Нарӑсӑн 21-мӗшӗнче __Çĕмĕрлĕ тăрăхĕнчи|Ҫӗмӗрлӗ тӑрӑхӗнчи__ __Юманай__ шкулӗнче 4–5 ҫулхи шкула кайман ачасем валли класс-ушкӑн уҫӑлчӗ. Пурӗ 50 ача ҫакӑнта пуҫтарӑннӑ. Хаклӑ хӑнасем кермене уҫма килессе пӗлсе ача пӑхакансем ятарласа савӑнӑслӑ хӑтлав хатӗрленӗ.

Ял халӑх умӗнче __Çĕмĕрлепе|Ҫӗмӗрлепе__ __Юманай__ тӑрӗхӗн администрацийӗсен, «Раҫейялхуҫабанк» («Россельхозбанкӑн») ертӳҫисем тухса калаҫнӑ, саламланӑ. Владимир Мурашкин, __Çĕмĕрлĕ|Ҫӗмӗрлӗ__ пуҫлӑхӗ каланӑ тарӑх, хальхи вӑхӑтра ачана пурнӑҫра ҫирӗппӗн утма ҫӗнӗ йышши технологисемпе вӗрентни ҫеҫ усӑ пама пултарать. Ача хӑйне хӑй мӑнаҫлӑрах тытма вӗренет, пултаруллӑхне аталантарса ҫӗршыва усӑллӑ, ҫемьере юрӑхлӑ ҫын пулса ҫитӗнет. Ҫавӑнпа та, мӗнле пулсан та, укҫа тупса пирӗн ялсенче килте ларакан ача шутне чакарма тӑрӑшмалла, ашшӗ- амӗшӗн пурнӑҫне ҫӑмӑллатмалла, татах та нумай ача ҫуратма хистемелле, терӗ Владимир Алексеевич. Ун хыҫҫӑн шкул ертӳҫи Галина Федорова сӑмах илчӗ, ҫӗнӗ класс-ушкӑна уҫма Патшалӑх канашӗн депутачӗсем В. Шигашевпа Г. Николаева нумай пулӑшрӗҫ терӗ. Юманай ял тӑрӑхӗн ертӳҫи О. Яковлев хӑй сӑмахӗнче Раҫҫей Президенчӗ ҫумӗнчи Чӑваш Ен элчи Л. Волков ҫине тӑнӑран ҫак ӗҫ вӑрӑма каманни ҫинчен каларӗ.

Юлашкинчен хаклӑ хӑнасем ачасене илемлӗ те минетлӗ парнесемпе савӑнтарчӗҫ. Чӑнах та, ҫакӑн евӗр ӑша та хӑтлӑ ача-пӑча керменӗсем уҫӑлсан ашшӗ-амӗшӗн пурӑнӑҫӗ самай улшӑнать ӗнтӗ: патшалӑх тарӑшнине туйса ҫамрӑксем ялах юласса шанас килет, ача-пача шучӗ ӳсесси те вара катарах мар пулӗ тен. Эпир пулнӑ, пур, пулатпӑр! — тенӗ теҫҫӗ чӑвашсем.

__http://gov.cap.ru/home/77/2012god/02/21sad/index.html|**Сӑнсем**__