forum.na-svyazi.ru порталтан илнӗ сӑнӳкерчӗк

Етӗрне районӗнче ватӑ ҫын шыва путса вилнӗ. Инкек ӗнер, утӑ уйӑхӗн 15-мӗшӗнче, пулса иртнӗ. Вилене водолазсем Сӑр юханшывӗнчен туртса кӑларнӑ.

75 ҫулти арҫын тусӗпе Сӑр хӗрринче, Етӗрнерен инҫех мар вырӑнта, каннӑ. Ҫавӑн чухне вӑл шыва кӗме шутланӑ. Анчах ишнӗ вӑхӑтра вӑл путнӑ.

Малтанласа палӑртнӑ тӑрӑх, арҫын ӳсӗр пулнӑ. Те ал-ури туртса лартнӑ ӗнтӗ унӑн, анчах шыва кӗрес тени синкерпе вӗҫленнӗ.

#инкексем, #сывлӑх, #Сӑр, #юханшывсем, #Етӗрне