__Етӗрне районӗнчи__ __Пӑчанар__ ялӗнче ҫуралса ӳснӗ Иванов Анатолий Геннадьевич Чечняра пуҫне хунӑ. Пӑчанар ялӗ __Кӑкшӑм ял тӑрӑхне__ кӗрет. Паттӑр салтака асӑнса Кӑкшӑмра кӑҫалхипе 9-мӗш хут йӗлтӗрҫӗсен ӑмӑртӑвӗсем иртрӗҫ. Ӑмӑртӑва районти тӗрлӗ шкул ушкӑнӗсем хастар хутшӑнчӗҫ: __Кӑкшӑмри__ 9 ҫул вӗренмелли шкул спортсменӗсемпе танах __Палтайри__, __Урпашри__, __Етӗрнери__ 2-мӗш номерлӗ, __Мӑн Чурашри__, __Тури Ачакри__ тата __Кивӗ Тинкешри__ вӑтам шкул ачисем хутшӑнчӗҫ.
Пухӑннисене Кӑкшӑм ял администраци пуҫлӑхӗ Михайлов Константин Николаевич саламларӗ. Унтан Анатолий амӑшӗ Калиса Михайловна тата Етӗрнери Афган вӑрҫине хутшӑннисен «Вӑрҫӑра сусӑрланнисем» обществӑлла организаци председателӗ Кириллов Николай Ильич ӑмӑртӑва хутшӑнакансем умӗнче сӑмах каларӗҫ.
Чи малтан старта Кӑкшӑмри «Ҫӑлкуҫ» ача пахчине ҫӳрекен Алеша Иванов тухрӗ, ӑна асӑнмалӑх медаль, Хисеп хучӗ тата парне парса чысларӗҫ.
Медальсем, Хисеп хучӗсем, парнесем тивӗҫнисем хушшинче шкул ачисем ҫулӗсене кура, аслисем те, хӗрсемпе каччӑсем, арҫынсемпе хӗрарӑмсем пулчӗҫ.
Шкулсем хушшинче чемпион ятне Урпашри вӑтам шкул команди тивӗҫрӗ, вӗсене кубок парса чысларӗҫ.
Шкулти апатлану пӳлӗмӗнче спортсменсене валли ӑшӑ апат хатӗрленӗ. Анатолий амӑшӗ Калиса Михайловна тата унӑн пиччӗшӗ Зиновий Геннадьевич пурне те Анатолие асра тытнӑшӑн чунтан тав турӗҫ.
__http://gov.cap.ru/photo.aspx?gov_id=521&id=40493|**Сӑнсем**__ (74)
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
+10.3 °C