Елчӗк ялӗнче "Яльчики" ТСЖ (Пушкин тӑкӑрлӑкӗ,16-мӗш ҫурт) ҫуртшӑн йӗркеллӗ тӳлесе тӑракан ҫынсене сирӗн парӑм пур тесе извещени ярса хыпарлать, ҫурт-йӗре тытса тӑнӑшӑн тӳлеме ыйтать. "Содержани" статьяна вара ӑнлантарса паман извещенире, сумми кӑна. Хваттер е ҫурт хуҫин мӗншӗн тӳлемелле -- паллӑ мар. Ыйтса ан тӑрӑр, килсе тӳлӗр тени ӗнтӗ ку. ТСЖ "Яльчики" текенни вара лампочка пӑрса хунисӗр пуҫне нимӗн те тумасть, укҫа ҫеҫ пуҫтарать. Унта заявлени парса кӗмен ҫынсене те ҫавӑн пекех муритлеҫҫӗ. ТСЖ йӗркеленин срокӗ те тухнӑ ӗнтӗ, ун вӑхӑчӗ 2014 ҫулхи январӗн 1-мӗшӗнче вӗҫленнӗ.

Малалла...

«Тӗнчере тӗрлӗрен кӗнчеле», — теҫҫӗ. Ҫапла, тӗлӗнмелли чылай.

Роб Феререл парикмахер

Роб Феререл парикмахер чӑн-чӑн ӳнерҫӗ теме пулать. Анчах вӑл ҫӳҫпе усӑ курса картинӑсем тӑвать. Вӑл АПШри Техас штатӗнче пурӑнать. Унӑн хӑйӗн парикмахерскийӗ пур. Роба пуҫ ҫинче хӑйне евӗр портретсем ӳкерет, ҫавӑнпа ӑна чылайӑшӗ паллать. Ун патне спорт командисен фаначӗсем, мероприяти ертӳҫисем, телекурав ҫӑлтӑрӗсем ҫӳҫ кастарма килеҫҫӗ. Унӑн ӗҫӗ - чӑнах та тӗлӗнмелле боди-арт.

Чи ҫӳллӗ хӗр

Турцири 17 ҫулти хӗр – чи ҫӳлли.

Малалла...

1933 ҫулта Time Magazine тата New York Times хаҫатсенче некрологсенче 256 ҫулти Ли Чинг-Юн пурнӑҫран уйрӑлни пирки пӗлтернӗ. Ҫав вӑхӑталла вӑл 23 арӑм пытарнӑ, 180 ачана воспитани панӑ. Ҫак ҫын чӑнах та ҫав тери нумай пурӑннӑ-ши? Кӑна Environmental Graffiti уҫӑмлатма тӑрӑшнӑ.

Ли Чинг-Юн яланах лӑпкӑ пулнӑ, риспа тата хӗрлӗ эрехпе сӑйланнӑ. Ҫаксем – унӑн вӑрӑм ӗмӗр вӑрттӑнлӑхӗ-мӗн. Ли Чинг-Юн ачалӑхӗпе ҫамрӑклӑхӗ пирки сахал пӗлеҫҫӗ. Вӑл Китайри Сычуань провинцире ҫурални, унта пурнӑҫӗ тӑршшӗпех пурӑнни паллӑ.

Ли Чинг-Юн 10 ҫул тултарнӑ тӗле ӑслӑ пулнӑ.

Малалла...

Тӗнчере курмалли-телӗнмелли нумай. Акӑ вӗсенчен хӑшӗ-пӗри.

Ҫутӑ кӑвак тӗслӗ тарӑн шӑтӑк (Белиз).

Лайтхаус-Рифа центрӗнче вырнаҫнӑ. Диаметрӗ – 305 метр, тарӑнӑшӗ – 120 метр. Ҫак шӑтӑк тӗнчери дайверсене питӗ илӗртет.

Аризонри «хум» (АПШ).

Вӗсем тӗрлӗ эрешпе витӗннӗ тейӗн. Ҫакӑ ӑна тӗлӗнмелле илем кӳрет. «Хум» пысӑк ялсем ҫывӑхӗнче вырнаҫнӑ, ҫавӑнпа унта ҫулсерене пин-пин турист ҫитсе курать.

