Ҫӑвӑн 27-мӗшӗнче чӑваш наци радиовӗнче тӳрӗ эфирта республика Элтеперӗ __Михаил Игнатьев__ халӑха кӑсаклантаракан ыйтусем ҫине хуравлани пирки __/news/2955.html_пӗлтерсеччӗ__ ӗнтӗ. Радио итлекенӗсем тӗрлӗрен ыйтусем панӑ, вӗсен хушшинче тӑван чӗлхен йывӑрлӑхне хускатни те пулнӑ-мӗн.

__Муркаш районӗнче__ пурӑнакан республика тӗп хулинче чӑваш чӗлхине тивӗҫлипех хисеплеменни ҫинчен калаҫнӑ. «Шупашкара пырсан чӑваш хулипе пынӑн туймастӑп — ют патшалӑхри пек. Реклама — чӑвашла ҫырни ниҫта та ҫук. Ытти ҫӗрте те ҫавах, __Муркаша__ мар — Моргаушине кӗретпӗр. Уявра-мӗнре те чӑвашла калаҫмаҫҫӗ...» — шухӑшне пӗлтернӗ вӑл.

Республика Элтеперӗ асӑннӑ ыйтӑва тӗпе хурса __Шупашкарта__ тӑван чӗлхене ытларах сарасси ҫинчен ҫӗнӗлӗхсем кӗртме шантарать. Тӳре-шара те ку ӗҫ-пуҫ валли укҫа-тенкӗ уйӑрса пама хатӗр имӗш.

— Эпӗ республика ертӳҫинче ӗҫлеме пуҫласанах кун пирки ҫынсем ыйтнине кура Тӗнче тетелӗнчи сайта чӑвашлатрӑмӑр. Тӗрлӗ реклама-растяжкӑна илес тӗк — йышӑнмалла, ку ҫитменлӗхе пӗтерме тӑрӑшӑпӑр. __Чӑваш чӗлхи__, ҫырулӑхӗ — пысӑк пуянлӑх, вӗсене аталантарса пымалла. Республикӑра халӑхӑн 67% __чӑвашсем__. Ҫавӑнпа та ку енӗпе ӗҫлӗпӗр, укҫа кирлӗ пулсан — уйӑрма тӑрӑшӑпӑр. Пирӗн Иван Яковлев халалне манмалла мар, — ҫапларах хуравланӑ Михаил Игнатьев.