Олимпиадӑна хутшӑнакан ачасем

И.Н. Ульянов ячӗллӗ Чӑваш патшалӑх университечӗн вырӑс тата чӑваш филологийӗн тата журналистикӑн факультетӗнче чӑваш халӑх культурине, йӑли-йӗркине аталантарас тӗллевпе «Сенкер инҫет» олимпиада ирттересси йӑлана кӗнӗ. Унта 8—11 классенче вӗренекенсем хутшӑнаҫҫӗ. «Чӑваш чӗлхипе литератури» номинацие чӑваш чӗлхиллӗ тата вырӑс чӗлхиллӗ шкулсем хушшинче пайласа йӗркеленӗ.

Олимпиадӑн куҫӑн тапхӑрне 75 шкул ачи хутшӑннӑ. Вӗсене дистанци мелӗпе 669 ачаран суйласа илнӗ.

Чӑваш шкулӗсенчен 8—9-мӗш классем хушшинче Патӑрьел районӗнчи Турханти шкулти Валерия Осипова мала тухнӑ, иккӗмӗшӗнче — Муркаш районӗнчи Калайкассинчи Светлана Охлина, виҫҫӗмӗшӗнче — Красноармейски районӗнчи Упири Андрей Илларионов.

Чӑваш шкулӗсенче 10—11-мӗш классене вӗренекенсенчен пӗрремӗш вырӑнта — Патӑрьел районӗнчи Турханти Анастасия Маштакова, иккӗмӗшӗнче — Муркаш районӗнчи Калайкассинчи Алексей Охлин, виҫҫӗмӗш вырӑн никама та паман.

Вырӑс чӗлхиллӗ шкулсенчи 8—9-мӗш класри ачасенчен Шупашкарти 27-мӗш шкулти Кристина Смирнова тата Кӳкеҫ лицейӗнчи Виктория Петрова мала тухнӑ, иккӗмӗшӗнче — Шупашкарти 4-мӗш лицейри Софья Алешева тата Кӳкеҫри лицейри Анна Иванова, виҫҫӗмӗшӗнче — Шупашкарти 4-мӗш лицейри Константин Храмов.

Вырӑс чӗлхиллӗ шкулсенче 10—11-мӗш классенче вӗренекенсенчен Ҫӗрпӳ районӗнчи Опытный поселокри Ксения Леонтьева чи пултарулли, иккӗмӗш вырӑнта — Шупашкарти 62-мӗш шкулти Андрей Леонтьев тата Анастасия Мочалова, виҫҫӗмӗшӗнче — Красноармейскинчи вӑтам шкулти Надежда Козлов тата Ҫӗрпӳ районӗнчи Опытный поселокри Ольга Артемьева.

#Упи, #ЧПУ, #шкулсем, #ачасем, #Турхан, #Патӑрьел районӗ, #Муркаш районӗ, #вӗренӳ, #Калайкасси, #Красноармейски районӗ, #Шупашкар, #Кӳкеҫ, #Ҫӗрпу районӗ