Хыпарсем: Сиккасси

АКА

«Канаш ен пики – 2012» — Лариса Яковлева!
■ Аçтахар Плотников | 14.04.2012 19:51 |

#Канаш районӗ, #Анаткас Уҫырма ял тӑрӑхӗ, #Анаткас Уҫырма, #Шупашкар, #Чӑваш пики, #ӑмӑртусем, #Сиккасси, #Ухман ял тӑрӑхӗ, #Атнаш ял тӑрӑхӗ, #Ҫӗнӗ Чӑлкасси ял тӑрӑхӗ, #ЧППУ

Ӗнер, акан 13-мӗшӗнче, Канаш районӗнчи Анаткас Уҫырма культура ҫуртӗнче «Канаш ен пики — 2012» ӑмӑрту иртрӗ.

Тавҫарулӑхпа ӑсталӑх, ӑспа илем ӑмӑртӑвне кӑҫал 15 пике хутшӑнчӗ, «чи-чи» пулас ӗмӗтпе ӑнтӑлса кашни хӑйне тавҫӑруллӑрах, ӑслӑрах, ӑстарах кӑтартма тӑрӑшрӗ. Пилӗк пайра тупӑшма тиврӗ — «Паллашу», «Ӑс-тӑн ӑмӑртӑвӗ», «Пултаруллӑх конкурсӗ», «Чӑваш халӑх апачӗ», «Чӑваш стилӗ». Пахалавҫӑсем хӑйсен пӗтӗмлетӗвне пӗлтернӗ хыҫҫӑн ҫак паллӑ пулчӗ:

♥ Канаш ен пики – 2012 — И.Я. Яковлев ячӗллӗ Чӑваш патшалӑх педагогика университечӗн студентки Лариса Яковлева (Ҫӗнӗ Чӑлкасси ял тӑрӑхӗ);

♥ Хӳхӗм пике — Ирина Михайлова (Атнаш ял тӑрӑхӗ);

♥ Ҫепӗҫ пике — Марина Иванов (Ухман ял тӑрӑхӗ);

♥ Ӑс пике — Алиса Сергеев (Сиккассинчи ача-пӑча ӳнер шкулӗн вӗрентекенӗ);

♥ Куракансем кӑмӑлланӑ пике — Диана Григорьева (Анаткас Уҫырма ял тӑрӑхӗ).

Малалла...

Хыпар ҫӑлкуҫӗ: http://gov.cap.ru/list4/news/rec.aspx?id=1386861

ЮПА

Кӗнеке хӑтлавӗ иртӗ
■ Аçтахар Плотников | 29.10.2011 10:36 |

#хӑтлавсем, #ЧПГӐИ, #Шупашкар, #Канаш районӗ, #Сиккасси

Тунтикун, юпан 31-мӗш кунӗнче, Чӑваш патшалӑх гуманитари ӑслӑлӑхӗсен институтӗнче «Художник Анатолий Миттов. Дорога в гору» (чӑв. Анатолий Миттов ӳнерҫӗ. Тӑвалла ҫул) кӗнеке хӑтлавӗ иртӗ. Пуҫламӑшӗ 14 сехетре.

Ку кӑларӑм (208 стр.) паллӑ чӑваш ӳнерҫин пурнӑҫне тата унӑн пултарулӑхне сӑнласа кӑтартать. Статьясенче эсир хальхи куҫпа пӑхса унӑн ӗҫӗсене ҫыракансем епле хак панипе паллашайратӑр. Кӗнеке ӳкерчӗксемпе те пуян. Хӑшне-пӗрне пӗрремӗш хут пичетленӗ.

Анатолий Миттов — чӑвашсен паллӑ ӳнерҫи. 1932 ҫулхи раштавӑн 13-мӗшӗнче (тепӗр ҫул 80 ҫулхи юбилейне паллӑ тӑвӗҫ) Канаш районӗнчи Сиккасси ялӗнче ҫуралнӑ. 1971 ҫулхи юпан 31-мӗшӗнче Шупашкарта вилнӗ.

