Ҫитес эрнере пилӗк кун ӗҫлекенсемшӗн хушма канмалли кун пулӗ. Ку чӳк уйӑхӗн 4-мӗшӗнче Халӑхсен пӗрлӗхӗн кунне паллӑ тунипе ҫыхӑннӑ.

Кӑҫал Халӑхсен пӗрлӗхӗн кунӗ юнкуна лекет. Ҫавна май эрнере пилӗк кун ӗҫлекенсем ҫав кун канӗҫ. Уяв умӗнхи ӗҫ кунӗ, чӳк уйӑхӗн 3-мӗшӗ, пӗр сехет кӗскерех пулӗ.

Сӑмах май, уявпа ҫыхӑннӑ ҫитес канмалли кун Раҫҫейре пурӑнакансене раштав уйӑхӗн 31-мӗшӗнче, Ҫенӗ ҫулта, кӑна кӗтет. Шӑпах ун чухне хӗллехи каникул пуҫланӗ. Вӑл 2027 ҫулхи кӑрлач уйӑхӗн 10-мӗшӗччен тӑсӑлӗ.

#уявсем, #Ҫӗнӗ ҫул