__Хӗрлӗ Чутай районӗнче__ «Советская Чувашия» хаҫат __Андриян Григорьевич Николаев__ космонавта асӑнса ирттерекен спорт ӑмӑртӑвӗсене хутшӑнассишӗн, ҫавӑн пекех районти «Пирӗн пурнӑҫ» парнишӗн чупассипе «Тӗп» стадионта фестиваль иртрӗ.
Пухӑннисене район пуҫлӑхӗ Александр Степанов, ялхуҫалӑх енӗпе ӗҫлекен администраци заместителӗ Владимир Храмов, «Пирӗн пурнӑҫ» хаҫат редакторӗ Галина Ястребова, «Поддержка» страхлакан кампанин начальникӗ Виталий Чишкин тата ӑмӑртусен тӗп судьи Алексей Никитин саламласа пурне те ӑнӑҫусем сунчӗҫ.
Пухӑннисем чи малтанах пурте пӗрле кар тӑрса физзарядкӑна хутшӑнчӗҫ. Хускану йӗркине Наталья Храмова ертсе пычӗ.
Малтанах ӑмӑртусем кил-йышсен хушшинче иртрӗҫ. Малти вырӑна Пантьӑк ял тӑрӑхӗнчи Макаровсен ҫемьи тухрӗ. Иккӗмӗш вырӑнта Хӗрлӗ Чутайри Кондратьевсен ҫемьи пулчӗ, виҫҫӗмӗшсем — __Хусанушкӑньри__ Макаровсен ҫемьи.
Спорт уявне тӗрлӗ спортсмен ушкӑнӗсем хутшӑнчӗҫ. Шкулсем хушшинче мала __Хусанушкӑньсем__ тухрӗҫ, иккӗмӗшсем — Штанашсен команди, виҫҫӗмӗшсем — __Тури Ҫӗрпӳкассисем__. Вӑтам шкулсем хушшинче чемпион ятне Хӗрлӗ Чутай шкулӗ йышӑнчӗ.
Хӗрарӑмсен ушкӑнӗсем хушшинче — «Рябинушка» (чӑв. Пилеш) ача пахчин команди, арҫынсен хушшинче — «Хастар» спорткомплекс ушкӑнӗ мала тухнӑ. Ял тӑрӑхӗсем хушшинче Пысӑк Этменсене ҫитекенсем пулмарӗҫ.
Ҫӗнтерӳҫӗсем Шупашкарта иртекен спорт уявне хутшӑнӗҫ.
**Сӑнсем**: __http://www.cap.ru/photo.aspx?gov_id=69&id=20926|1 пай__ (135), __http://www.cap.ru/photo.aspx?gov_id=69&id=20931|2 пай__ (65)
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
+0.3 °C