__Чӑваш патшалӑх гуманитари ӑслӑлӑхӗсен институтӗнче__ паян, ҫӑвӑн 7-мӗшӗнче, паллӑ тӗпчевҫӗ-ҫыравҫӑ __Геннадий Фёдорович Трофимов-Юмарт__ ҫуралнӑранпа 75 ҫул ҫитнине халалласа литература пӗлӗвӗпе фольклористика пайӗ «Текстологи тата куҫару ыйтӑвӗсем» ятпа анлӑ лару ирттерчӗ.
Шел те, Геннадий Фёдорович хӑй ҫак ларӑва килеймерӗ — сывлӑхӗсем хавшанӑран (куҫӗ курмасть унӑн) вӑл курӑмлӑ мар мелпе хутшӑнчӗ, пурне те салам сӑмахӗ каласа ячӗ. Апла пулин те пухӑннӑ ӑсчахсем паллӑ тӗпчевҫӗн ӗҫӗсене аса илсе вӗсен пӗлтерӗшне палӑртрӗҫ. Куҫару ыйтӑвӗсемпе тухса калаҫакансем та сахал мар пулчӗҫ — ЧПУ-н чӑваш тата танлаштаруллӑ литература пӗлӗвӗн кафедрин доценчӗ __Елена Нарпи__, институтӑн сӑмах кӗнеки, ярӑмлӑ кӑларӑм тата электронлӑ энциклопеди пайӗн пуҫлӑхӗ __Геннадий Анатольевич Дегтярёв__, Чӑваш халӑх сайчӗн тӗп администраторӗ Николай Плотников тата ыттисем.
__Геннадий Юмартӑн__ кун-ҫулӗпе институтӑн литература пӗлӗвӗпе фольклористика пайӗн ӑслӑлӑх аслӑ ӗҫтешӗ, филологи ӑслӑлӑхӗсен кандидачӗ __Ирина Софронова__ каласа пачӗ. Ҫак кунсенче «Чӑваш литература пӗлӗвен, куҫару ӗҫӗн тата фольклористика ыйтӑвӗсем» кӗнеке пичетленсе тухнӑ иккен, унта Г.Ф. Юмартӑн вырӑсла ҫырнӑ статьисем кӗнӗ. Ирина Владимировна ҫӗнӗ кӗнекепе те паллаштарчӗ (ӑна институтра 180 тенкӗпе туянма пулать).
Анлӑ лару вӗҫленнӗ май институтӑн литература пӗлӗвӗпе фольклористика пайӗн пуҫлӑхӗ __Вячеслав Ендеров__ пӗтӗмлетӳ турӗ, доклад калакансен сӗнӗвӗсемпе паллаштарчӗ.
__http://fotki.yandex.ru/users/chuvashorg/album/150032/?p=0_**Сӑнсем**__ (14)
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
+7.3 °C