Чӑваш Енри биатлон шкулӗн воспитанници Татьяна Акимова унчченхи ӑмӑрту тапхӑрӗнче хӑйне лайӑх енчен кӑтартнине пирӗнтен чылайӑшӗ астӑвать пулӗ. Аса илтерер, 2016 ҫулта Тӗнче кубокӗ виҫҫӗмӗш тапхӑрӗнче спринтра вӑл ылтӑн медале тивӗҫнӗччӗ. 2017—2018 ҫулсенчи биатлон тапхӑрӗнче пирӗн ентешӗмӗре кӑна мар, Раҫҫей спортсменӗсене те ӑнмарӗ.

Татьяна Акимова Кӑнтӑр Корейӑри Олимп вӑййисене хутшӑнчӗ. Масс-стартра тӑрса пенӗ чух вӑл пилӗк хутчен йӑнӑшрӗ. «Спорт-Экспресс» хаҫата панӑ интервьюра Татьяна тренерсене кӳренсе калаҫнӑ. Унчченхи тренера ылмаштарнӑшӑн вӑл пӑшӑрханнине палӑртнӑ.

«Капла интервью хыҫҫӑн сезона Коноваловпа (Раҫҫейӗн биатлон командин аслӑ тренерӗ Сергей Коновалов. — Т.Т..) епле ӗҫлесе пӗтересшӗн?» — кӑсӑкланнӑ журналист. «Вӑхӑт кӑтартӗ», — хуравланӑ спорстменка.

#Кӑнтӑр Корея, #Олимп вӑййи, #спорт, #МИХсем