Сайта кӗр | Регистраци | Сайта кӗрсен унпа туллин усӑ курма пулӗ
 -5.7 °C
Йывӑҫне кура ҫимӗҫӗ.
[ваттисен сӑмахӗ]
 

Хыпарсен ҫыххи: Спорт

Спорт
Ҫӗнтерӳҫӗсем. Етӗрне тӑрӑхӗ тунӑ сӑн
Ҫӗнтерӳҫӗсем. Етӗрне тӑрӑхӗ тунӑ сӑн

Кӗҫнерникун, ҫӗртмен 29-мӗшӗнче, Етӗрне хулинчи пуҫламӑш пӗтӗмӗшле пӗлӳ паракан шкулта шахмат енӗпе ӑмӑрту иртнӗ, унта Етӗрне округӗнчисем хӑйсен ӑсне кӑтартса тупӑшнӑ.

Шахмат енӗпе муниципаллӑ округсенче ӑмӑртусем час-часах иртеҫҫӗ. Ку хутӗнче ҫак спорт тӗсӗпе Етӗрне тӑрӑхӗнче тупӑшнӑ.

Етӗрне муниципаллӑ округӗн сайчӗ хыпарланӑ тӑрӑх, арҫынсем хушшинче яланхи пекех Вячеслав Петров пӗрремӗш вырӑна йышӑннӑ. Иккӗмӗш Геннадий Иванов пулнӑ, виҫҫӗмӗш — Александр Альгешкин. Хӗрарӑмсем хушшинче малти вырӑна Диана Пушкарева йышӑннӑ, Иккӗмӗш Анастасия Игнатьева пулнӑ, виҫҫӗмӗш вырӑн вара Юлия Еремкинӑна лекнӗ. Ачасем те ӑмӑртӑва хутшӑннӑ. Арҫын ачасене илсен Савелий Антонова ҫитекенни пулман, хӗрачасене илсен — Валерия Ярабаевӑна.

Ҫӗнтерӳҫӗсене хисеп хучӗсем панӑ, ҫавӑн пекех ятарлӑ кӳлепесемпе те чысланӑ.

 

Спорт

Иркутск облаҫӗнчи чӑвашсен «Юлташ» наципе культура автономийӗн хастарӗсем вырӑнти ачасене чушкӑлла выляма вӗрентеҫҫӗ.

Общество организацийӗн ертӳҫи Вероника Тимофеева ӗнентернӗ тӑрӑх, Иркутскра пурӑнакан шӑпӑрлана чӑвашсен вӑййи питӗ килӗшнӗ.

Телеграмри «Пуринчен малтан. Ҫывӑрса юлмасан» каналтан пӗлтернӗ тӑрӑх, вырӑнти хастарсем ку вӑййа ачасем хушшинче сарасшӑн. Ҫывӑх вӑхӑтра ку вӑййа тепӗр урамра выляттарма палӑртса хунӑ.

Хыпар ҫӑлкуҫӗ: https://t.me/nikamran/7385
 

Спорт
afisha.cheb.ru сайтра вырнаҫтарнӑ сӑнӳкерчӗк
afisha.cheb.ru сайтра вырнаҫтарнӑ сӑнӳкерчӗк

Чӑваш Ен Республика кунне уявлама хатӗрленет. Ҫӗртме уйӑхӗн 23-мӗшӗнче, ав, Ҫӗнӗ Шупашкарта «Чӑваш паттӑрӗ» ҫар искусствисен фестивалӗ иртӗ. Ӑмӑрту эпир маларах асӑннӑ хулари Ҫӗнтерӳ лапамӗнче 18 сехетре пуҫланӗ.

Фестивальте куракансем валли интересли самай пулассине шанма пулать. Чӑваш пӑхаттирӗсем спортӑн тӗрлӗ мелӗпе вӑй виҫӗҫ: кӗрешӳре, ирӗклӗ мелпе кӗрешессипе, панкратион, ҫарта алӑпа кӗрешес, ушу, тхэквондо, WKC каратэвӗ енӗпе.

Кӗрешӗве чӑваш спортсменӗсем кӑна мар, ытти ҫӗртен килсе ҫитнӗ вӑйпиттисем те хутшӑнӗҫ.

Хыпар ҫӑлкуҫӗ: https://afisha.cheb.ru/go/283387
 

Спорт
t.me/Chuv_today канала вырнаҫтарнӑ сӑнӳкерчӗк
t.me/Chuv_today канала вырнаҫтарнӑ сӑнӳкерчӗк

Чӑваш чиперкки Александра Козлова — Йывӑр атлетика енӗпе Раҫҫей чемпионачӗн виҫӗ хут бронза призерӗ.

