forum.zarulem.ws сӑнӳкерчӗкӗ

Ака уйӑхӗн 30-мӗшӗнче ирхине йӗрке хуралҫисем кроссовера асӑрханӑ. Калинин урамӗнче «Audi Q5» автомобиль ҫул ҫинче йӗркеллӗ пыманнине сиснӗрен ӑна чарас тенӗ.

Пакунлисем водитель ӳсӗррине сиснӗ. «Город грехов Чебоксары» проект пӗлтернӗ тӑрӑх, водитель хӑйӗн пӗлӗш-тусӗпе хӑратма хӑтланнӑ, унта-кунта шӑнкӑравланӑ. Пакунлисем пӗрех кирлӗ хутсене шӑрҫаланӑ.

Кроссовер водителӗ патшалӑхӑн влаҫ органӗсенче ӗҫлекенсен профсоюзӗн председателӗ Василий Харитонов пулнӑ.

#пӑтӑрмахсем, #машинӑсем, #ӳсӗрсем, #тӳре-шара