Тӗнче тетелӗнчи Нестӗр Янкас ячӗллӗ пӗрлӗхӗн __http://nesterjankas.ucoz.ru/publ/|электронлӑ вулавӑшӗ__ те хайлавсемпе пуянланса пырать. Вӗсен сайчӗ пӗлтернӗ тӑрӑх нумай пулмасть унта 500-мӗш хайлав кун ҫути курнӑ. Вӑл — Красноармейски районӗнчи __Мӑн Шетмӗ__ шкул директорӗ пулнӑ Н.П.Петров ҫырнӑ __http://nesterjankas.ucoz.ru/publ/nikolaj_petrov_man_shetme_pultarulakhe/marionetkasem/34-1-0-560|«Марионеткӑсем»__ сӑвӑ. Сайт хыпарланӑ тӑрӑх Николай Петровӑн сӑввисен шучӗ те вулавӑшра 78-а ҫитнӗ. Ытти ҫыравҫӑсен хайлавӗсене илес пулсан унта __Николай Карайӑн__ чи нумаййи иккен — вулавӑшра унӑн 96 хайлавне тупма пулать. Сӑвӑ-калав йышӗпе виҫҫӗмӗш вырӑн Гурий Дубов йышӑнать, электронлӑ вулавӑшра унӑн 69 сӑвви вырнаҫнӑ.
Паллах, Нестор Янкас ячӗллӗ пӗрлӗхе кӗрекен ытти ҫыравҫӑ-сӑвӑҫӑн хайлавӗсемпе те паллашма пулать. Вулама юратакансем кунта Леонид Антоновӑн, __Юрий Сементерӗн__, __Георгий Туслин__, Лука Семеновӑн, Николай Ершов-Янгерӑн, Валентина Рудниковӑн, Галина Макаровӑн, Зинаида Михайлова-Селимен, __Николай Ункайӑн__, __Галина Ҫуткӳлӗн__ пултарулӑхӗпе паллашма пултараҫҫӗ.
Электронлӑ вулавӑш ача-пӑча пултарулӑхне те ҫутатать. Пурӗ 120 хайлав тупма пулать. Ытларах — тӗрлӗ литература ӑмартӑвне хутшӑннӑ сӑвӑ-калавсене.
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
+2.3 °C