"Контактри" сӑн

Пирӗн ентеш самбо енӗпе иртнӗ Пӗтӗм тӗнчери турнирта малти вырӑна тухса ылтӑн медаль ҫӗнсе илнӗ. Вӑл - Даниил Орлов.

Турнир ҫак кунсенче Мускав хулинче иртнӗ. Унта 16 ҫӗршыври 250 ытла самбист хутшӑннӑ. Пирӗн ентеш 79 килограмм тайманнисен виҫе категорийӗнче тупӑшнӑ. Вӑл ытти спортмсена парӑнтарса пьедесталӑн чи ҫӳлти картлашки ҫине хӑпарма пултарнӑ.

Дмитрий Мулендеев архивӗнчи сӑн

Красноярск хулинче фристайл енӗпе Раҫҫей чемпионачӗ иртет. Унта пирӗн ентеш Дмитрий Мулендеев слоуп-стайл дисциплинӑра 90,50 балл пухса ылтӑн медале тивӗҫнӗ.

Лана Прусакова вара хӗрарӑмсен хушшинче 85 балл пухса иккӗмӗш вырӑна тухнӑ. Ланӑпа Димӑн тата биг-эйр дисциплинӑра тупӑшмалла-ха.

Аса илтерер: нумаях пулмасть Дмитрий Мулендеев Лана Прусаковӑна качча тухма ыйтнӑ.

cap.ru сайтри сӑн

Чӑваш Енре наци кӗрешӳ енӗпе пӗрремӗш хут ӑмӑрту иртӗ. Ӑна Республика кунне халалласа йӗркелӗҫ.

Тупӑшӑва Комосомольскинче ирттерме палӑртнӑ. Унччен кӗрешӳ ӑмӑртӑвӗсен ятарлӑ статус пулман. Ӑна ытларах чухне Акатуйра ирттернӗ.

Кӗрешӗве республикӑри спортсменсем хутшӑнӗҫ. Ҫавӑн пекех регионсенчи диаспорӑсенчи кӗрешӳҫӗсем килмелле.

Ӑмӑрту ҫӗртме уйӑхӗнче иртӗ.

sports.ru сайтри сӑн

Чӑваш Енри спортменка Алиса Петрова Сауд Аравийӗнче иртнӗ экстремаллӑ чупура финиша пӗрремӗш ҫитнӗ. Ҫапла вӑл 80 пин доллара тивӗҫнӗ.

Чупу пуш хирте иртнӗ. Спортмсенсем тӗрлӗ чӑрмавлӑ дистанцире хӑйӑр тӑрӑх чупса тупӑшнӑ. Алиса 90 ҫухрӑма 8 сехет ҫурӑра парӑнтарнӑ. Ку вӑхӑта чарӑнса апат ҫини те кӗрет.

Алиса каланӑ тӑрӑх, старт умӗн ҫумӑр пуҫланнӑ, кӑшт сивӗтнӗ, ҫил-тӑвӑл ҫӗкленнӗ. Йӗркелӳҫӗсен кун хыҫҫӑн дистанцие йӗркене кӗртме тивнӗ.

«Пире ӑнчӗ, сывлӑш температури лайӑхчӗ, 25 градусран ытларах марччӗ», - тенӗ Алиса Петрова.

"Контактри" сӑн

Ҫак кунсенче Атӑлҫи тӑрӑхӗнче бокс енӗпе первенство иртнӗ. Унта пирӗн ентешсем ӑсталӑхӗпе палӑрнӑ.

Пенза хулинче иртнӗ ӑмӑртура 15-16 ҫулсенчи спортсменсен хушшинче Муркаш шкулӗнче вӗренекенсем малти вырӑнсене йышӑннӑ. Алексей Алексеев 52 килограмм тайманнисен виҫе категорийӗнче ылтӑн медаль ҫӗнсе илнӗ. Артемий Алексеев вара 60 килограмм тайманнисен виҫе категорийӗнче пӗрремӗш вырӑн йышӑннӑ.

