Чӑваш чӗлхи: Александр Савельев чӗлхеҫӗ паян 30 ҫулхи юбилейне уявлать

Пӗлтерӳ хушПӗлтерӳсем

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...

Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...

Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Аçтахар Плотников 13.02.2019 13:37 | 1812 хут пӑхнӑ

Чӑваш чӗлхи

Сантӑр Савкилта

Германире пурӑнакан чӑваш чӗлхи тӗпчевҫи, «Ирӗклӗ сӑмах» сайта пуҫараканӗ Александр Савельев паян 30 ҫул тултарнӑ. Ашшӗ амӑшӗ унӑн Тутарстанри Нурлат районне кӗрекен Лачака ялӗнчен. Александр хӑй вара нумай ҫул Мускавра пурӑннӑ, унтах аслӑ пӗлӳ илнӗ. Филологи ӑслӑлӑхӗсен кандидачӗ.

Савкилта чӑваш ятне илнӗ ҫамрӑк инҫетри ҫӗршыва ахаль кайман — унта вӑл тӗпчев ӗҫӗсене хутшӑнать. Eurasia3angle тӗпчевҫӗсен ушкӑнӗ алтай чӗлхи мӗнле сарӑлнине тата мӗнле пулса кайнине тишкерес тӗллевпе йӗркеленнӗ, Германири Йена хулинче тӗпленнӗ. Сантӑр Савкилта вӑл ушкӑнра 2016 ҫултанпа ӗҫлет. Сӑмах май, 2017 ҫулта, Александр историлле чӗлхе пӗлӗвӗн пӗтӗм тӗнчери 23-мӗш конференцине хутшӑннӑ (Сан-Антонио, АПШ) — унта вӑл чӑваш чӗлхинчи вырӑнти калаҫӑвӗсем кӑк тӗрӗк чӗлхине реконструкцилеме мӗн енчен пулӑшма пултарни пирки каласа панӑ. Ҫавӑн пекех вӑл Китайри конференцисене хутшӑннӑ, Шупашкара та пӗрре мар килсе кайнӑ.

Сантӑр Савкилтана ытларах «Ирӗклӗ сӑмах» сайт йӗркелӳҫи пек пӗлеҫҫӗ. Вӑл тӑрӑшнипе ҫав сайт хыпарсене аналитикӑллӑ та тӗрлӗ енлӗ ҫутатакан ресурс пек палӑрса юлчӗ.

#Сан-Антонио, #чӑваш чӗлхи, #Йена, #Германи, #ӑслӑлӑх, #юбилейсем, #Тутарстан, #Нурлат районӗ, #Лачака

Ҫавӑн пекех пӑхӑр

Чӑваш чӗлхеҫи Германири конференцире алтай халӑхӗсем ӑҫтан тухнине каласа панӑ
2018, 01, 15

Иван Яковлева асра тытни — вӑйсӑрлӑха пуҫ тайни-ши?
2018, 05, 08

Германире «Чӑваш чӗлхи» фильм ӳкереҫҫӗ
2019, 01, 28

Чӑваш чӗлхин историллӗ фонетикине акӑлчанла пичетлесе кӑларнӑ
2019, 01, 29

Чӑваш ӑсчахӗсем тутар тӗпчевҫисемпе тӗл пулнӑ
2019, 01, 31

Комментари:

Микулай Павловски // 5031.4.0998 2019.02.13 20:11
	Ҫуралнӑ кун ячӗпе!
Тимер Акташ // 3831.63.7566 2019.02.13 23:23
	Саламлатпар!
Станислав Убасси // 1940.38.5810 2019.02.14 00:25
	Сантӑр,Ҫуралнӑ кун ячӗпе! Телейлӗ пул! Ирӗклӗ пул!
влад маскай // 3957.56.0551 2019.02.14 23:18
	Çак ача , 30-çулхискер, Иван Яковлевича тапăнчĕ пек астăватăп та, йăнăшмарăм-ши,-тесе ыйтасшăнччĕ Ăсчахсенсчен? Ку мухтаса саламлакан статьяра "тĕпленнĕ" сăмахпа усă курни вырăнсăр вара. Мĕншĕн тесен, Германире мĕнле майпа тĕплентĕр-ха çын?! Унта, нумай пулмасть, фашистсене тĕпленĕччĕ пирĕннисем. Германире, мĕн тесен те, вырнаçса, е тымар ярса пурăнаççĕ чăн-чăн чăвашсем. Çук, чăваш чĕлхине упрайăпăр-ши малалла та капла темиçе дипломлă çынсем те "сĕткенсĕр" челхепе çырма вăтанманскерсен пусмăрне тÿснĕ чухне, темле мăйрака тăратса, çав тери ирĕклĕн хăйсене тытса. А-УУ! Хурăвăра чăтăмсăр кĕтсе юлатăп.