Чӑваш Ене 27 шкул автобусӗ илсе килнӗ. Ҫӗнӗ транспорта республикӑри 17-район-хулана ӑсатӗҫ.

ЧР Вӗренӳ министерстви пӗлтернӗ тӑрӑх, хӑш-пӗр шкулта ачасене шкула илсе ҫӳремелли транспорт кивелнӗ, теприсен вара вӗренӳ учрежденийӗсене оптимизациленӗ май ҫӗнӗ маршрутсем уҫмалла. Ҫӗнӗ автобуссене шӑпах ҫак тӗллевпе илсе килнӗ те.

Транспорта Шупашкарти, Етӗрне, Элӗк, Тӑвай, Патӑрьел, Ҫӗмӗрле, Вӑрнар, Шӑмаршӑ, Йӗпреҫ, Шупашкар, Канаш, Ҫӗрпӳ, Комсомольски, Вӑрмар, Хӗрлӗ Чутай, Пӑрачкав, Муркаш районӗсенчи шкулсенче ӑс пухакан ачасене турттарма ӑсатӗҫ.

#вӗренӳ, #шкулсем, #автобуссем, #Шупашкар, #Етӗрне районӗ, #Элӗк районӗ, #Тӑвай районӗ, #Патӑрьел районӗ, #Ҫӗмӗрле районӗ, #Вӑрнар районӗ, #Шӑмаршӑ районӗ, #Йӗпреҫ районӗ, #Шупашкар районӗ, #Канаш районӗ, #Ҫӗрпӳ районӗ, #Комсомольски районӗ, #Вӑрмар районӗ, #Хӗрлӗ Чутай районӗ, #Пӑрачкав районӗ, #Муркаш районӗ