ШӖМ тунӑ сӑн

Ака уйӑхӗн 8-мӗшӗнче Шупашкарти Патрис Лумумба урамӗнчи пӗр ҫуртран икӗ кӳме ҫухални пирки полицие пӗлтернӗ. Иккӗшӗ те ҫав ҫуртрах пурӑнакан сусӑрӑн пулнӑ.

Йӗрке хуралҫисем вӑрра хӑвӑртах тупнӑ.

71 ҫулти хӗрарӑм айӑпне тӳрех йышӑннӑ, кӳмесене хуҫине тавӑрса панӑ.

Мӗн тума вӑрланӑ-ха вӑл вӗсене? Кинемей упӑшки пулнӑ арҫыншӑн тӑрӑшнӑ иккен. Лешӗ шӑммине хуҫнӑ хыҫҫӑн утайман. Суд пуличчен хӗрарӑмӑн тухса ҫӳреме юрамӗ.

#Шупашкар, #вӑрӑсем, #сусӑрсем, #полици