"Советская Чувашия" архивӗнчи сӑн

Ирӗклӗ кӗрешӳҫӗ Мария Александрова Мускавра иртнӗ Раҫҫей первенстинчен пӑхӑр медальпе таврӑннӑ. Вӑл 15 ҫул тултарман спортсменсен хушшинче 36 килограмм тайманнисен виҫе категорийӗнче виҫҫӗмӗш вырӑн йышӑннӑ.

Мария - Комсомольски тӑрӑхӗнчен. Вӑл Владимир Григорьев тата Максим Степанов тренерсем патӗнче ӑсталӑхне туптать.

cap.ru сӑнӳкерчӗкӗ

Чӑваш спортмсенӗсем Анат Кама хулинче ирӗклӗ кӗрешӳ енӗпе иртнӗ чемпионатран 12 медальпе таврӑннӑ. Вӗсенчен пиллӗкӗшӗ - ылтӑн.

Пӗрремӗш вырӑна Еремий Сергеев, Арсений Сергеев, Ольга Рехметуллова, Наталья Прокопьева, Надежда Яндушкина ҫӗнсе илнӗ. Егор Смирнов, Алена Тимофеева иккӗмӗш вырӑна тухса кӗмӗл медаль илнӗ. Никита Григорьев, Арина Игонина, Ирина Васильева, Елена Петрова, Элина Ажибаева вара виҫҫӗмӗш вырӑна тухса пӑхӑр медале тивӗҫнӗ.

www.championat.com сайтран илнӗ скриншот

Ӗпхӳ хулинче биатлон енӗпе иртнӗ Раҫҫей кубокне Татьяна Акимова хутшӑннине пӗлтертӗмӗр-ха. Пуш уйӑхӗн 2-мӗшӗнчи спринтра Чӑваш Енри тата тепӗр икӗ хӗр пулчӗ.  Вӗсем – Екатерина Васильева тата Каллиста Кускова.

Екатерина выртса пенӗ чух 1 мишене лектереймен, тӑрса пенӗ чух виҫӗ мишень хупӑнайман. Каллиста выртса пенӗ чух 2 мишене лектереймен,  выртса – 3. Вӗсем финиша 59 тата 62-мӗш ҫитнӗ. Ӑмӑртӑва 70 биатлонистка хутшӑннӑ.

Татьяна Акимова. Раҫҫейри биатлонистсен союзӗн сӑнӳкерчӗкӗ

Ҫак кунсенче Ӗпхӳре биатлон енӗпе Раҫҫей кубокӗ иртрӗ. Ӗнерхи спринтра пирӗн ентешӗмӗр Татьяна Акимова та пулчӗ.

Спортсменка тата унӑн упӑшки Вячеслав Татьяна темле пысӑк ҫитӗнӳ тӑвасса шанманнине пытармарӗҫ.

«Хальлӗхе темле вӑйлӑ кӑтарту пуласса шанмастӑп, ку вӑл пӗрремӗш старт. Старта тухсан вӑй илетӗн. Спорт – манӑн ӗҫӗм. Карьерӑна малалла тӑсасшӑн», — терӗ ентешӗмӗр «МАТЧ ТВ»

эфирӗнче.

Татьяна выртса пенӗ чух 5 мишене те лектерчӗ, тӑрса пенӗ чух пӗр мишень хупӑнмарӗ. Финишра ентешӗмӗр 29-мӗш пулчӗ.

Вера Иванова сӑнӳкерчӗкӗ

Паян, нарӑс уйӑхӗн 29-мӗшӗнче, Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта хӗллехи спартакиада иртнӗ. Унта центрта тӑрӑшакансен виҫӗ команди хутшӑннӑ. Кашни командӑра — вуншар ҫын.

Спорт ӑмӑртӑвне хутшӑннисен хӑйсен хастарлӑхӗпе вӑр-варлӑхне кӑна мар, кирлӗ вӑхӑтра тавҫӑруллӑ пулма пӗлнине те, пӗр-пӗриншӗн кар тӑма пултарнине те кӑтартса пама тивнӗ. Кашни командӑнах пылак парнепе хавхалантарнӑ.

Спартакиадӑна хутшӑнакансене центрӑн директорӗн тивӗҫӗсене вӑхӑтлӑх пурнӑҫлакан Аркадий Скворцов саламланӑ.