В.С. Соколов ячӗллӗ спорт шкулӗн воспитанници Александра Козлова Ҫӗнӗ Уренгой хулинче иртекен ҫӗршыври ӑмӑртӑва хутшӑннӑ. Хӗрӗн пулӑшса тата вӗренсе пыраканӗ — Раҫҫейӗн тава тивӗҫлӗ тренерӗ Геннадий Иванов.

Йывӑр спорт инвентарьне йӑтса илессипе ӑмӑртнӑ чухне хӗр икӗ тӗрлӗ ӑмӑртура 195 килограма парӑнтарнӑ. Ку вӑл ӑна бронза медале ҫӗнсе илме май панӑ.

Хыпар ҫӑлкуҫӗ: https://t.me/Chuv_today/9030
 

Спорт
cap.ru сайтри сӑн
cap.ru сайтри сӑн

Чӑваш Ери спортсмен Раҫҫей чемпионатӗнче ылтӑн медаль ҫӗнсе илнӗ. Вӑл ММА хутӑш кӗрешӗвӗ енӗпе иртнӗ тупӑшӑва хутшӑннӑ. Фарход Рахмоналиев чемпион ятне тӑваттӑмӗш хут тивӗҫнӗ.

Виҫӗ куна пынӑ ӑмӑртура 52,2 килограмм таякансен виҫе категорийӗнче пирӗн ентеш ытти регион спортсменӗсем валли нимӗнле шанчӑк та хӑварман – вӑл пурне те ҫӗнтернӗ.

Чӑваш Енри тепӗр спортсмен вара кӗмӗл медаль илнӗ. Вӑл – 47,6 килограмм таякан виҫе категорийӗнче вӑй виҫнӗ Ольга Васеева.

 

Спорт

Чӑваш Енре Республика кунӗнче, ҫӗртме уйӑхӗн 24-мӗшӗнче, автокросс енӗпе чемпионат тата первенство ирттерме палӑртнӑ. Ӑмӑртӑва Шупашкар районӗнчи Чӑрӑшкассинче йӗркелӗҫ.

Классем «Д3-спринт», «Д3-мини», Д-2-юниор», «д2-1600», «Д2Н, «Д-2- классика» спортсменсем валли кӑна пулӗҫ.

Аса илтерер: Республика кунӗнче «Раҫҫей ҫӑлкуҫӗсем», «Руҫ маҫтӑрӗсем» фестивальсем, ытти мероприяти иртӗ.

 

Спорт

Чӑваш Енри УФСИН-ӗн кинолог ӑстисен команди Мускав облаҫӗнче иртекен Раҫҫей ФСИНӗн 2023 ҫулхи кинологсен нумай енлӗ ӑмӑртӑвне хутшӑннӑ. Чемпионата 68 территори органӗнчи командӑсем килсе ҫитнӗ.

Чӑваш Енри УФСИН командин ертӳҫи вырӑнӗнче Алексей Шуряков пулнӑ, вӑл УФСИН-ӑн 1-мӗш юсанмалли колонинчи хурал пайӗн кинологи уйрӑмӗн начальникӗ. Ҫавӑн пекех ятарлӑ хатӗрленӳ профилӗ енӗпе территори органӗн чысне юсанмалли 1-мӗш тата 4-мӗш номерлӗ колонисен ӗҫченӗсем хӳтӗленӗ.

«Шырав профилӗ» конкурса УФСИНӗн 1-мӗш юсанмалли колонин аслӑ инструктор-кинологӗ Иван Бахтин хутшӑннӑ. Андрей Чернов, 4-мӗш юсанмалли колонин хурал пайӗн кинологи уйрӑмӗн аслӑ инструктор-кинологӗ, «наркотиксене шырасси тата тупса палӑртасси» тупӑшура ӗҫтешӗсемпе чи маттуррин ятне илессишӗн тупӑшнӑ.

1-мӗш номерлӗ юсанмалли колоние сыхлакан уйрӑмӑн аслӑ инструктор-кинологӗ Аркадий Кириллов «сирпӗнекен япаласене шырасси тата тупса палӑртасси» ӑмӑртура хӑйне тивӗҫлӗ кӑтартни савӑнтарать — вӑл кинологсен нумай енлӗ ӑмӑртӑвӗн спорт мастерӗн кандидачӗн нормативне пурнӑҫланӑ.

Ӑмӑрту пӗтӗмлетӗвӗ тӑрӑх, Чӑваш Республикинчи УФСИН команди 12-мӗш вырӑн йышӑннӑ.

Малалла...

