Чӑваш Республикин информаци политикипе масӑллӑ коммуникаци министерстви пӗлтернӗ тӑрӑх ҫитес вӑхӑтра наци телеканалӗн кӑларӑмӗсене тата темиҫе ял-хулари кабель телевиденийӗ урлӑ курма пулӗ. Енчен те хальччен чӑвашла кӑларӑмсемпе ҫутатма йӗркеленӗ телеканала __Шупашкар__, __Ҫӗнӗ Шупашкар__, __Ҫӗрпӳ__, __Сӗнтӗрвӑрри__, __Куславкка__ хулисемпе __Кӳкеҫ__, __Опытнӑй__, __Тӗрлемес__ посёлокӗсенче ҫеҫ курма май пулнӑ пулсан малашне вӗсен йышне __Канашпа__ __Етӗрне__, __Ҫӗмӗрлепе__ __Улатӑр__ хулисем тата __Вӑрнарпа__ __Йӗпреҫ__ посёлокӗсем хушӑнмалла. Унсӑр пуҫне, малтанхи пекех, ҫак телеканалпа «Ростелеком» УАО провайдерпа усӑ куракансем паллашма пултараҫҫӗ.
Чӑваш Енӗн наци телерадиокомпанине 2009 ҫулхи ака уйӑхӗн 25-мӗшӗнче йӗркеленӗ. Радиокӑларӑмсем чӑн та чӑвашла итлеме кӑмӑллакансемшӗн пысӑк парне пулса тӑнӑ пулсан, телекӑларӑмсенче шел пулин те чӑваш чӗлхи валли вырӑн хальхи вӑхӑтра сахалтарах тупӑнать.
Наци радиовне ҫынсем 105 FM тата 72.41 УКВ ҫинче пӗтӗм республикипе — Шупашкарсӑр пуҫне — итлейреҫҫӗ. Шупашкарта радиохумсемпе «Тӑван радио» 100,3 FM ҫинче тухмалла — вӑл хума Чӑваш Енӗн наци телерадиокомпани пӗлтӗр чӳк уйӑхӗнче выляса илнӗччӗ. Ку радио, тӳре-шара шантарнӑ тӑрӑх, кӑҫал ҫулталӑк вӗҫнелле ӗҫлесе каймалла.
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
+11.3 °C