1952 ҫулта Шупашкарти ӳнер училищине вӗренсе пӗтернӗ. 1961 ҫулта И. Е. Репин ячӗллӗ живопись, скульптура тата архитектура институтӗнче пӗлӗвне ӳстернӗ.

Малалла...

Хыпар ҫӑлкуҫӗ: http://chgign.ru/147-31-oktyab...goru-cheboksary-2011.html

РАШ

«Урхамахсем тӑраҫ тапӑртатса...» ӑмӑртӑва пӗтӗмлетсе...
■ Аçтахар Плотников | 01.12.2010 11:56 |

#Ҫирӗклӗ Шӑхаль, #Элӗк, #Елчӗк, #Кӑнар, #Ҫӗрпӳ районӗ, #Йӗкӗрвар, #Энтепе, #Сиккасси, #Вутлан, #Сухайкасси, #Канаш районӗ, #Комсомольски районӗ, #Явӑш, #Красноармейски районӗ, #Красноармейски, #Мӑн Ямаш, #Мӑнҫырма, #Вӑрмар районӗ, #Урхас Кушкӑ, #Сӗнтӗрвӑрри районӗ, #Тури Ҫӗрпӳкасси, #Хӗрлӗ Чутай районӗ, #Штанаш, #Пӑлапуҫ-Пашьел, #Патӑрьел районӗ, #Юнтапа, #Элӗк районӗ, #литература, #Урхамахсем тӑраҫ тапӑртатса..., #ӑмартусем, #Елчӗк районӗ, #Сӗнтӗрвӑрри, #Упи, #Ҫӗрпӳ, #Шӗмшеш, #Вӑтакас Татмӑш, #Хусанушкӑнь, #Шӑмӑршӑ, #Шӑмӑршӑ районӗ, #Чӑваш Сурӑм, #Ӑвӑспӳрт Кипеч, #Йӗпреҫ районӗ, #Пучинке, #Курнавӑш, #Тикаш

Сивӗ... Сивӗ ҫанталӑк... Сивӗ ҫанталӑк ку ӑшӑ чӳк уйӑхне кӗтмен-ҫитмен пек килсе кӗчӗ, пӗр самантрах хӗл кунӗ тавралӑха хӑй аллине илчӗ. Хӑй ҫинчен асаилтерчӗ. Хӗл ҫитрӗ. Урамра та, календарьпе те. «Урхамахсем тӑраҫ тапӑртатса...» литература ӑмӑртӑвӗн пӗтӗмлетӗвне тума та вӑхӑт ҫитрӗ. Унпа паллашнӑ май вӑл сире кӑшт та пулин ӑшӑтатех тесе шутлатпӑр. Сивӗ хӗл сивви те туйӑнмӗ...

Кӑҫалхи ӑмӑрту епле иртни самай пирӗн кӑмӑла кайрӗ. Малтанхисене вӗренӳ министерстви хутшӑнатчӗ пулсан, кӑҫалхи йӗркелӳҫӗсен шутӗнче вӗсем пулмарӗҫ. Вӗсене те ҫӑмӑлрах пулчӗ пулӗ, пире те ку самай ирӗк пачӗ. Вӗсем пӗлтернине кӗтмесӗр пӗтӗмлетӗве эпир паянах, раштавӑн пӗрремӗш кунӗнчех, пӗлтерме пултаратпӑр! Пурӗ 140 хайлав йышӑнтӑмӑр. Ытларах та ярса пачӗҫ ӗнтӗ, анчах та хӑшӗ-пӗрине, ӑмӑрту йӗрки-шывӗпе килӗшӳсӗр пулнӑран, йышӑнма май пулмарӗ. Чылайӑшӗ эпир фантастика конкурсне ирттерни ҫинчен манса кайнӑ пулас — пӗр чӗптӗм те пулин тупма май ҫуккӑччӗ. Эпир вӗсене йышӑнтӑмӑр, анчах та хайлавӗ темле чаплӑ пулсан та вырӑн памарӑмӑр.

Малалла...

Страницӑсем: 1, 2, 3, [4]