Чӑваш халӑх сайчӗпе Чӑваш чӗлхин инҫет вӗрентӳ центрӗ шкул ачисем хушшинче ирттернӗ «Асамлӑ хӗҫ» комикссен ӑмӑртӑвне пӗтӗмлетме вӑхӑт ҫитрӗ. Ҫак конкурса пуҫарса эпир ачасемпе ҫамрӑксен ӳнер пултарулӑхне аталантарас, ҫӗршыв историне тӗпчесе тишкерес, ушкӑнпа ӗҫлеме хӑнӑхтарас тата ҫутҫанталӑкпа тӑван тавралӑх пулӑмӗсене ӳкерчӗк мелӗпе уҫса пама вӗрентес тӗллев лартсаччӗ.

Ӑмӑрту темине тӗрӗс те ӑнлануллӑ палӑртма пултарайманран хутшӑнакансене эпир икӗ ушкӑна пайларӑмӑр: пӗринче хӗҫпе ҫыхӑнтарса ӳкернисем пулчӗҫ, тепринче — ыттисем. Хаклав ӗҫне пилӗк ҫын хутшӑнчӗ: Владимир Андреев (Чӑваш чӗлхин инҫет вӗрентӳ центрӗн ертӳҫи); Владимир Карсаков («Салам» студин ертӳҫи); Надежда Иванова (Чӑваш республикин вӗренӳ институчӗн доценчӗ); Владислав Николаев («Тантӑш» хаҫатӑн тӗп редакторӗ); Николай Плотников (Чӑваш халӑх сайчӗн тӗп администраторӗ). Хак панӑ чухне 5 баллӑ системӑпа усӑ курса. Вырӑнсене палӑртма пур хаклавҫӑсен те пӗтӗмлетӗвӗсене илсе вӑтам балл тупса, кайран вара историпе кӑшта пулин ҫыхӑннӑ ӗҫсене 1 балл хушса парса. Хаклав хучӗсемпе (кам епле хакланӑ) __http://fotki.yandex.ru/users/chuvashorg/album/150238/?p=0_кунта__ пуллашма пулать. Пӗтӗмлетӳ хучӗ __http://docme.ru/PsA_кунта__.

Вырӑнсем вара ҫак ачасене лекрӗҫ:

**Хӗҫпе ҫыхӑннисем**:

1-мӗш вырӑн — __http://fotki.yandex.ru/users/chuvashorg/album/149629/_**Антонова Анна, Галкина Дина**__ (9 кл.) /Комсомольски районӗ, Комсомольскинчи 1-мӗш вӑтам шкул; Ертӳҫӗ: Гордеев Владимир Геннадьевич/.

2-мӗш вырӑнсем — __http://fotki.yandex.ru/users/chuvashorg/album/147471/_**Ширяева Наташа, Сергеева Даша (8кл)**__ /Канаш хулин 10-мӗш вӑтам шкулӗ/ тата __http://fotki.yandex.ru/users/chuvashorg/album/147474/_**Иванова Дарья (5а кл.)**__ /Шупашкар хули, 4-мӗш гимнази/.

3-мӗш вырӑнсем — __http://fotki.yandex.ru/users/chuvashorg/album/148236/_**Шапкина Наташа**__ (8 кл.) /Патӑрьелӗнчи 1-мӗш вӑтам шкул/, __http://fotki.yandex.ru/users/chuvashorg/album/148425/_**Хохлов Евгений** (4 кл.), **Вазин Сергей** (2 кл.)__ /Хӗрлӗ Чутай районӗ, Питӗркасси шкулӗ/ тата __http://fotki.yandex.ru/users/chuvashorg/album/149625/_**Ананьева Марина**__ (8 кл.) /Шупашкарти 37-мӗш шкул/.

**Хӗҫпе ҫыхӑнманнисем**:

1. __http://fotki.yandex.ru/users/chuvashorg/album/149627/_**Ефремова Анастасия**__ (8 кл) — Канаш районӗнчи Анаткас Уҫырма шкулӗ;

2. __http://fotki.yandex.ru/users/chuvashorg/album/149944/_**Захаров Зиновий** (11 кл.), **Митрофанова Анна** (9 кл.)__ — Елчӗк районӗнчи Ҫирӗклӗ Шӑхаль вӑтам шкул;

3. __http://fotki.yandex.ru/users/chuvashorg/album/149940/_**Семёнова Екатерина**__ (6 кл.) — Тӑвай районӗнчи Тӑрмӑш вӑтам шкулӗ.

Пур ҫӗнтерӳҫӗсене те саламлатпӑр!

Вырӑн йышӑннисене хисеп хучӗпе, ыттисене ӑмӑртӑва хутшӑннине ӗнентерекен хутпа тивӗҫтеретпӗр. Вӗсене электрон майпа ярса парӑтӑр, илмешкӗн ҫак адреспа ҫырӑр: __comix@chuvash.org__.