www.istockphoto.com/ru сӑнӳкерчӗкӗ

Питӗр хулинче пурӑнакан Шупашкар каччи, студент, ултавҫӑсене 2,5 миллион тенкӗ куҫарса панӑ.

20 ҫулти каччӑ патне тавар илсе килни шӑнкӑравланӑ. Яш хӑйӗн паспорт номерне пӗлтернӗ хыҫҫӑн ун патне право хуралӗнче тата Росфинансмониторингра ӗҫлекенсем тесе хӑйсемпе паллаштаракансем шӑнкӑравлама тапранса кайнӑ. Ӑна вӗсем каччӑ хӑйӗн укҫине Украинӑна куҫарса панӑ тесе хӑратма тапранса кайнӑ, мӗнпур кӗмӗле «декларацилеме» ӳкӗте кӗртнӗ.

Каччӑ хӑйӗн 2,5 миллион тенкине ҫеҫ мар, асламӑшне те (тен, кукамӑшне-тӗр. Вырӑсла хыпарта бабушка тенӗ) ултавҫӑсене укҫа куҫарса пама ыйтма пуҫланӑ.

#укҫа-тенкӗ, #пӑтӑрмахсем, #ҫамрӑксем, #Питӗр, #Шупашкар