Филиппинӑри шӑккалатлӑ сӑртсем.

Малалла...

Хальхи вӑхӑтра та пултаруллӑ скульпторсем пур. Мӗнех, кӑмӑла каймалли ӗҫсемпе паллашар-ха эппин.

Михай Эминеску поэт, Румыни

Михай Эминеску ячӗ паян кирек епле румынпа молдаваншӑн та ҫветтуй евӗрех. Ун ячӗпе Румынинче ҫакӑн пек скульптура лартнӑ.

Лас-Колинасри (АПШ) тискер лашасем

Бронзӑран шӑратса тунӑ тискер лаша кӳлеписем вӗсен чӑн виҫинчен 1,5 хут пысӑкрах. Скульптурӑн тӗп шухӑшӗ – чарӑнми вӑй-хала, пуҫарулӑха тата ирӗклӗ кӑмӑл-туйӑма палӑртасси.

Малалла...

Кун каҫипе эпир мӗн тӗрлӗ кӑна информаци «ҫӳп-ҫапӗпе» пуҫа тултармастпӑр-ши! Ҫавӑнпа та AdMe.ru портал ытлашшине сирсе кирлине кӑна хӑварас тесе сахал ӳкернипех шухӑша уҫса панӑ 20 сӑнӳкерчӗке пухнӑ.

Ачаран юратса ӳснӗ, вилӗмсӗр совет мультфильмӗсенчи сӑнарсен ячӗпе хӑш актер калаҫнине пурте пӗлмеҫҫӗ-тӗр. Ачасене кӑна мар, аслисене те кӑсӑклантаракан ҫав фильмсенчи чӗрчунсене паллӑ та чаплӑ артистсем «калаҫтарнӑ». Ҫавсен шутӗнче Василий Ливанова, Евгений Леонова, Олег Анофриева, Юрий Никулина, Анатолий Папанова тата ыттисене асӑнмалла. Мультфильмсенчи сасӑсене пула та кинокартинӑсем ят ҫӗнсе илнӗ теме юрать пулӗ. Акӑ, Фрекен Бока Фаина Раневская, Кеша попугая Геннадий Хазанов калаҫтарман пулсан асӑннӑ сӑнарсене урӑх сасӑпа йышӑнаяссӑн та туйӑнмасть.

Малалла...

«Пӗчӗк-ха вӑл. Ӑнланмасть», – тет кутӑн-пуҫӑн тӑма хатӗр шӑпӑрланӗ пирки хӑш-пӗр ашшӗ-амӑшӗ. Лаша пуласси тихаран паллӑ, ҫын пуласси – ачаран тесе ваттисем ахальтен каламаннипе психологсем те килӗшеҫҫӗ. Ача иртӗхсе ӳсессине пӗчӗклех палӑртма пулать иккен. Сӑнасарах пӑхмалла кӑна.

1. «Ман тӑвас килет».

Ку вӑл ача ӳлӗмрен иртӗхсе каяссин пӗрремӗш палли иккен. Ҫемьере ачана ытлашши ирӗк панине кура вӑл хӑйне ҫӗр ҫинчи чи пӗлтерӗшлӗ фигура евӗр туять. Ашшӗ-амӑшӗ ҫакӑн пек тытнин сӑлтавӗ тӗрлӗрен пулать иккен.

Малалла...

ТУСЛӐХ

тенос

Пӗлетпӗр, туссенчен пӗри хуҫа,

Тепри вара чура текен "теори"

Чӑнах та кӗнӗ пирӗн пурнӑҫа.

Ӑна ҫыравҫӑ асӗнчи Печорин

Юп курнӑ ӗлӗк, иртнӗ ӗмӗрте —

Анчах вӑл халь те сисӗнет пирте!

Каҫса кайса шавлатпӑр: пиччӗш, шӑллӗ...

Мӗскӗнлӗхре курас ҫук пархатар —

Пурне те йӗкӗрешлӗхре туяр:

Лӳппер сӑмах урамӑрсене тӑллӗ.

Пӗкӗрӗлевҫӗ ӗмӗр пулӗ тӑлӑх.

Асли те, кӗҫӗнни те пулас мар.

Йӑвашлӑха куллен ан мухтӑр кӑлӑх,

Ҫине тӑрса пӗртанлӑха туптар.