл «Sewol» паром шыва путнӑ хыҫҫӑн тунӑ. Ҫавӑн хыҫҫӑн ҫынсем правительствӑна хурлама тытӑннӑ.

Паром ака уйӑхӗн 16-мӗшӗнче птунӑ. Борт ҫинче 475 ҫын пулнӑ. Вӗсенчен 174-шне кӑна ҫӑлма май килнӗ. 187 ҫыннӑн виллине шывран кӑларнӑ. 115 ҫынна халӗ те тупайман – вӗсем хыпарсӑр ҫухалнӑ шутланаҫҫӗ.

Паром капитанне тата экипажӑн мӗнпур членне арестленӗ. Вӗсене ӳрӗк-сӳрлӗхшӗн тата ҫынсене тинӗсре тата юханшывра пулӑшмалли пӗтӗм тӗнчери сккуна пӑснӑшӑн айӑплаҫҫӗ. Пассажирсене каютӑра юлма хушнӑ, кайран парома чи малтан тенӗ пек пӑрахса кайнӑ капитана ӗмӗрлӗхе хупса хума пултараҫҫӗ.