Суздаль хулинчи пĕр ахаль кăна çурт вилла ятне... йытта пула тивĕçнĕ. Унтан та ытларах - йытăллă пÿрт туристсене чи килĕшекен хăна çурчĕсен йышне кĕнĕ.
40 миллион турист хаклавĕ тăрăх йĕркеленĕ The Booking’s Best Awards текен танлашăма пирĕн çĕршыври виçĕ хостел лекнĕ. 26 категорипе палăртакан танлашăмра тĕнчери чи лайăх хăна çурчĕсенчен пуçласа алшăллинчен хатĕрленĕ оригами таранах хак панă.
Асăннă танлашăмра Раççейĕн туриндустрийĕ икĕ номинацире кăна палăрнă. Çапах та тĕнчери чи лайăх 10 хостелтен виççĕшне пирĕн патрисем йышăннине палăртма кăмăллă.
Малалла...
Пирĕнтен кашниех кунсерен епле те пулин утăм тăвать. Анчах вĕсенчен хăшĕшĕн ватлăхра ÿкĕнме тивĕ. Акă çав сăлтавсем:
1. Татти-сыпписĕр сериал, реалити-шоу йышши кăларăмсем пăхса телевизор умĕнче вăхăт нумай ирттернĕшĕн.
2. Чăн пурнăçпа киленес вырăнне тĕнче тетелĕнче ларнишĕн.
3. Сывă пурнăç йăли-йĕркине пăхăнмашăн.
4. Пурнăç илемĕпе киленме пĕлменшĕн. Ялан таçта васканишĕн-хыпăннăшăн.
5. Сахал ĕненнишĕн. Пĕлтерĕшлĕ ĕмĕтпе çунатланманнишĕн.
6. Хĕвел тухса аннипе киленменшĕн те хăвăра тарăхма тивĕ.
Камăн мĕн шухăш та, эпĕ вара хальхинче - арçынсен халсăрлăхĕ пирки-ха. Ку темăна манăн Нью-Йоркра пурăнакан 83 çулти Кармен Делль'Орефиче халĕ те арлă-арăмлă хутшăнупа пурăннине пĕлтернине вуланă хыççăн хускатас килсе кайрĕ. 68 çул мода тĕнчинче ирттернĕ çав хĕрарăм паян та чипер. Хăй вăл Итали скрипачĕпе Венгри балеринин çемйинче çуралнă. Ĕмĕрĕнче подиум тăрăх самай километр утнăскер чи вăрăм карьерăллă модель шутланать. Çавна пулах ăна Гиннес кĕнекине кĕртнĕ. Паян та вăл чипер. Унтан та ытларах арçынсемпе чун киленĕçĕ тупнине пытармасть иккен кинеми çулĕнчи чиперкке.
Ĕненетĕр-и е çук-и, анчах хăш-пĕр ăсчах çын кăмăлне вăл мĕн çиме юратни тăрăх пĕлме пулать тесе шухăшлать иккен. Швейцарири ученăйсен ушкăнĕ пине яхăн çынна сăнава хутшăнтарнă та çавăн пек пĕтĕмлетнĕ.
Атьăр-ха эппин хамăра тата хамăрăн çывăх çыннăмăрсене сăнаса пăхар. Кам мĕнле апат юратнине аса илер те Швейцарири Биологи инсититучĕн ăсчахĕсем йăнăшнипе йăнăшманнине палăртар.
Таса чунлă та тӳрĕ кăмăллисем сиенлĕ апат-çимĕç çиме кăмăллаççĕ имĕш. Усаллисенчен тата мăкăртатма юратаканнисенчен чылайăшĕ усăллă апат-çимĕçе суйлаççĕ пулать.
Хăвăрпа хуçаланма парас мар тесен 12 çак правилăна астуса юлмалла теççĕ психологсем:
1. Сана кирлĕ – эсĕ ту. Енчен те калаçура «çапла кирлĕ» текен сăмах çине-çинех янăрасан, кама кирли пирки шухăшламалла. Çынпа хуçаланма юратакансем кама çапла кирлине палăртмаççĕ. Тĕслĕхрен, «Санăн ĕçе вырнаçмалла», – тесе ашшĕ-амăшĕ ачисене каланине ансат чĕлхе çине куçарсан çапла пĕлтерет: «Эп сана хам ĕнсе çинче лартса ывăнтăм. Тыт та ĕçлеме вырнаç!»
