«Про Город» телеграм-каналӗнчен илнӗ сӑн

Улатӑр округӗнче ҫӳп-ҫап купи, свалка, ҫунма тытӑннӑ. Хальлӗхе лару-тӑру йӗркеллех, вырӑнта тивӗҫлӗ службӑсем дежурство тӑраҫҫӗ.

Полигон мӗншӗн ҫунма тытӑннине палӑртман-ха. Ҫапах вӑл ӗҫлет. Анчах унта типӗ ҫулҫӑ, ӳсен-тӑран, хӑрӑк турат ытлах илсе тухма сӗнмеҫҫӗ. Ку – хальлӗхе, ҫулӑма тӗппипех сӳнтериччен.

Хальхи вӑхӑтра полигонри ҫунакан вырӑнсене тӑпрапа хуплаҫҫӗ. Ӑна ҫывӑхран илеҫҫӗ, ҫавна май ҫулӑма сарӑлма паман траншея та пулӗ.

#Улатӑр районӗ, #ҫӳп-ҫап, #пушарсем