Мӑкшӑ Республикинчи Ардатов районне кӗрекен Баево ялӗнче нумай пулмасть Степан Эрьзя скульптора асӑнса чупу иртрӗ. Ӑмӑртура Мӑкшӑ, Тутар тата Чӑваш Республкинчи спортсменсем тупӑшрӗҫ.
Степан Эрьзя Улатӑр тӑрӑхӗнче ҫитӗнче ӳснӗ, ҫавна май улатӑрсем ку чупӑва яланах хутшӑнаҫҫӗ. Хальхинче Игорь Куделькинпа (чукун ҫул транспорт техникумӗнче вӗренет) Анастасия Блохинцева (вырӑнти ЧПУ филиалӗнче ӑс пухать) тата Константин Блохинцев («Атӑлинҫеҫыхӑну» уйрӑмӗнче тӑрӑшать) кайрӗҫ. Ку ӑмӑртурӑва вӗсем малтан та хутшӑннӑ, пӗрремеш вырӑнсем йышӑннӑ. Шел, хыпар ҫӑлкуҫӗ кӑҫалхи пӗтӗмлетӳсене пӗлтермест.
Аслисен 10 ҫухрӑм, ҫамрӑксен вара виҫҫӗ ҫурӑ чупмалла пулнӑ.
«Советская Чувашия» хаҫат парнисемшӗн йӗркеленӗ чупу кӑҫал авӑнӑн 13-мӗшӗнче иртмеллеччӗ. Шел, ҫанталӑк чӑрмантарчӗ — ку мероприятине юпан 13-мӗшне куҫарчӗҫ. Чупу кӑҫал юбилейлӑ — 70-мӗш хут иртет.
Ӑмӑрту «Спартак» стадионта иртӗ. Ушкӑнсене 8 сехетре регистрацилеме, 9 сехет те 40 минутра вӗсене йӗркене тӑратма тытӑнӗҫ. 9 сехет те 45 минутра мероприятине чаплӑн уҫӗҫ те 10 сехетре чупма пуҫлӗҫ.
Ӑмӑртӑва яланхи пекех шкул ачисем, спортпа туслӑ пурӑнакан ҫемьесем, спортсменсем хутшӑнӗҫ (пурӗ 13 ушкӑна уйӑрнӑ). Эсир те хутшӑнма пултаратӑр!
+27.3 °C