 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Раҫҫей ҫар искусствисен регионти уйрӑмӗн вӗренекенӗ Ева Митрякова Ӗпхӳре хутӑш кӗрешӳ енӗпе иртнӗ Пӗтӗм Раҫҫейри ӑмӑртура кӗмӗл медаль ҫӗнсе илнӗ.

Ева 18-20 ҫулсенчи спортмсенсемпе ӑмӑртнӑ. 61,2 килограмм таякан виҫе категорийӗнче вӑл иккӗмӗш вырӑна тухнӑ. Пирӗн ентеш Ҫурҫӗр Осетири спортменкӑна парӑнтарнӑ. Финалта вара Мускаври спортсменкӑна ҫӗнеймен.

Хыпар ҫӑлкуҫӗ: https://pg21.ru/news/86952
 

Спорт

Пирӗн ентеш, Олимп резервӗсен Ҫӗнӗ Шупашкарти 3-мӗш спорт шкулӗн йывӑр атлечӗ Полина Андреева, ылтӑн медаль ҫӗнсе илнӗ. Вӑл Беларуҫре иртнӗ тупӑшура икӗ енлӗ кӗрешӳре 165 килограмм йӑтнӑ.

Ӑмӑрту Могилев хулинче иртнӗ. Унта йывӑр атлетикӑпа кӑсӑкланакан хӗрарӑмсем тата арҫынсем хутшӑннӑ. Пирӗн Полина Андреева 49 килограмм тайман спортсменсен ушкӑнӗнче чи маттурри пулса ылтӑн медале тивӗҫнӗ.

Хыпар ҫӑлкуҫӗ: https://pg21.ru/news/86799
 

Спорт
Николай Плотников страницинчен илнӗ сӑнӳкерчӗк
Николай Плотников страницинчен илнӗ сӑнӳкерчӗк

«Йӗп ҫинчи хӗвел» велоюхӑм хастарӗсем черетлӗ велосезона уҫнӑ. Туслӑ йыш велосипед ҫине ларса СССР лётчик-космонавчӗн Андриян Николаевӑн тӑван тӑрӑхне, Сӗнтӗрвӑрри районӗнчи Шуршӑла, ҫитсе килнӗ. Велочупӑва хастарсем Космонавтика кунне халалланӑ.

Велоюхӑм ертӳҫи Николай Плотников халӑх тетелӗнчи хӑйӗн страницинче пӗлтернӗ тӑрӑх, «Шупашкар — Ҫӗнӗ Шупашкар — Шуршӑл» маршрутпа 200-е яхӑн ҫула тухнӑ. Вӗсенчен чи кӗҫенни 7 ҫулта пулнӑ, чи асли — 81-ре.

Велосипедпа ҫула тухнисене вырӑнти тӳре-шара кӗтсе илнӗ. Шупашкартан пырса ҫитнисене музейпа паллаштарнӑ, концерт кӑтартнӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...100
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (27.02.2024 03:00) тӗтреллӗ ҫанталӑк, атмосфера пусӑмӗ 766 - 768 мм, -4 - -6 градус сивӗ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Эрне вӗткеленӳрен пуҫланӗ, анчах канмалли кунсем тӗлне ӗҫсене вӗҫлетӗр, лайӑх ушкӑнра лӑпкӑн канатӑр. Тунтикунпа юнкун сире вӗчӗрхентерекен хутшӑнусем кӗтеҫҫӗ. Сӑмахсене асӑрханса калӑр, таврари ҫынсем ытлашши кӳрнекенсем, чылай вӑхӑт манайманнисем пулма пултарӗҫ. Кӗҫнерникун карьерӑра хӑвӑрт ӳсме май паракан ӗҫе вырнаҫас шанчӑк пур.

Нарӑс, 26

1906
118
Ростов Порфирий Матвеевич, «Колхозник ҫулӗпе» хаҫат редакторӗ ҫуралнӑ.
1950
74
Эктел Василий Петрович, чӑваш сӑвӑҫи, ҫыравҫи, Чӑваш Республикин тава тивӗҫлӗ культура ӗҫченӗ ҫуралнӑ.
1956
68
Петрова Татьяна Николаевна, Чӑваш Енӗн тава тивӗҫлӗ вӗренӳ ӗҫченӗ, профессор ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуть те кам тухсан та
хӑни ҫулне ахаль те пӗлет, ӑсатмасӑр та
хуҫа тарҫи
хуҫа арӑмӗ
пӗтӗм кил-йышпа тухаҫҫӗ
хуҫин ҫитӗннӗ ачисем
ӑсатма тухни — ҫылӑх, юрамасть
кил-йышри арҫын
хуҫа хӑй