2. Ан шантар. Шантарсан пурнăçла. Çынсем пусахланипе пустуйран мĕн чухлĕ шантармастпăр пуль хăш чухне!
Ăнăçлă мăшăрлану ăнăçсăрринчен мĕнпе уйрăлса тăнине психологсем тишкернĕ те çакăн пек пĕтĕмлетÿ патне çитсе тухнă.
Лайăх мăшăрлану характеристики:
– мăшăрсем хăйсене епле пур, çавăн пек йышăнаççĕ. Çавна май вĕсем хăйсене лайăхрах пек кăтартассишĕн пĕрне пĕри мĕскĕнлетмеççĕ;
– ăнланманлăхпа расна шухăшлава сÿтсе яваççĕ, çавăншăн хĕрсе тавлашмаççĕ;
– мăшăртан иккĕшĕ те шанчăклă, хăйсен хутшăнăвне аталантарасшăн.
Ăнăçлă мăшăрланнисем хăйсене кирлĕлĕхне çак енĕпе тивĕçтерееççĕ: чун-чĕре тата ÿт-пÿ енчен çывăхланнинче; ар-арăмлă хутшăнура; хăйсен ĕçне тата тавралăха юратнинче.
1. Хăвăра алăра тытма вĕренĕр. Вак-тĕвекшĕн ан кÿренĕр. Çывăх çынсемпе чĕрре кĕрес мар тесе тăрăшăр, вĕсене каçарăр. Каçарни сире тарăхуран, тавăрас килнинчен – ку туйăмсем аркатаканнисем – сирĕ.
2. Тĕнчене хаваслăн йышăнма вĕренĕр. Сире кÿрентерсен те е ансат мар лару-тăрăва лексен те йăл кулăр та: «Ку та иртсе каять!» – тесе калăр. Çакна чăннипех ĕненекенсен чăн та çапла пулать.
3. Тĕнчене кÿренсе килте ан ларăр! Урамра, юлташсемпе пĕлĕшсемпе кăмăл япăх пулма пултараймасть.
4. Пурнăçăра çĕнĕлĕхпе пуянлатăр. Хăнăхнă йăлана вăхăтран вăхăта улăштарма сĕнеççĕ.
Ку пÿрте альпинистсене, ту çине хăпаракансене тата туристсене апатланма тесе туса лартнă. Ку пÿртре çынсен инкеклĕ лару-тăрăва лексен кăна чарăнма ирĕк пур. Пÿрте 10 çын вырăн тупаять.
Улӑп тăвĕсенчи пĕчĕк пÿрте 1915 çулта туса лартнă. 3260 метр çÿллĕшне строительство материалне чĕрчунсемпе хăпартнă. Чи çÿллĕ вырăна кантра çулпа илсе хăпартнă. Кăштахран хÿшше ватнă. 1966 çулта çĕнĕрен хăпартнă.
Актер е актриса историри пĕр-пĕр паллă çын рольне вылянă май унăн сăнарĕ кĕрсе каять. Пачах урăхла вариантсем те пулаççĕ. Теприсене пăхатăн та хăйсене шанса панă рольсенчен вĕсем нимпе те уйрăлса тăмаççĕ тейĕн. Кунта илсе кăтарнисем хушшинче музыкантсем те, актерсем те, художниксем те, политиксем те пур.
Лаутебеербруннен ятлӑ Швейцарири хуларан инҫех мар вырӑнта Штауббах ятлӑ шыв сикки пур. Асӑннӑ ҫӗршывра вӑл паллӑ вырӑн шутланать.
Шарлак виҫҫӗр метр ҫӳллӗшӗнчен ӳунӗ май миллионшар тумлам тӑвать. Тумлама пула пулса тӑракан тӗтре шарлака ҫавӑн пек ят пама хистенӗ те ӗнтӗ. «Staub» тенине нимӗҫлерен куҫарсан «тусан» пулать.
Ҫӳллӗшпе илсен Штауббах Швейцарире иккӗмӗш вырӑн йышӑн йышӑнать. Ӑна чи ҫӳлли тесе пурӑннӑ-ха.
Шупашкарта ҫывӑх вӑхӑтра (27.04.2024 21:00) уяр ҫанталӑк, атмосфера пусӑмӗ 752 - 754 мм, 16 - 18 градус ӑшӑ пулӗ.
Йытă усра та вилла хуçи пулса тăр
+20.3 °C