Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Чӑн сӑмах куҫа ҫиет.
[ваттисен сӑмахӗ]
 

Чӑваш чӗлхи: Тӑван чӗлхешӗн!

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Виталий Станьял 25.04.2017 09:02 | 7287 хут пӑхнӑ
Сумлӑ сӑмах Чӑваш чӗлхи

Чӑваш чӗлхи кунӗ тӗлне

Тӑван чӗлхешӗн!

Хура пӗлӗтсем хупласа илчӗҫ Раҫҫейри халӑхсен чӗлхисене. Чӗлхемӗрсем ҫинче, вӑл шутра вырӑс чӗлхи ҫинче те, хура ҫӑхансем явӑнаҫҫӗ.

Юрӑхсӑр тӗрлӗ саккунсемпе хушусем кӑларса, патшалӑх чӗлхесен усӑ курмалли анлӑшне хӗссе пычӗ, шкулти вӗрентӗве пӑтратса тӑчӗ, хыпарлав хатӗр-хӗтӗрӗ — ҫӑткӑнлӑха майлӑ ҫаптарнипе — наци ӑнкарулӑхне сӳнтерме тапаҫланчӗ.

Чӑваш чӗлхипе ӑспурлӑхӗ куҫа курӑнман хаяр хӑрушлӑх умне пырса тухрӗ.

Яш-кӗрӗм наци туйӑмне вуҫех ҫухатрӗ. Тепӗр 10–15 ҫултан чӑвашла калаҫакансен шучӗ ҫурри ытла касса татнӑ пек чакса ларать. Эпир, аслӑ ҫулсенчи ҫынсем, халӑх шӑпи ҫинчен анлӑрах шутламасӑр, ютри лайӑха мухтаса, ҫамрӑк ӑрӑва тӑван ӑс-хакӑлпа чӗлхерен пистертӗмӗр,

Тӳрех каламалла: ҫӗршыв ертӳлӗхӗ харкам хӑйӗн пурлӑхӗ-ырлӑхӗшӑн антӑхать, «единая российская нация» ҫинчен шавласа ҫӗршыври халӑхсен кӑкне-тымарне тӑпӑлтарать. Ку пулӑм Европӑра пачах та ҫӗнӗ ҫӗнӗ мар. Ӑна Раҫҫей нумай хутчен чӑтнӑ. Ҫӗнтернӗ. Халӑхран тухнӑ паттӑрсен пуҫне каснине, халӑх телейӗшӗн тӑракансене хамӑр влаҫ пуҫиле янине, таса ячӗсене элекпе вараланине чӑваш халӑхӗ те пайтах чӑтнӑ. Пӗрех парӑнман.

Паллах, тӗнче ҫаврӑннине, имшер халӑхсемпе чӗлхесем сӳнсе пынине уйрӑм ҫынсем чараймаҫҫӗ. Анчах ӑслӑ халӑхсем хӑйсен пурнӑҫне хӑйсем тытса пыраҫҫӗ, йӗрке тӑваҫҫӗ, чарӑнми кӗрешеҫҫӗ. Пирӗн несӗлсем тӗнче тӑвӑлӗсем витӗр тухса ҫак таранччен упранса юлма пултарнӑ пулсан, паян эпир вӗсен ӗмӗтне, ӗҫне, ятне намӑса ярӑпӑр-и? Хамӑр чыса упрамалӑх та тӑрса юлмарӑмӑр-и вара? Аса илӗпӗр Аттилпа Алмуш паттӑрсене, аса илӗпӗр Пӳлер вутӗнче ҫунса кайнӑ Валем хуҫапа Кул Гали сӑвӑҫа. Манӑҫа ямӑпӑр пусмӑра хирӗҫ ҫӗкленнӗ чӑваш ялӗсем Атӑл сулахай енне, Урала, Ҫӗпӗре, Тухӑҫа авалхи ҫулсемпе каялла куҫса кайнисене.

Чӑваш халӑхӗн пӗрлӗх туйӑмӗ, нимелӗхӗ, тӑванлӑхӗ ҫирӗп-ха. Ҫакна халӑх хӑй вӑйӗпе ирттерекен пин-пин ӗҫ, акатуй, уяв, ӑмӑрту, пуху, пӗрлӗхсем кӑтартса тӑраҫҫӗ. Ҫакнах чӑваш халӑхӗ Чӗлхе кунне хастаррӑн ирттерни палӑртать. Халӑхӑмӑрӑн ӑс-тӑнне шута хурса, Чӑваш аксакалӗсен тӗп канашӗ кӑҫал, Ашшӗ-амӑшӗсен ҫулӗнче, чӑваш Асламӑшӗсемпе Кукамайӗсене, Аслашшӗ-Кукашшӗсене, кил-йыш пуҫӗсене, шкулсенчи ашшӗ-амӑшӗсен комитечӗсене ҫапла калать: хамӑрӑн ывӑл-хӗрпе, мӑнуксемпе тӑван чӗлхепе калаҫма пулӑшакан анлӑ юхӑм пуҫарса пӑхӑпӑр. Тӑван чӗлхе шӑпишӗн пуринчен малтан эпир яваплӑ.

Нимле ырӑ ӗҫ те йӗркелесе тӑмасӑр, хамӑр тӑрӑшмасӑр пулмасть. Республика пуҫлӑхне, Вӗрентӳ министрне, Чӑваш наци конгресӗн президентне, районсенчи тата Шупашкарти чӑваш журналисчӗсене «Тӑван чӗлхешӗн!» юхӑм йӗркелесе яма тархаслатпӑр.

 

Ваттисен канашӗн кӗреки сӗннипе — Виталий Станьял.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

#вӗренӳ, #Раҫҫейре, #чӑвашлӑх, #чӑваш чӗлхи, #ачасем, #ваттисем

 

Ҫавӑн пекех пӑхӑр

Комментари:

Талпизень // 3750.21.1105
2017.04.29 08:14
Чăваш учитлĕсем Станьяла хирĕç тепĕрре сиксе тухма шутлаççĕ тет. Вăл вĕсене чăвашла вĕрентме чăрмантарать теççĕ. Ачасем вăл çырнине вуланă та, учитлĕсене ыйтусем пама тытăннă. А учитлĕсем хусам сайтра мĕн пуррине тĕлĕкре те курман!
Ухмах учитлĕсене Станьял та тăна кĕртимарĕ.
петр // 5059.3.5746
2017.05.19 19:45
Ӗҫӗ те кунта ансат. Ача пахчинче чавашла калаҫмалла, юрӑ юрламалла тата ы.т. Шкулта 1класран 11 класчен чавашла врентмелле. Ют чӗлӗхене кама кирлӗ. ҫавна кӑна врентмелле. Штукатура, плотника тата ыттисене кирлӗ те мар. 1991 ҫулта Тӑван Ҫӗршыва ватрӗҫ хамрӑн пуҫлӑхсемех, ют чӗлхесене юратнипе, чӑваш чӗлхине шкултан чакарнипе тесе эпӗ шутлатӑп.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем